Sep 10, Nitin Van Mana Thufim 8-9, 2Korin 3 Thufim 8:13 Pathian ttihzah cu sualnak huat khi asi... Thufim cabu sung ihsin kan uar zetmi, Pathian ttihzah cu fimnak ih hramthoknak asi, ti asi. Asinan zumtu tampi cu himi thu thei na cingin fimnak kan tlasam tuk. Mi lakih kan tlanlennak ah aat kan hlawh thei tuk. Zumlotu tampi hman Pathian timi ttongkam an theih cun kan ttihzah ih upatnak an pek. Zumtu hrekkhat hnakin fim an hlawh sawn. Ziangruangahtile zumtu tampi in Thufim 8:13 kha kan uarlo ruangah asi. Fimnak a duhtu cu kan tampi ko nan sualnak huat cu huat kan tumlo. Pathian na ttihzah asile sualnak hua aw, hrial awla ban sanaw. Cule mifim ah na cang ding. # Pathian ttihzah cu sualnak huat khi asi. Hngalnak le puarthaunak, sualnak lamzin le a diklomi ttongkam ka hua. (Thufim 8:13) 2Korin 3:2 ... nanmah hi kan ca nan si, mi hmuahhmuah theih ding le siar dingin kan thinlung ih nganmi nan si. Bible ca hi zumlotupawl hrangah asi maw? -Asilo, zumtu pawl hrang lawngah asi. Zumnak malte tal neiloin Bible a siartu hrangah Bible in zianghman umzia a neilo ding. Bible sungah zumtlak thu a um asi ti a zumtupawl hrang lawngah Bible hi siar manla zetmi asi. Asile zumlotupawl hrangah ziangsaw an siar dingmi? -Zumtu, Nang le kei!!! Zumtupawl kan zaten zumlotupawl hrangih Bible ca kan si. In siar dingih in zoh ding. Cutin kan biakmi Pathian ih thu kha an lung a lut ding. Cumi hnu lawngah Bible an von siar tikah an siarmi in umzia a nei ding. Zumtu pakhat hrangah Bible sungih Pathian thupek a nunnak ih a langter ding hi a ttuanvo tumbik asi. Na nuncan ziaza, na ttongkam le na hoiher hrimhrim in zohtthimtlak le cawntlak nun na neih hrimhrim a ttul. # Bible ca hi zumtu, Nang le kei hrangah asi. Zumtu, Nang le kei hi zumlotupawl hrangih Bible ca kan si. Pathian thlawsuahnak ..... na hnen um hram seh!!! Salai Vanruah.
Posted on: Wed, 10 Sep 2014 07:36:30 +0000
Trending Topics
Recently Viewed Topics
© 2015