TAWNMANG INLARNA Tetea Chhangte A bu chhung thumil ang zela suangtuahna khawvela chengchunga chhungril tak atang a lehkhabu ka chhiar lai mek lai chuan vartian alo ni dawn tareng mai a,ka lehkhabu chhiarlai chuan mi hruai kawi hneh em avang chuan lehkhabu chu khup ta mai lo chuan chhiar zo law law turin ka rilru ka siam ta zawk a,mitkham tihreh nan erawh chuan mit nuai chawt chawt chung chuan ‘reilote ka han maimichhing lawk teh ang’ka ti rilru a.ka maimichhing ta vang vang a,ka mit chu a chau ta bawk ani ang ka mitvun a inkharkhip chiah ah chuan a thim mup mai a. Ngaiteh,chutia leilung reng reng hmu thei lova athim lai chuan reilote ah ka mutna atang a hla lote chilchhak phak lek atang chuan eng nasa tak hi thawk leh khatah alo chhuak tap thut mai a.Mihringin athiamna hmanga asiamchawp eng ang nilo,sawithiam rualloh khawvel hrana kawlphe niawm tak ang a zelding theih eng maksak dangdai deuh mai chuan ka lam arawn pan ta mai a,hlauhna avangin ka hmulthi zawng zawng mai nilo,ka hmul tak te nen lam pawh diangsiauin,ka taksa mai nilovin ka thinlung nen lam khur ta hialin ka in hre ta mai ! ka mumang lam thil anilo tih ka chian hnu chuan beidawnna leh hlauhnain namen lovin min tuam ta lova. Chuveleh chuan ani chu (Hringmi tawng hian ahrilhfiah thiam hian ka ringlo) ka lampanin a rawn kal hnai ta a,maktih leh hlauh fawmkemtu kei erawh chu ka awm ngaiin ka awmkhawng ta reng ringawt mai ani.A hmel chu eng aia eng zawk thiltihtheihna leh thuneitu hmelpu tak,mipa anilova hmeichhia ani heklo,favang lai a thlabial eng no chiai ang mai a hmeltha tih erawhchu ka hrethung ani. Ani chuan hmuiphun si lovin thinlung lama chiang tak si erawh chuan mi rawn bia a ‘Hlau suhla ngai rawh,I hnenah puanchhuah tur ila hmuh ngailo leh la hriat ngailoh thuchah rawn kengtu ka ni e’tiin khawpui ri du rang mai a mi thawngthei tawng chuan mi rawn be ta mai a,ka huaisenna zawng zawng sawmkhawmin ka hnena inlar mi betu hnenah chuan ‘Zuitur chein ka inpeih reng e’ka ti theihram a. Kawlphe anga rangin ke nilovin min kalpuia,hmun pakhat ka kal fona leh ka hriatchian em em hmun(tuin nge mahni pianna ram hai thei the lul ang)ah hian kan tawp ta chawt a.Min hruaitu chuan “Tihtakzetin ka hrilh ache ka hmuhtir tur che nun pahnih hi ngun takin en la,I thinlungphekah ziakla,Hriakthiha inlarna leh aram chhalin thahnemngai takin ka hriattir a che”min ti a.Ngaiteh,thawklehkhatah thalai tam takte punkhawmna hmunah kan lo awm reng tawh a,rimawi hrang hrang nen fakhlain Pathian an chawimawia,thenkhatte chu an lam tui hle bawk a,rimawi leh an tuina chuan kei pawh chu ka hlauhna chu an tireh ta duak a,keimah tak pawh chu fakna rimawi fawn dulh dulh chunga leng delh delh angin ka inhre hial a,min hruaitu hnenah chuan “Ava nuam em ka pian a hnulamah ka hetiang hi kala tawng ngailo reng reng”ka ti siam siam a,ani erawh chu thinrim hmel a put avang erawh chuan mak kati bang lova,min hruaitu chuan “Chunglam lawm afamkimlo asin,ahmuh mek thenkhatte hi LEMCHANG NUN neitu anni,Pa duhzawng anilo ve,atam zawkte hi chu thiamloh chang turin rorelsak an la ni ang”ati a,asawi zawh rual chuan khawpui zawng zawng lan theihna hmunah kan lo awm leh reng tawh alo ni a. Ava mak ngai em !hun tlemte lek ral ta a thalai khawmpuina hmun a lam te,zawipawl hla mawi tak tak remtuten an khawmpuina hmunah lo chuan an nun hmandan chu kawwrchung mawi tak tak nen a khawmpui hlabu zak zeh chunga lemchanchuahna hmun a lut tamai te ,thenkhat chu an inkhawmna thawmhnaw pawh thlakhman lovin zu leh damdawi zawrhna lama kalte ka hmu a,chuvang chuan ka insumzo lo chu ka mit ata mittui dan ruallohin a lo luangchhuak ngiai ngai a,chu mai ala ni hleinem fakna hlasa a kutbenga lam derh derh sual neilo hmelpu khawmpuina a phusa ber ber thenkhatte rei pawh ala riallo,hmun khekrek,thimtham khawi ilai daikil chawnpangkara tisachakna tipuitling mekte pawh ka hmu a,mak ka tih em avang leh hmuh hreawm ka tih em avangin ka maimichhing ta ringawt mai ani. Ka han mengchhuah leh meuh chuan ka khum bulah chuan kan lo awm leh reng tawh hi alo ni a,min hruaitu eng tirhkoh chuan “I hnena thu lo thleng chu hei hi ani,Zoram mipuite hi ka chawmin ka tiseiliana ka chungah an hel leh ta si.Hmangaihna hmasa bansanin chhandamna kawrah in hmang a,min nei a min uiresan leh mai a,min pawma min thlah leh a,min hnaiha min hlat leh si thin,HRIAKTHIHA thinrimna berhbu leihbuak hun chu ahnai ta,IN LUM LEH LUM LAW LAW ULA,IN VAWH LEH VAWT RAWH U,tuilairapa awmte chuan hremna nasa zawk an pumpelh lovang”ati a. Min hruaitu eng tirhkoh chuan min kalsan mai dawna ka hriat avangin a hnenah chuan “Zahawm leh ropui,nun pahnih ka hmuhtir ang che iti si a pakhat chiah min la hmuh tir bawk si a, ani chuan “Vawikhat atan chuan nun pakhat a tawk e,ihnenah ka rawn inlar leh ang”ati a,ahmel eng chu areh tial tial lai chuan khawvel erawh zingkhua alo var ve tial tial a. TAWNMANG INLARNA - II Mak danglam thil tenau lo deuhin min kian zawhsan hlim chauh anih avangte pawh ani mahnale chumi ni zet chu thildang reng reng ka thinlungah aleng lova,ka chunga thilthleng hi enge a awmzia ? Enge achhan ? Engvang nge ? Chumai ala nilo cheu,engvang nge kei kher kher le ? Zawhna hlirin ka khat mai a.Felna nena insi hnai lo leh thatna hlatsana sualna laichina siam fotu hnen ah hian, thianghlim ropuinain ahual vel ‘ ahmingah chuan Maka’….chu maktak main kei akar ahnenah arawn inlar tak mai le!Eng thil emaw chu a ni ngei ang le. Thimin lei arawn dap chhuak a chhun lama eng in athuhruk arsite mawina chuan vandumpawl ruih chu Siamtun an nihdanphung tur reng a asiam ang in tisa bawlhhlawh rawngkai lorengin an luah de leh sep sep a,thilsiam ropuizia suangtuah chung a inchung atanga van lam ka thlir reng lai chuan ka mut chu chhuak namen in a chhuak ta lova.Ngaiteh,thawklehkhatah kawlphe ang a eng nasa tak chuan tek anga rangin ka hnen alo thleng reng tawh a. Uai!!kei hian enge maw chu ka tawng leh ngei dawn e ka tih rilruk mek lai chuan “Nun pahnihna ka hmuh tir ang che”tichung chuan ka saban ah min kai ta nghal a.Tin,heti hi a ni a,kan awmna hmun chu alo inthlak danglam ta nghal a,hetihi ani a,kan velah chuan hmuh tur reng an awm lova,mihring chenna in te nen lam pawhin,hmuh neilo mah ila ka beng erawh chuan hriat anei thung a,mi tu emaw lungchhe vankai a tap hawm hawm thawm ka hria a “A har ka va ti em”tih hlir hi a sawi a.A tap awri chu pa valai tap aw a ni tih pawh chiang tak in ka hre thei a,a hnen lam pana kal tuma ka penlai chuan min hruaitu engtirhkoh chuan “Baala hmaa thingthi ngailo kan Pa tana mi rinawm la humhimte zing ami anih kha”alo ti a. Chutifakauva vanlam pawhin rinawmna an pawmpui hreawm tuar ni awm taka tap lawisi chu ka belchiang chak ta zek zek a,alam chu ka pana ka han bia a thilmak bawk, ka aw reng reng a hre thei tlat lova maw le!! Min hruaitu engtirhkoh chuan “Ka fapa,ka entir zawk ang che”ka hnena a tih pah chuan ka mitah chuan ahan khawih a,chuveleh khawpui pakhata office lian tak ah hian kan lo awm reng tawh a,mi tute emaw panga an hausakna hmang senglo hmel tak tak leh mi pakhat pa vantlang hmelpu ve tak te chuan dawhkan pakhat hi an lo kil hova,mi vantlang tak hmelpu chu ka han en chianga reilote ralta a ramhnuaia lo tap hawm hawm kha alo ni reng a.Dawhkan kiltute zinga pangte chuan pa vantlang tak hmelpu chu “Thianpa he lehkhaah hian ihming chu ziah hnan ve mai rawh sum tam tak siam theihna ani asin”tiin an nawr nasa mai a.Ani erawh chuan “Kut tling lova mipui chanai diklo taka laksak hi Pathian mithmuhah thilthalo tak ani,mi tilui lo hram rawh u”tiin alo chhanglet ve thung a. Thenkhata chu ama nihna aia sang zawkte annih avang chuan hreawm ti em em hmel hi a pu a,a dawhkan kilpui duhamate chu an beidawn rak thlengin thilsual tiluilo tur chuan ahnial fel fithla thak a.Duhamate pawh chu thinrim hachang thial chung chuan an kaldarh ta a. Mahni chauha a awm taka chin ah chuan lehkhabu pakhat pawmchungin a tawngtai ta a(chu lehkhabu chu Kristiante thurin lehkhabu ani tih ka hmu thei a) “A har kava ti takem ,thim thuneihna hneh tur chuan thawhpuite hmaisa pawh palhdaih atul si amaw”tiin thingthi chung chuan a tap ta zawih zawih a.Kei leh ta pek chuan ka rilru chuan ‘he pavantlang mi ang hi kan ram ah hian engzat tak awm ang imaw,thinrik tham lek bak hnathawha rinawm kan awm silova’ka lo hman leh ta pek a.He pa vantlang anga rinawmna nun neitu nun hi kan ram hian ava mamawh tehkher em vele aw’tih vel ka ngaihtuah rauh rauh lai chuan Biakin pakhatah hian kan lo awm leh reng tawh a,biakin maicham hmaa bawkkhup mi pakhat chauh tih lo chu tumah reng chu hmunah ah chuan an awm ve hauh lova,kum 60 vel hmel putawh,alu ah pawh kelsam to pheuh pheuh tawh chu arawn tawngchhuaka “Lalpa misual ka ni min ngaidam rawh,engmahlo mai ka ni ka kohhran ho beramte chaw an puar leh fanna tur chaw pek tur neilo,keimah atangin partlan tur zu leh chhenfakawm nun midangte tan ka nei thlawt silo,eng atan maha tlak tlailo leh Beramhote hruaitu atan a hman tlak loh kan ni”tiin thuphachawiin a awm inchumin atap ta zawih zsawih a. ‘chutianga misual tangkaina leh beramte chawm zolo te chu hruaitu anihna atangin bang mai sela ,tiin ka rilruin keimah leh keimah ka lo intih lai chuan ka ngaihtuahna chu min hruaitu chuan alo chhhang a “Ka fapa ani khu awmlo sela chuan an kohhran hi an phel daih tawh ang,inremlote,in nghirnghote kar ah Krista aia palai hnathawkin remna thuthlung siam fo thin tu anih hi,mihringten innihna diktak misual nihna atang inngaitlawm a chunglam indawrin Pa chuan a ensan theiloin akalsan thei ngailo” ati ta fak fak a.Kei chuan “Ava ropui em!Hetiang mi hi Zoram kohhrante hian asang asang tel nei ila an vahluin anva tha dawn em”ka tichhuak ta phawng a. Thawklehkhatah vartian ar khuang ri chuan mi tiharh ta zawk a,chu mumang chhawnghnihMaktak chu atak rama tawn thil nilo mahsela thupuarphawleng mai zawng ani hauhlova,tawnmang ram mah nisela kei erawh chuan kan Zoram nen hian ka chhhuidawn lo thei thei lova.
Posted on: Mon, 15 Jul 2013 07:21:26 +0000
Trending Topics
Recently Viewed Topics
© 2015