Tedim Myo leh Kalay Myo ah ECODS leh Mote Oo te ki pawl aa, mipi te tawh thu ki kup na ki nei! July 15 ni Mote Oo pan Program Manager leh Training Manager tawh Tedim ah ECODS makai khat a hi Lia Huai Mang tawh na kahto thei uh hi. Tedim vai khempeuh pen Siamah Cing Pum Nem in avek aa na vansak aa, Nitak nai 7.40 pawl in na kipan thei uh hi. FBBC ,AAS, TTC, BBC, TBC, TBA leh Private school pan Siamahte zong hongpai thei uh in, mi 30 val bang hong ki hel thei hi. Ecods thu zong na gen thei in, kimuhkhop theihna ding i lunggulhna te zong na pulak thei hi. Mote Oo ten zong amau i nasepte, sepziate gen na nei in,dotnopteng dotna hun , tuakhitciang Mote Oo ten Assesment la uh aa, Kizop theihdan ding vaite kikum ziahziah thei uh hi. July 16 ni nitak nai 4-6 sung Kalay Myo ,Emmanuel Theological Seminary (Sia Mun Thang ) sangah kimuhkhopna nei thei uh hi. mi 14 pha uh aa, Emmanuel Theological Seminary Zomi Theological Seminary Kalay Theological College Lois Children Education Centre Kalay Consortium Resource Center , te pan 10 bang na ki hel thei uh hi. Tedim hi ta leh Kalay a te a ding,ECODS lam pan i hanciam ding a lung lut, thu ki kup, thu sung na te: -Library aading Mote Oo pan laibute ngah theihna ding -Tukum sung Civic leh Politics lam tintan ngeihzawh nang hanciam ding - September kha sung in ( Mote Oote kiang siauh sak ding) -Mote Oo te i laibute zong Zolai aa let theihnang hanciam ding -Civic Education TOT pen tukum sung kahtheihnang Form copy ngeingai ding in Sangmin tektawh siauh ding. kimu khawm aa Form fillup khawmding cihdan teng kiho na na nei thei uh aa, nuam tak in na zo thei hong suak hi. A mun mun pan , vai khempeuh a piang theih nang , hong panpih, hong buai pih, hong vai hawm a kua maciat tung ah ECODS tang in lung dam hong ko ing. Media & Information Department
Posted on: Fri, 18 Jul 2014 05:56:56 +0000
Trending Topics
Recently Viewed Topics
© 2015