UC Browser atangin status update na a awm lo. ╤╤╤╤╤╤╤╤╤╤╤╤╤╤╤╤ FRIENDLY SCORES. SPAIN LEH NETHERLAND CHAKLO. FT France 1-0 Spain 74 Loic Remy FT Italy 2 - 0 Netherlands 3 Immobile 9 Bruno Martins Indi(RC) 10 (pen.) Daniele De Rossi FT Belgium 2 - 0 Australia 18 Dries Mertens 77 Witsel FT Sweden 2-0 Estonia Ibrahimovic 3,24 FT Croatia 2-0 Cyprus Mandzukic 18,58 FT Bosnia-Herzegovina 3 - 0 Liechtenstein 2 Vedad Ibisevic 14 Vedad Ibisevic 24 Edin Dzeko FT Iraq 0-2 Peru FT Slovakia 1 - 0 Malta 43 Adam Nemec FT Belarus 6 - 1 Tajikistan 7 Stasevich 1 - 0 34 1 - 1 Fatkhulloev 55 Kornilenko 2 - 1 59 Krivets 3 - 1 61 Olekhnovich 4 - 1 62 Kislyak 5 - 1 75 Aleksievich 6 - 1 FT China 3 - 1 Kuwait 45 0 - 1 Hajiah 53 Yu Yang 1 - 1 64 Hanchao Yu 2 - 1 90 Lei Wu 3 - 1 ╤╤╤╤╤╤╤╤╤╤╤╤╤╤╤╤ Ariana Grande-in beisei a phâkA album tihchhuah hma aṭang tawhin Ariana Grande album thar tur hian sawi a hlawh a, Billboard album chart (200)-ah pawh dinhmun sang tak a chan a beiseiawm a, beisei ang ngeiin pakhatna a rawn hauh e. Ariana Grande album pahnihna, My Everything chu kar khat chhungin copy 169,000 zet hralh a ni a, Billboard 200-ah pakhatna a hauh. Kum khat pawh tling ṭha ṭhum loa album pahnih hmanga Billboard album chart-a pakhatna hauh thei a ni, a tê lo. Grande studio album hmasa ber Yours Truly kha nikum September 2, 2013 khan a tichhuak a, kar khat chhungin copy 138,000 a hralh a, pakhatna a hauh a ni. Kum 2010 hnua hmeichhe zingah album hmasa ber pahnih Billboard album chart-a pakhatna hauh thei ve ve nei hmasa ber a ni. A hmaa he dinhmun hauhtu chu Susan Boyle kha a ni. Pahnihnaah country star, Brad Paisley a awm a, a album thar Moonshine in the Trunk chu kar khat chhungin copy 53,000 a hralh. Brad Paisley hi zai lamah chuan a hlawhtling tih loh rual a ni lo. Brad Paisley album, top 10-a lang thei pakuana a ni. Pathumnaah Kem album thar Promise to Love a awm a, copy 52,000 hralh a ni. Gaurdians of the Galaxy ost chu pahnihna aṭangin palinaah a chhuk thla a, copy 48,000 hralh belh leh a ni. Billboard 200 My Everything - Ariana Grande (169,000) Moonshine in the Trunk - Brad Paisley (53,000) Promise to Love - Kem (52,000) Guardians of the Galaxy Soundtrack - Various Artists (48,000) In the Lonely Hour - Sam Smith (30,000) Blacc Hollywood - Wiz Khalifa (30,000) Frozen (2013) Soundtrack - Various Artists (27,000) The Now 51 Album - Various Artists (25,000) 5 Seconds of Summer - 5 Seconds of Summer (22,000) Waking the Fallen - Avenged Sevenfold (22,0 ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ Putin-an Ukraine buaina chinfel a tumna point 7 a duangRussia President Vladimir Putin chuan Ukraine khawchhak lama inlakhran duhtu leh Ukraine sipaite inbeihna thleng mek tihtawp a nih theihna turin ruahmanna 7 a siam. Kumin March thlaa Ukraine rama buaina thleng vangin mi 2,600 chuang an thi tawh a ni. Kremlim press service chuan Putin-a ruahmanna siamte hi an official website-ah an tarlang niin a sawi. Ruahmanna a siamah hian Ukraine aṭanga inlakhran a, Russia lama beh duhtu, Donetsk leh Luhansk biala Ukraine sipaiten beihpui an thlak chu titawp turin a ngen a, hei bakah hian sipaite chu mipui nawlpui chenna hlat thei ang bera inthiarfihlim turin a ti bawk. Sipai leh inlakhhran duhtu pawlin an mi mante chu inthleng tawnna tura ruahman tur te, raltlante chhawmdawlna pek an nih theihna tura kawng hawng turtein a rawt a, hei bakah hian thlasik a nih chhoh mai dawn avangin an inbeihna biala vantlang hmun pawimawh tihchhiatte siamṭha a, lei chhiate pawh dawh ṭha turin a ti bawk a ni. Putin leh Ukraine President Petro Poroshenko-te chuan Ukraine khawchhak lama buaina thleng mek chinfel a nih theih dan turte an lo sawidun tawh niin Kremlin chuan a tarlang bawk a, inkahhai puan a nih theih dante an sawidun a, mahse an la inrem thei lo niin a sawi. Ukraine buaina chungchanga Russia inrawlh an duh lohna lantir nan leh, Russia laka hma lak dan tur ngaihtuahin nimin khan UK-ah Nato hruaituten summit an nei. Nato hotu, Anders Fogh Rasmussen chuan Ukraine buainaa Russia lo inrawlh ve chu Cold War hnuah security tiderthawng thei thil hlauhawm ber a ni, a ti. US leh UK chuan Ukraine an thlawp zel tur thu hi thuchhuah inṭawm siamin an lo tichhuak tawh bawk. ╤╤╤╤╤╤╤╤╤╤╤╤╤╤╤╤ US-in IS firfiakte nuaibo a tumUS chuan an ram leh an thawhpui ramte vautu, Iraq firfiak pawl, Islamic State (IS) firfiak pawl chu tihchhiat a, nuaibo a tum thu a sawi nawn. US Defence Secretary Chuck Hagel chuan, Pentagon chuan IS thiltihtheihna tichhe turin a theih ang apiang a ti dawn, a ti a, hemirual hian Iraq ramah sorkar nghet a din thuai a beisei thu a sawi bawk. IS firfiakte hian Iraq hmarlam leh Syria ram ṭhenkhatte lain an inkhuar a, ram zau zawk lak belh zel tumin an bei a ni. US chuan Iraq hmarlama IS nena inbei mek, Kurdish fighter-te pui turin thlawhtheihna hmangin beihpui a thlak a, IS hmun pawimawh eng emaw zat a bomb chhiatsak tawh a ni. August thla khan IS-te hian American journalist, James Foley chu a lu an tansak a, he video hi internet-ah tichhuakin US chu IS laka beihpui thlak tawpsan turin an vau bawk. Hemi hnu, Thawhlehni khan American journalist dang, Steven Sotloff-a lu an tansakna video an tihchhuak leh a, US an vauna chu an ti mai mai lo tih lantirna atan an hmang a ni. Firfiakte hian US leh a thurualpui ramte chu an lak aṭanga inthiarfihlim tura vauin, an thu an zawm lo a nih chuan British mi an hren mek, David Haines chu thahah a vau zui leh bawk. David Haines hi British sipai hlui niin, chhawmdawlna hna thawktu pawlah a tel a ni. US Vice President, Joseph Biden chuan US-in IS chu hremhmun thlengin a um dawn a ni, a ti. IS nuaibo turin an bei zel dawn a, hemi atan hian ramdangte pawh thawhpui turin a sawm nghal bawk. Biden chuan, America mipuite chu hmelmaten an hriatthiam phak loh khawpin an chak a, an tum pawh a ruh a ni, a ti. Mi dangten America mi leh sa an ti na a nih chuan, an hnungtawlh san dawn lo a, an theihnghilh ngai bawk lo niin a sawi. Britain pawhin IS-te hian British mi an hren mek chu thahah an vau leh avangin an ngawihsan mai dawn lo tih a sawi a, UK Foreign Secretary Philip Hammond chuan David Haines himna turin a theih ang angin hma an la dawn a, a ṭul a nih chuan thlawhtheihna hmanga beihpui thlaknaah pawh an tel ve dawn a ni, a ti. France President Francois Hollande pawhin IS-te chu na zawka sipai chakna hmanga beih a ṭul dawn niin a sawi bawk. Nilaini khan US-ah Sotloff-a chhungte leh a ṭhiante chuan a hriatrengna hun an hmang a, Sotloff-a ṭhianṭha tak leh an chhungkaw thupuangtu, Barak Barfi chuan Sotloff chu Pathian tan a martar a ni tiin, aw chhuah ve thei lohte tana thawk a ni, a ti. Arabic scholar, Barak Barfi chuan IS hotu, Abu Bakr al-Baghdadi chu Islam chungchanga debate neihpuiah a cho nghal bawk, Ramadan hi zahngaihna thla tiin i sawi a, khawnge i zahngaihna ve chu? tiin, Pathian chuan rawng taka midang beitute chu a hmangaih ngai lo a ni, a ti. ╤╤╤╤╤╤╤╤╤╤╤╤╤╤╤╤ Governor atana ruat a nih danah dik lo a awm lo niin CJI hluiin a sawiChief Justice of India hlui, P Sathasivam chuan Kerala Governor atana ruat a nih chungchangah sawiselna tam tak awm mah se, thil dik lo a awm lo niin a sawi. CJI hlui chuan, Thla li liamtaah pension-in ka chhuak tawh a, hei vang hian Governor atana ruat ka nih danah thil fello leh sawisel tur a awm lo a ni, a ti. A hna aṭanga a pension tawh a, a tawnhriat neihte leh a thiamnate chu Kerala mipuite tana hman a duh thu sawiin, a tawnhriat lo neih tawhte chuan state tan ṭangkai leh ṭha zawkin hna a thawhtir thei dawn a ni, a ti. Sathasivam chuan Governor atana ruat a nih danah politics a inrawlh lo tih sawiin, judiciary lam mi governor atana ruat a ni chu legal department lam pawhin an lawmpui tur a ni, a ti bawk.╤╤╤╤╤╤╤╤╤╤╤╤╤╤╤╤ Andhra Pradesh khawpui thar tur Vijaywada bialah dah dawn: NaiduAndhra Pradesh Chief Minister N Chandrababu Naidu chuan an state khawpui thar chu Vijayawada bialah a awm dawn tih nimina assembly inkhawmah a sawi. Andhra Pradesh chu state pahnih - Andhra Pradesh leh Telangana a ṭhendarh a nih hnuah an state khawpui, Hyderabad chu kum 10 chhung atan khawpui inṭawmah an hmang chhunzawm dawn a, kum 10 hnuah Telangana state lamin a chang zui tawh dawn a ni. Hei vang hian Andhra Pradesh state hian kum 10 hnua an khawpui thar tur an siam a ngai dawn ta a ni. Khawpui thar awmna tur chungchang hi hun eng emaw chen an buaipui hnuah CM hian Andhra Pradesh state laili lai, Vijaywada bialah siam a ni dawn tih a sawi a ni. CM chuan, September 1 a cabinet meeting chuan state khawpui siamna turah hian thutlukna a siam a, hei bakah hian mega city 3 leh smart city 14 siam tum a ni bawk, a ti. Cabinet thutlukna siam hi Sivaramakrishnan Commtitee in mipuite ngaihdan a lakah pawh a tam zawk duhdan a nih thu a sawi. ╤╤╤╤╤╤╤╤╤╤╤╤╤╤╤╤ Australia Prime Minister Tony Abbott chu ni hnih cham turin nimin zing khan Mumbai a╤╤╤╤╤╤╤╤╤╤╤╤╤╤╤╤ Al-Qaida-in India rama Muslim-te tana bei tur wing thar a dinAl-Qaida firfiak pawl hotu, Ayman al Zawahri chuan India subcontinent-a Muslim-te tana beitu tur wing thar din a ni tih a puang. Nilaini-a video, darkar khat dawn awh an tihchhuah tharah, al-Qaida hotu Zawahiri chuan India rama Kashmir, Gujarat, Ahmedabad leh Assam bakah Myanmar leh Bangladesh-a Mulsim-te tana beitu tur, Qaeda al Jihad din a nih thu a puang a ni. Al-Qaida branch thar hi Shariah Committee of Pakistan hotu, Asim Umar-an a ho dawn a, thupuangtuah Ustadh Usama Mahmoud an hmang ang. Zawahiri chuan India rama state pali an tarlante chu Muslim ram ṭhin a ti a, hengte hi a nihna ngaia dah kir leh an tum tih a sawi. Muslim-te chu an hmelmate laka indona thianghlim puang a, an ram nei let leh tura bei a, an thuneihnate lakir tura bei turin a fuih nghal bawk. An branch din thar chuan, an laka dik lo taka rorelsak leh awpbeh Muslim-te chhanchhuak turin a bei dawn a ni, a ti. India ram mipui zinga 15% vel chu Muslim an ni a, mi maktaduai 175 vel an tling a ni. Khawvela Muslim tamna ram pathumna a tling pha a ni. Video tihchhuah a nih hnu hian Home Minister Rajnath Singh chuan intelligence agency-te chu meeting a neihpui nghal a, meeting-ah hian National Security Advisor Ajit Doval pawh a tel a ni. Singh chuan video chungchang hi Prime Minister Office pawh hriattir a nih tawh tih sawiin, he video hi siamchawp a nih leh nih loh intelligence Bureau chuan a enfiah dawn a ni, a ti. ╤╤╤╤╤╤╤╤╤╤╤╤╤╤╤╤ CMA-ah Lambert bawkCountry music-ah hi chuan Miranda Lambert lehthal hi chu a harsa ve a ni ngei ang. CMA-in nomination list an tarlanah Miranda Lambert bawk a langsar ber a ni leh ta. Nilaini khan 48th annual Country Music Association Awards nomination list hi tarchhuah a ni a, hetah hian Miranda Lambert hian nod 9-ah ngawt a lang a, a hmaa a record siam tawh bawk a rawn nihrual leh. Miranda Lambert hi Country Music Association Awards nominee puan chhuah tawhah, hmeichhiaah chuan category hrang hranga ṭum khata lang hnem ber a ni. ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤ ╤╤╤╤╤╤╤╤╤╤╤╤╤╤╤╤
Posted on: Fri, 05 Sep 2014 02:10:09 +0000
Trending Topics
Recently Viewed Topics
© 2015