UTHANDOLWABATSHA 22. Maphosa,qhaga mkhonto,wena - TopicsExpress

UTHANDOLWABATSHA 22. Maphosa,qhaga mkhonto,wena mzilakawulandelwa owulandelayo uyazibambelela,maswazi elilamathamunyu.Elakhafulela abanye baqubuka,wena mabhopoma,mankala,noko.Ngingabala ngithini na lokho izitemo zakini azingenelisi.Kunjalo nje lomlomo umncane ukuthi ngiklabalale kuzwe umhlaba wonke.Umkhosi wenhliziyo awuphalalelwa kanti isifo senhliziyo sifuthela umnikazi.Ngithula kuzekubenini ngoba ingane engakhaliyo ifela embelekweni.Nomathamsanqa ngiyakuthanda ntombi.Yebo asazani ngokwenya kodwa ngokomoya lemizwa siyezwana.Ngitsha luthandolwakho nkosazana.Nxa ungayikhipha inhliziyo yami kulobubunzima ntombi ngiyothi ukwanda kwaliwa ngumthakathi.Ngempela nxa ungayikhulula inhliziyo yami emaketaneni ntombi ngiyobonga nginconcoze. Kwakubhala uThembani ebhokisini likaNomathamsanqa kubusogwalo.Wathikaza kabili,kathathu esesaba ukuwuthumela lowo mlayezo ethi funa ibuchithe ubungane babo.Wacina eqhunga isibindi kanti okungasikufa kuyini.Wawuthumela wahle waphuma emzileni(offline). Ubhala nje okaMalandela kuphakathi kwamabili uphelelwe yibuthongo.Wakhangela watshibilika esatshibilika embhedeni ungafuna uthi kulensikizi kanti hatshi udinga ubuthongo.Yaqala ukugiga ekhanda imicabango umuntu esakha ediliza.Ebumbe kubhidlike yonke imicabango yakhe yayiphelela emoyeni njengesithukuthu senja esiphelela emoyeni.Vele kunjalo empilwemi kwesinye isikhathi ubalemicabango engaphutshiyo ufane xathu lomuntu owakha indlu egebhele insika yendlu esidulwini somuhlwa.Ngelikade elokhu esacabanga uThembani samjuma isiqhwaga esiyibuthongo walala obukabhuka.Nampo ubuthongo bumthatha bumusa emaguswini amnyama agcwele imikhusu.Wazibona ehamba ngendlela elikhonjwana eyayingumzila ngaphansi kwemikusu ethe cilikici ngamahlamvu kwazise kwakusentwasahlobo. Wayelokhu ehamba njalo engazi ukuthi uyangaphi wathi esahamba kanjalo wezwa ilizwi lowesifazane ehlabelela kamnandi kungani yinyoni yezulu.Wayesizwa uhlamvu lunyengalunye lwengoma uThembani.Walizwa lisondela lelolizwi kwazise leyontombi layo yayihamba ngaleyo ndledlana elukhonjana.Yayithi intombi Wathatha eyakho indlela lami ngathatha eyami.Sasilesiqiniseko sokuthi indlela zethu azisoze zahlangana.Kodwa sikhathi sonke nxa ngikhitshwe ngeyinye indoda ngizizwa sebiza igama lakho.Manje sengiyabona ukuthi kuliqiniso abakutshoyo ukuthi kwesinye isikhathi uthando alukwazi ukuthi lufenini.Ngikhulule ngiyekele ngihambe,ngikhulule ngiyekele ngihambe.Khumbula lokhu amanye amabholoho awatshi. Waphambuka uThembani wathi mba emkuswini walingisa umpakwa.Wayibuka isiza intokazi izihambela ikhululekile ngapha isiculela.Yayimhlophe ngebala amehlo emaqatshana kungani ngamathunduluka.Inhlamvu zamekhe zimnyama okweqolo lenkonyane.Amabele emile mpo ekhomba indlela.Itsho ngokuliqodlwana okungani ngokukalonyovu wawungafunga uthi ungakuhlanganisa ngesandla.Izinqe ezilingene umzimba wakhona zazithe mpa zigcwele isiketi.Ehamba ekopela umasige kwazise ulezigwenxa.Yayigqoke isikipa esimhlophe,lesiketi sejini esingaphezulu nje kwamadolo lamathenisi amnyama.Ekhanda eyeluke lokhu abathi yisandla esikhululekileyo(free hand). Yathi isiqondene laye wavuma ingoma okaMalandela ethi Ngikhulule,ngiyekele ngihambe. Yathi khwimilili intombi yangethuki kodwa yambuka ehlabela ezigonele isihlahla.Waqhubeka lapho okuhlabela khona indoda kuphela wathi Akufanele uze uhambe lami kuleyindlela,ngyayazi indlela yami lapha.Angeke kubonakale kanjalo lapho okhona kodwa wena kholwa mina ngiyazi ukuthi ngikhuluma ngani.Ukukuyekela uhambe akuzange kungihluphe ngoba ngakwenza ngaphambilini,kodwa wathi uhamba ingxenye yami yahamba lawe.Yingakho ngikutshayela ucingo.Ngiyakucela,ngiyakucela ungaluvali ucingo lwakho ngizwe.Ngikhulule,ngiyekele ngihambe ngikhulule,ngiyekele ngihambe.Khumbula amanye amabholoho awatshi. Yabobotheka intombi kwathi foco ezihlathini kwavuleka amagodi owawungathela kiwo amanzi ingane inathe ikholwe.Kwavela uthotho lwamazinyo ayemhlophe nke. Yavula izandla intombi laye uThembani wayekela isihlahla,wafaka isandla ekhukhwini wakhipha iketani yegolide.Wayiphatha evule izandla esiya entombini.Wafika wayifaka entanyeni yentombi bangana.Waphapha esethuswa yi alamu eyayisithi sekusile.Watatazela egeza kwazise isikhathi sasesidliwe ngumangoye.Wathi esesemtshoveni esiya emsebenzini wangenakubusogwalo wathola impendulo ebuya kuNomathamsanqa.Kubhalwe kanje... Asisbambe lapho.Mehlomadala bangane bami.Bocc phendulani uThembani.Bobhuti nina ningoThembani nibhekele impendulo ethini? Asiphenduleni masinya mazingaba ngu200 impendulo kungakashayi u19:00hrs ngiyaliphinda. Watch out for chapter 23 Pls like and share my page Poems and short stories-nxastok

#Brent #Jobs Lettings Manager - Wembley Residential Lettings

If anyone has any information about a golf cart that was stolen

WOW! I REALLY needed this today. I love you so much, Reba K

[+]DRAGON CITY DLL.. ► HARGA UNTUK UMUM 600 gems + Gold + Food

The great thing about Inner Sanctuary is we cater for all levels

On May 2, 2011, Seal Team 6 infiltrated a terrorist compound in

ALQUILO HABITACIONES AMOBLADAS CON TV 32 PULGADAS CAMA KING SIZE

1st financial auto loan

Black Friday & Cyber Monday @ Geekbuying Weather Dirt Shockproof

Just watched the end to a great show. Theres a lot to be learned

We can reject everything else: religion, ideology, all received

This prayer initiative was birthed in the patriot hearts of

Wishing each one of you a very happy and prosperous diwali. As

I know you have heard many a tale from the Irish Isle

An MCM recap for those interested ...... After extensive

Wenger hints at Ryo stay Wenger hints at Ryo stay Posted by:

After ACD NSW representations to the Premier Barry O’Farrell and

Devotee: I did not know that the jesus in india was debunked? is

The bloom has descended on the garden I remember that exquisite

Oriental Furniture Great Quality Rustic Design Room Divider,