Umapela ni Sen. Cynthia Villar sa Korte Suprema na i-review at baligtarin ang April 26, 2013 desisyon ng Court of Appeals na nagbasura sa kanilang hinihiling na “writ of kalikasan” upang pigilan ang Alltech Contractors, Philippine Reclamation Authority at iba pang concerned local government units sa planong P14-billion Manila Bay reclamation project sa Las Piñas at Parañaque cities. Sa inihaing “Petition for Review on Certiorari,” hiniling din si Villar sa Korte Suprema na maglabas ng hatol na pabor sa kanya at 315,849 residente ng Las Pinas City at ideklarang “null and void” ang planong Alltech Coastal Bay Project dahil labag ito sa constitutional right sa pagkakaroon ng isang balanse at malusog na kapaligiran. Nanawagan din si Villar sa hukuman na utusan ang Department of Environmental and Natural Resources (DENR) na kanselahin at pawalang bisa ang Environmental Compliance Certificate (ECC) na inisyu nito sa Alltech sa pagsasagawa ng proyektong ito. Iginiit ni Villar na iligal at labag sa batas ang ipinalabas na ECC para sa proyekto dahil sa pagkabigo ng proponent nito na maghain ng environmental impact statement (EIS) sa kabila na isa itong Environmental Assessment (EIA) study. “The Court of Appeals committed grave and serious error that it decided that Alltech Coastal Bay Project is a continuation of the PEA-AMARI Manila Coastal Bay project even when the latter has never entered actual operation phase, let alone seen actual implementation works,” ani Villar. Sinabi pa ni Villar na ang isinagawang pagpupulong na umano’y isang public consultation ay hindi naaayon sa itinatadhana ng batas. - See more at: bomboradyo/news/latest-news/item/26428-mga-tutol-sa-manila-bay-reclamation-project-dumulog-sa-korte-suprema#sthash.PRa8zec7.dpuf
Posted on: Thu, 10 Oct 2013 10:46:26 +0000
Trending Topics
Recently Viewed Topics
© 2015