V/C-ten in hmun an pe thei tawh dawn lo Cheibawl loa ram neih cancel theih dawn Mizoramin ram enkawlna dan thar a hman tak, The Mizoram (Land Revenue) Act, 2013 & The Mizoram Land Revenue Rules, 2013 angin, village council-ten an thuneihnain in hmun an pe thei tawh dawn lo a; mimalin ram a neih a, cheibâwla loa a dah reng pawh phal a ni dawn lo. The Mizoram Land Revenue Rules, 2013 ang chuan, V/C pass hmanga ram neitute tan neitu nihna tak tak a awm tawh dawn lo a; Village Site Plan-a awm erawh chu Revenue department-in pe tura ziaka thuneihna a pekin in hmun a pe thei thung. Record kimchang takin V/C-ten an vawng tur a ni. Miin ram (house site ni lo) tak hmang si loa a neih chuan kum tin chhiah rit tak chawi a ngai tawh dawn a; hei bakah hian social audit pawh din theih a ni dawn a, miin an ram an enkawl em tih YMA leh V/C ten an endik thei ang a, cancel thlenga hrem theih an ni ang. Ram enkawlna dan tharah chuan, Revenue Court neih a ngai dawn a; first appeal atan Revenue director leh second appeal atan Revenue commissioner an ni ang. Tun hma chuan Land Revenue department-in thubuai a ngaihtuah ngai lo a, Court-ah thlen vek a ni ṭhin. The Mizoram Land Revenue Rules, 2013 hnuaiah hian ram bial tinah agriculture zone, industrial zone, residential zone, public utility area leh thil dangte ruahman hmasak vek a ni dawn a; chumi zûlzui chuan ram sem a ni ang. Ram hmanna tur siama pek a nih tawh chuan, a hmanna tur thlak thleng a rem tawh dawn lo a ni. Dan thar chungchangah hian LR&S secretary, RL Rinawma chuan, dan thar hman hmaa thubuai awmte chinfelna hun siamin an chinfel mek thu Vanglaini a hrilh a, He dan thar hmang pawh hian hmalakna eng emaw zat neih tawh a ni, a ti. RL Rinawma chuan, dan ṭha tak duan chhuah a nih thu sawiin, A ṭhatna leh sâwtna tak tak chu Revenue department leh sorkarah a innghat nasa hle. Mipui lam aṭanga thâwpna leh kal sual laka ven hna thawh a nih loh chuan dan ṭha tak ziaka awm ringawt a nih a hlauhawm thei ang, a ti a; Mizoram leilung enkawl dan a fel loh chuan a tuartu tur chu ram mipuite an nih thu a sawi. Sorkar ram enkawl theih chin District Ram enkawl theih(sq.km) Aizawl 3,576.31 Lunglei 4538 Champhai 3,185.83 Mamit 3,025.75 Kolasib 1,382.51 Serchhip 1,421.60 - See more at: vanglaini.org/tualchhung/10359?utm_source=feedburner&utm_medium=feed&utm_campaign=Feed%3A+VanglainiDailyFeed+%28Vanglaini+Daily+Feed%29#sthash.NcSvGDBK.dpuf
Posted on: Thu, 24 Oct 2013 04:11:36 +0000
Trending Topics
Recently Viewed Topics
© 2015