Willemstad- Partido Kòrsou Liber Asosiá ta lamenta ku tur aña ta keda skucha ku NV’s nan di Gobiernu ke ilimina kupo nan di trabou. Esaki sigur ta un di e prekupashon nan ku KLA ta sigiu papia riba dje, ku mester STOP kune I duna trankilidad na trahado nan. UTS ta e ofisina di mas grandi den telekomunikashon riba Korsou I na niun momementu mester tin e prekupashon aki. Visibil si ta ku UTS ta perde bastante seng/ganashi, por medio di kompromiso ku e tin pa ku e otro ofisina nan di UTS den exterior. UTS na Korsou, tur aña a sabi di hasi ganashi prome ku a bai expande internashonalmente, I riparabel tabatata dia a kumisa kubri gastu di UTS nan den exterior, UTS na Korsou a kumisa perde seng, I ta sigui perde seng. Den mesun rosea Partido KLA ta mas ku KLA riba e situashon aki, I ta indika ku tin ku termina e ofisina nan den exterior for di masha tempu, I purba reskata lokual por ahinda dor di bende e ofisinan nan, prome ku tur UTS bai bankarota. UTS na Korsou tur tempu a konose ganashi, I ta te ku ora a kumisa inverti pa expande internashonalmente, UTS a kumisa konose perdidia. Ofisina nan na Suriname (UNIQA), St. Kitts I Nevis, SABA, St. Eustatius I St. Barths a akomoda solamente debe I gastu pa UTS lokaal na Korsou. E uniko ofisina di UTS ku a konose un tiki mas stabilidat ta Bonaire I Sr. Maarten, pero asina mes no ta sufisiente pa mantene tur e otro ofisina nan di UTS habri. Den e kaso aki, Partido KLA ta splika ku mester termina of bende e ofisina nan lokalisa internashonalmente, I konsentra riba expnashon I mejorashon di servisio di UTS aki na Korsou, pa halsa kalidat di telekomunikashon I bida pa Kurasoleño nan. Partido KLA ta bisa, ku a jega tempu pa duna prioridat na Kurasoleño por medio di duna trankilidat na tur trahado ku ta labora duru tur dia di nobo, pa segura nan pan di kada dia!
Posted on: Thu, 21 Nov 2013 01:12:46 +0000
Trending Topics
Recently Viewed Topics
© 2015