ZOFATE TAN PROFESSIONAL COMBAT GAMES LAMAH HMASAWNNA A KAL ZEL Mizoram State Mixed Martial Arts Association ( Dynamic Fight & Fitness Association - DFA Pvt. Ltd.) technical chairman chuan a awmna hmun Bangalore aṭanga a rawn haw laiin mi tha zawn kawngah hma a la zel a. Vawiin chhun dar 3 khan Regency Business center-ah Super Fight League - India hits hard lama contract fighters lo ni tawh te nen Advocate Pi Lalnunpuii hriatpuiin coach leh fighters inkarah contract sign-na hun neih a ni... Hetianga mumal taka inremna hi changkanna leh dan leh hrai lama kan mit varna a tilang. Professional fighter, khawvel hriat phak ni thei turin hma lakna ropui tak a ni. Chung mi palite chu: 1. Deng Thanchhunga, Kulikawn 2. Zorammawia, Zarkawt 3. Zorinmawia, Luangmual. 4. Andrew Lalnunmawia, Zonuam. Heng bakah hian Ngurlianzuala Sailo chu Mizoram police in chawlh an pe a, tunah hian Samuela hnuaia training laa selection fight nei turin Bangalore a pan dawn mek. Ani leh contract fighters palite hi international tv lama lang mai tur leh ₹15,000- 2 lakh hlawh thei tura fight tura inpuahchah mek an ni. Mixed Martial Arts (UFC/Ultimate Fighting ang chi) atan hian game hrang hrang a ṭangkai bakah Muay Thai, Brazilian Jiujitsu leh Wrestling te hi a hlu bik hle a. Chumi hre reng chuan wrestling lama mi ṭha te pawh zawn an ni a, vawiin hian hrilhfiahna neiin wrestler ṭhenkhat te sawm an ni. North East aṭangin hmeichhe MMA fighter an la awm lova, tin, Mizo zingah hmeichhe professional fighter an la awm lo bawk a, chumi record siam tur chuan Samuela hian hmeichhiate hi full sponsor zawnsak turin phai lam aṭangin hma a la a, pakhat tan phei chuan a hmu tawh hial. Mizo hmeichhiate kan duai lo a ni tih hi Star sports/ESPN channel lamah te kan hmuh hun a hnai ta... Telpuitu, promote tlaka ngaih te: P.c Lalthungheti, Serchhip (Wrestling). Napoleon Vernacross-a, Vaitin (Wrestling). Lalchhanhimi, Bilkhawthlir (Wrestling). Lalvenhimi, Khawhai (Wrestling). Zothanpuii, Zonuam (MuayThai) Hei bakah hian professional Muay Thai chu India ramah a hmasa ber atan tum kum aṭangin promote tum a ni a, chumi tur chuan Samuela hi North East representative tura ruat a ni bawk a, Mizo fighters te hian sorkar sum pawt peng miah lova sum hai luh leh Mizo ram leh hnam tihhmingṭhatna kawngah hma lak a ni dawn bawk... MMA lamah hian North East representative-a ruat a ni bawk... Fighter ṭha thlan chhuahte chu MISMA chuan theih tawk chhuahin promote a tum ang... R,Zosangliana, President MISMA - 09436140655. Samuel Lalrozâma - 09856049944.
Posted on: Wed, 09 Apr 2014 13:06:29 +0000
Trending Topics
Recently Viewed Topics
© 2015