أنا بدي حب عتيق ما بدي موبايل ومسجات بكبسة زر بتنسف كلشي بدي رسايل ومكتيب تنبعت مع ساعي البريد او شي ولد بطريق أو تنحط بشي دفتر بخجل وعسكيت تحكي العيون بس مو يضل اللسان عطول شغال بحكي لا بيودي وما بيجيب تنقال بحبك بالصدف بس محفورة عالجبين لما يتزاعلو تنين ... يعدو الدقايق ويروحوا ساعات وهنن عم يفكروا كيف يخلقوا صدفة تجمعن بطريق مو يحطوا "single" عالفيس بوك ويصير الحكي تلطيش ما بدي موبايل و mp3 بدي المسجلة تبع الكاسيت ... كل ما ينترع كروه بالقلم وارجع لفو من جديد ويقعد الشب مشغول هو وعم يفكر شو بدو يحطلها اغاني بهالشريط ما ضروري يكون البنطول كتير skinny والوط convers حتى تصير كول وتليق بكفي فستان بسيط وزنار مجدول عالخصر يميل بدي شوف تنين مدارين ومن حالن عبعض خايفين بدي شوف كيف الشب بخجَل بوقف تحت البيت مشان يخطف نظرة عسريع مو يجي ويعلي المسجلة والبيرة بالأيد واكبر هدية تكون طوق ياسمين
Posted on: Tue, 20 Aug 2013 20:27:19 +0000