السلام عليكم انا وحدة من المعجبين بالصفحة ديالكم وعندي مشكل خربق ليا حياتي بغيت نعاودو ليكم باش تعطيني الرأي ديالكم الله يخليك بدون ذكر اسماء انا عمري 32 سنة تعرفت على رجل متزوج و بلا ما نشعر لقيت راسي كنبغيه بزاف و ما عنديش الشك في انو حتى هو تيبغيني حاربونا الناس بزاف باش نتفرقو و مرتو عرفات و و عائلتو وكولشي هو وقف ضدهوم وتزوج بيا وحتى انا عائلتي كانو رافضين اني نتزوج براجل مزوج وعنو 2 اولاد و مع ذالك تغمضو ليا عينيا و تزوجت بيه من بعد الزواج تبدلات طريقة التعامل ديالو معايا قبل كان تيجلس معايا ليل و نهار كان كيخرج معايا و ما كيهموش الناس يشوفونا دابا ولا كيخبيني على الناس ولا تيجي عندي ساعة او ساعتين فالنهار والجديد دابا هو اني حاملة وطلب مني نزلو لانو ما بغاش الأولاد معايا وملي رفضت مكر بيا مخليني بلا مصروف بلا حتى حاجة وكيهددني بالطلاق انا الصراحة ماشي بغيت الحل لان الحل انا عارفاه هو اني نخلي ولدي ورزقنا عند الله هو اللي قاد بينا انا بغيت نعرف علاش ملي كنا معاشرين فالحرام كان كيحترمني و كيبغيني و يبوس الرجلين باش نبقا معاه ودابا ملي تزوجنا طيح مني و ما بقاش معايا كيف الأول مع اني معيشاه فالنعيم وكنتعامل معاه مزيان احسن من الأول
Posted on: Wed, 21 Aug 2013 21:14:05 +0000
Trending Topics
Recently Viewed Topics
© 2015