النهارده وانا راجع علي الطريق الساعة ١:٣٠ الظهر !!! و الشمس بتحرق جلدي من الزجاج الأمامي للعربية و مفرهد رغم تشغيل التكييف و بعدين لقيت لجنة للجيش علي الطريق مجندين واقفين لابسين لبس الجيش العبك من اخشن انواع الأقمشة و فوقها واقي الرصاص او السديري السميك و خوزة حديد علي نفوخه الشمس بتضرب فيها تمتص الحرارة و راسه تبقي شبه الفرن و بياده انا شخصياً جربتها لا يمكن تطيقها في رجلك خمس دقائق و رجلك بتتشوي جواها من السخونية و ماسك الرشاش و واقف في عز لقحة الشمس ... المهم بعد ما حسيت بجد براحة نفسية و اطمئنان لوجود لجنة للجيش عل الطريق و بعد ما حطيت نفسي مكان العسكري و تخيلت العربيات اللي بتعدي أمامه و فيها شباب فرافير معاهم عربيات اخر موديل و لما بيفتح الشباك يكلم الظابط بيخرج هواء التكييف الساقع من فتحة الشباك و يحس بيه العسكري الغلبان ده و يمشي واحد و يجي اللي بعده معاه أهله في العربية و العسكري ده ما شفش أهله من شهور و يمشي ده و يجي واحد معاه واحدة صاروخ في العربية و تمشي عربية و تيجي عربية فيها واحد ماسك كوباية القهوه و السيجارة و العسكري ده واقف يقوم بواجبه و كل عربية تعدي تنقله شعور سلبي لكن هو و المجندين و العساكر بينقلوا لكل عربية شعور إيجابي بال اطمئنان و وجودهم لحمايته رغم ان من٢٤ ساعة في نفس المكان كان العرب بيضربوا نار من أسلحة ألية علي نفس المكان اللي هو واقف فيه.... بعد كل ده يا صاحبي ألاقي حيوان هنا عالفيس بوك او حيوانه بيحرض علي جيش بلدي ،ومع انى ضد الى بيحصل ألاقي واحد خروف بيقول علي الجيش بتاع بلدي و علي مجندين مصر انهم خونة و انهم هينقلب عليهم عملهم بعد كل ده ألاقي واحد منافق مدعي الاسلام يشهد كل من يعرفه ان أخلاقه متدنية بيستعدي الامريكان و اليهود علي جيش مصر ... بجد جاتكوا القرف .. دكاترة و مهندسين شوية شيوخ مش كلهم بكرش و دقن عيرة بتحك في كروشهم غاسلين مخهم و يا ريت كمان فلحوا في تعليمكم الدين دانتوا جُرسه و فضايحكم لا تخفي علي حد و عاملين لنا فيها شيوخ انت و هي .
Posted on: Tue, 20 Aug 2013 18:52:25 +0000
Trending Topics
Recently Viewed Topics
© 2015