بعيدا عن السياسة ومن باب إدخال السرور علي إخواني ^_^ __________________________ مش قادر ابطل ضحك بعيدا عن السياسة إمبارح كان فية جنازة.. بعد الجنازة ما خلصت .. الناس جابوا النعش وحطوه قدام باب المسجد .. واحد من أهل المنطقة نزل المسجد الساعة 3 الفجر علشان يصلي ركعتين .. ملقاش عامل المسجد خالص قعد مستني شوية.. لقي الجو برد وكان هو مخفف راح طالع فوق النعش وفتحة ودخل نام جواه .. متعرفش إزاي جاله قلب ينام جواه؟!! عم عاطف عامل المسجد جه فتح المسجد وشغل إذاعة القرآن الكريم .. وبدا يجر النعش لوحده جوه المسجد لغاية لما دخل النعش فى مكانه ناحية القبلة متطرف أقصي اليمين.. عم عاطف أقام الصلاة وحظي الإسود جه فى إني واقف قصاد النعش علي طول.. وكان واقف جنبي راجل فوق الخمسين سنة ناحية اليمين , وواحد شاب قدي فى العمر ناحية الشمال .. الإمام قرأ الفاتحة , وأنا بأمن الواد اللي جنبي حس إن النعش بيتحرك.. وكان لسه بيكبر تكبيرة الإحرام , بصلي كدة وقالي : a7a النعش بيتحرك !!!! أنا مقدرتش امسك نفسي من الضحك قطعت الصلاة وقلتله : أنت أهبل يالا ؟!! ه كبرنا تكبيرة الإحرام وعمك الإمام بيقرأ فى سورة النجم .. فجأة لاقيت النعش بيتحرك وواحد بيرفع الغطا ...!!! تخيل إنت بتصلي ولقيت واحد طالعلك من النعش وبيفرك فى عنية وبيتاوب وبيبصلك ويقلك : هو انتوا أقمتوا الصلاة يا بشمهندز ؟!!!! الراجل اللي كان ناحية اليمين وقع علي الأرض من الرعب .. أنا جريت من المسجد حافي ... والواد اللي كان بيصلي جنبي ناحية الشمال بيجري ورايا حافي هو كمان .. أنا وصلت بيتنا فى زمن قياسي وطول الطريق عمال أقرأ الشهادتين .. الواد كمل الطريق وهو علي لسانة :( .... كلمة عيب ) يا جدعان ... الراجل طلع من النعش .. دا انا اول مرة أصلي الفجر فى حياتي يا ولاد الكلبوكمل جري وهو حافي ,, انا أول ما دخلت البيت قفلت جميع الشبابيك والبيبان ونزلت تحت البطانية ومسكت المصحف .. انا لغاية دلوقتي مجبتش الشبشب.. ^_^ منقووووووووووول
Posted on: Sun, 01 Dec 2013 16:19:35 +0000
Trending Topics
Recently Viewed Topics
© 2015