بمناسبة محمد محمود والمتاجرة بيه: أولًا: ثلاث أرباع اللي بيقولوا الأخوان باعونا في محمد محمود، ماراحوش محمد محمود أصلًا، لأنهم لو كانوا راحوا كانوا حايشوفوا شباب من الاخوان ومن التيار الإسلامي هناك، والموقف اللي الناس بتتكلم عليه كان موقف الجماعة الرسمي، واختلافك او اتفاقك معاه مايديكش الحق إنك تنكر مشاركة شباب الاخوان والتيار الاسلامي وإصابة البعض منهم سواء في القاهرة أو حتى هنا عند مديرية الأمن. ثانيًا: لو عايز تحاكم القيادات عشان مانزلوش، يبقى تحاكم حمدين والبرادعي وباقي الرموز اللي كانت موجودة في مصر وقتها. ثالثًا: بفرض الاخوان باعونا في محمد محمود لما الجيش والشرطة قتلوا الشباب، ماانت بعت الاخوان في النهضة ورابعة، واتعملت مجازر ومدابح وانت اتخرست وماحدش سمعلك صوت، بالعكس دا انت كنت بتعمل دعاية لقتلهم وإبادتهم، يعني انت أسوأ منهم بمراحل، وبلاش تدعي الإنسانية. رابعًا: انت كمان بعت حازم ابو اسماعيل والشباب بتوعه لما اعتصموا عند وزارة الدفاع، واتكلمتم عنهم باحتقار شديد، (من بوست لـ Hazem Mohsen Soliman ) يعني برضه ماتعملش انك الضحية الوحيدة انت ليك ضحايا كتير. خامسًا: الثوار الحقيقيين اللي دفعوا الثمن واللي عندهم مبدأ حايرفضوا ينزلوا يوم الثلاث، عشان هم مش سذج ولا بيبيعوا نفسهم للداخلية والجيش، اللي قتلوهم من سنتين وعايزين يأبنوهم بعد بكرا. لو كل واحد افتكر مواقفه، وحكم عقله، حانهدى كدا ونبطل ندعي بطولة زايفة رحمة الله على شبابنا
Posted on: Sun, 17 Nov 2013 16:24:05 +0000
Trending Topics
Recently Viewed Topics
© 2015