عدد اليهود فى مصر كام؟ 23 فقط لاغير، والعدد قابل للنُقصان؛ لإن الموجودين حاليًا من كبار السن. عدد اللادينيين فى مصر كام؟ مافيش إحصائية رسمية، لكن العدد تقريبًا وفق إحصائيات غير رسمية حوالى 2 مليون، أو أكتر، والعدد قابل للزيادة كل يوم. اليهود (اللى قرّبوا ينقرضوا من مصر) ليهم تمثيل فى الدستور. اللادينيين (تالت أكبر فئة من حيث الحجم بعد المُسلمين والمسيحيين) غير مُعترف بيهم ولابوجودهم أصلًا فى الدستور. وكإن المواطن اللى بلا دين ده كائن فضائى مالوش حقوق دستورية، ويحمد ربنا إنه عايش فى البلد. انهاردة إتقبض على طالب جامعى بحجّة الترويج للإلحاد على الفيسبوك. يوميًا فى الدول العلمانية بيتم توزيع المصاحف بكُل حُريّة وأمان ومافيش تُهمة إسمها الترويج للإسلام مثلًا، طالما مابتخالفش القانون أو بتتعدّى على خصوصيات الغير. إنت خايف من العلمانية لإنّك ببساطة مش واثق فى قوّة أفكارك. :)
Posted on: Mon, 28 Oct 2013 23:51:54 +0000
Trending Topics
Recently Viewed Topics
© 2015