مؤكد لسه راجع من المستشفى من عند أحمد شلبي .. واللي لسه ما يعرفش احمد شلبي و ايه اللي حصله .. احكيله باختصار: احمد كان في جنازة عمرو قاسم اللي اتقتل في مظاهرات سموحه الجمعه اللي فاتت .. طلع على الجنازه بلطجيه هرسوا الناس هرس .. احمد كان بيحاول يحمى وحده ست وقعت ع اﻻرض فخد اللي فيه النصيب .. كام ضربة سيف منهم واحدة كسرت الجمجمة على كام طعنه منهم نافذه بالفخذ .. و جم يقتلوه ببندقيه واحد فيهم اقترح بلاش و انتهى اﻻمر انهم باعوه لابوه ب 500 جنيه افيد .. احمد عمل عملية ف المخ ودلوقتي احسن كتير الحمدلله .. احمد عنده حوالي 30 سنة و لسه مخلص مناقشة الدكتوراه بتاعته في الجامعه اليابانيه قبل العيد .. مهندس تصميمات الكترونية فائقة الدقة و عامل الدكتوراه في مجال الNetwork On Chip .. نقاوة من على وش القفص كالعاده باقوله ناوي على ايه يا احمد في مستقبلك المهني؟ قاللي عندي فرصه اشتغل في اليابان او اكمل في نفس الجامعه بتاعتي .. قلتله يبقى روح اليابان ... رد علي ابكاني : و لما نسافر و نسيبها مين الاي يبنيها ؟؟ انت يا احمد اللي حتبنيها ان شاء الله ... فعلا : نحر يتحدى السيوف
Posted on: Tue, 20 Aug 2013 20:04:29 +0000
Trending Topics
Recently Viewed Topics
© 2015