مش شرط أشيل "Iphone".. عشان تقول عليا ذكي و بفھم !! * مش شرط أكل كل يوم ف "Mac" و "KFC"..عشان تقول إني مش بخيل!! * مش لازم لما أحب أقعد مع إصحابي .. نقعد كل يوم ف "Star Bucks" و "Costa" عشان نقنعك إننا ولاد ناس !! * مش شرط أجيب لبسي من "Adidas" و "Nike" عشان أبقي نضيف!! * مش شرط أبرطم بالأجنبي...و كل جملة أزنق فيها كلمتين إنجليزي عشان تقول عليا مثقف !! ... * مش شرط أمشي أسمع "Adele" أو "Rihanna" عشان تقول عليا متحضر !! * مش شرط أكون من مصر الجديدة أو مدينة نصر عشان تحترمني!! أنا معظم لبسي من وسط البلد .. و بقعد مع إصحابي علي قهاوي بلدي .. و لما بنجوع بناكل علي عربيات فول وكبدة ..بتكلم عربي عادي مع إني مدرسة لغات .. و بسمع الشيخ إمام وبساطة و إسكندريلا وشايفهم أجدع 100مرة من كل الأغاني "الإنجلش" حضرتك لو شايفني كدا إني معفن أو من طبقة أقل منك.. أحب أقول لسعادتك إنك مريض ولو شايف إني كدا فقير مثلاً أو بخيل .. ف أحب أقول لحضرتك..إنك برضو مريض أنا ممكن أعمل كل اللي فوق دا..بس كل الفكرة إني شفت ناس..ممكن يعيشوا إسبوع كامل بتمن كوتشي هشتريه من Adidas شفت عائلات ممكن يتغدوا كلهم بتمن قعدة من قعدات ( Star Bucks ) ف عرفت ساعتها إن الفلوس مش كل حاجة.. وعرفت إن اللي بيقيس الناس بالمناظر .. .دا لازم يتعالج بسرعة علشان المناظر عمرها ما كانت مقياس للتحضر..
Posted on: Tue, 23 Jul 2013 23:56:15 +0000
Trending Topics
Recently Viewed Topics
© 2015