ميسالش نخْطفِك ؟ نبيّتك بحذايا ليله ، نلبسك ، نتدفّى بيك ، نِطْبعْ ريحتك في بدني و نولّي نهتْري بيك ، نعبدك و نحْلِف براسكْ ؛ نشبع بضُحكتِك و نبدى نبوس و نعنّق .. ميسالش نحلم بيك و إنت قدّامي ، كي تُقربلي ننسى إلّي وراي وإلّي قدّامي .. هذا لكلّ خاتر توحّشتك . تْجي تعنّقني و نعنّقك و نبعثوها الدٌنيا ؟ نڨمّروها خيطين مالسّما لمطر و نُخْرجو نحوّسو ؛ نشطحْلِك و إنت تغنّيلي ، تتبلّ و نولّي نُشرب في الماء من خُدّيك ، نْصيح ؛ تعيّط ؛ نكبّش فيكْ ؛ نهزّك دڨّازه و نبدى نوشوشْلْك في وذْنيكْ ، نڨمّروها الدّنيا فارغه ظلام ؛ نعْيثو فيها فَسادْ، نكتبو علْ حيوطْ اسامينا و ملّوطه نسبّو الُخْرينْ.. هيّا نمشيو لزنقِة عنّقني و انت تقلي في كْرايمك كالشّركه علّقني ، نسيّبو شويّ بلاده في هالبلاد المارڨه ... تي إيجا .. إيجا فيّقني من نومي ، إتدّحنس عليٌ و إتخبّى في شُوني .. إيجا هاني هوني...
Posted on: Tue, 17 Sep 2013 16:07:29 +0000
Trending Topics
Recently Viewed Topics
© 2015