هى الناس اللى معترضة على لجوء الشعب للجيش والداخلية لمحاربة الإرهاب بحجة أننا لو حبينا نتظاهر بعد كدة مش هنعرف، هى المظاهرات خلاص بقت فى دمنا، بقت هدف مش وسيلة؟؟ اتظاهر ليه لو انا شايف ان الناس اللى بتحكم بتحافظ علينا كشعب وداخلة حرب مع إرهاب عالمى بالنيابة عن كل الدول وواقفة فى وش دول عظمى زى الأسد وفى طريقها انها تحرر بلدى من الاحتلال، اتظاهر ليه وانا شايف حكومة بتشتغل فى كل اتجاه علشان تخلى لى بكرة احسن، اتظاهر ليه وانا شايف فض اعتصامات زى ما كتب حقوق الانسان بتقول واكتر كمان، اتظاهر ليه وانا شايف لأول مرة اتحاد بين كل أطياف المجتمع وأجهزة الدولة علشان مصلحة مصر، وللا المفروض علشان اضمن انى اتظاهر براحتى، اسيب البلد تتحرق على أيدين الإرهابيين وأضيع الدولة وألغى الجيش والداخلية وساعتها ياللى خايفين على حقنا فى التظاهر مش هنحتاجه أصلا لأننا هنبقى ماليين القبور، دة مات برصاص ودة انفجرت فيه عبوة ناسفة ودة ارهابى دبحه، فوقوا واحمدوا ربنا
Posted on: Sun, 18 Aug 2013 04:07:02 +0000
Trending Topics
Recently Viewed Topics
© 2015