[文化節拍號外] a) 跌眼鏡 今個月跌眼鏡只有一套，就係「非常盜」(Now You See Me)。但其實「嚇鬼阿嫂」同Star Trek Intro Darkness我都有D興趣。 b) 五窮六絕七翻身？ 唔知係咪要趕住暑假上勁片，呢兩個月都有唔少「正o野」上映，又瘟泉又末日1000年(After Earth)又Thomas小火車又滿官春又盛......但以下3套不得不講講﹕ - 愛是神奇(To the wonder) (驕陽) 生命樹(Tree of Life)導演新作。據Wikipedia所講，舊年o係威尼斯映展上果陣飾演神父o既Javier Bardem 慘被恥笑.......Frankly我對導演拍呢D偽宗教電影唔多討好，再加上導好過演99倍o既Ben Affleck 同唔知識唔識做戲 o既 Olga Kurylenko，中伏應該難免.......如果有兄姊睇完而又從中悟出上帝愛o既道理，請盡快聯絡小弟。 -不二神探(明威) 文章同李連杰之前已o係「北京遇上西雅圖」導演薛曉路o既前作「海洋天堂」合作過，算是中規中距。今次拍動作片就大鑊鳥......有妍希BB+柳岩BB都冇用......有幾爛？自己睇Trailer﹕ youtube/watch?v=BkhD9g0LjJE -天機‧富春山居圖 (寰亞) 只需Google一下，就見到佢o既劣評如潮，仲要有詳細分析......但更加Crazy o既係吸引到無數人入場睇佢有幾爛。呢套片已經成為電影界中o既「明將」，名留青史......做人做到好似孫健君咁真係幾好，有錢自己開套飛機片黎自我感覺良好。 c) 六+七月觀影團招募~~ 7月比較多動畫，可以留力到比較多心水o既8月。 黎緊6-7月繼續好戲，有興趣搵埋我組團啦﹗有85折呀百老匯 1) 大亨小傳(The Great Gatsby，5月16日)(華納) 康城影展開幕電影。又黎名著改編，Leonardo DiCarpio 又做大亨。我會睇ga，不過，文藝片都要3D？有乜好3D？ 2) 嚇鬼阿嫂 (Pee Mak) (泛亞) 唔需要介紹都知呢套泰國「鬼片」有幾勁。我會搵時間睇，所以Add入黎。 3) 快餐店陰質事件(Compliance，6月6日)(安樂Special Screening，已購票) HKIFF 評價兩極 o既電影，真人真事啟發而成，o係多個影展同時獲得好片同"Disgusting" o既評語。 4) 戇爸的禮物(6月13日)(洲立) 母親節有驕陽倉底「媽媽，我愛你」獻世，父親節終於有番套正路少少o既溫情喜劇。南韓票房冠軍，講柳成龍飾演o既弱智爸爸殺人待審，倉友們扭盡六寅送佢個女有監房，引發笑料連場。記得帶紙巾。 5) 善終的信守 (終の信託，6月13日)(泛亞 Japan Showcase，已購票) 勁野，「談談情跳跳舞」導演周防正行最新作品，舊年電影旬報十優電影第4位。講安樂死o既作品。 6) 師奶樂與怒 (1995年のスモーク・オン・ザ・ウォーター，6月18日)(泛亞 Japan Showcase) 片如其名，講1995年，4個4字頭師奶夾Band去阪神大地震賑災音樂會表演o既故事。 7) 地球末日戰 (World War Z，6月20日)(洲立) 其實我都睇Hollywood大片ga。小說改篇，喪屍世界大戰﹗但條Trailer不禁令我諗起「2012」.......有D野。 8 ) 花都友奇緣 (Ernest et Célestine，6月20日)(洲立) 法國小清新動畫，一隻老鼠同一隻熊o既友情故事。D畫功唔錯ga睇條Trailer。 9)濃情四重奏(A Late Quartet， 6月20日)(高先) 講一個弦樂四重奏組合搞25週年音樂會果陣一個成員腦退化之後引發出o既恩怨情仇。劇情片。 10) 超人：鋼鐵英雄 (Man Of Steel，6月27日) (華納) 其實我都睇Hollywood大片ga x2。 原本打算唔睇，我o係新加坡睇完條Trailer 後，馬上改變主意。 11) 那年遇上世之介(橫道世之介，7月4日)(Panorama/高先) 以日本「那些年」做賣點，片如其名，1988年一D人遇上左橫道世之介之後帶來左人生o既改變......由於同樣有吉高由里子o既「真夏方程式」會o係6月29日上，此片都要改期食佢條水......就算係咁，吉高對吉高o既情況下，我當然要企o係雞蛋果邊。 12) 盲探 (7月4日)(寰亞) 好耐冇見o既Sammi+華仔。講失明神探同身手了得o既女幹探查失蹤少女事件o既故事。掙扎中。 13) 全員惡人完結 (アウトレイジ ビヨンド，7月18日) 北野武黑幫史詩下集大結局。使唔使睇埋上集？ 14) High 爆雲霄(Los Amantes Pasajeros，7月18日)(安樂) 西班牙鬼才艾慕杜華新作，拍完驚慄片The Skin I live in，今次回歸笑片。一班飛往墨西哥o既飛機在高空出現故障，三個空中少爺努力娛樂騎呢乘客.....究竟班機發生乜事？ 15) 爛泥(Mud，7月18日) (高先) 講兩個年青人遇上亡命大盜相知相遇o既成長故事。o係Rotten Tomatos 得到99%正評o既好片。 16) 飛虎出征 (7月25日) (寰亞) 簡單黎講就係由杜文澤帶幾件SDU去澳門尋歡作樂o既故事。掙扎中。 17) 斷了線 (Disconnect，7月25日) (高先) 難得以「網絡時代人際疏離」為主題o既電影，講一家人o係一D網絡行為(MSN、網交、bah bah bah)入面遇上不堪設想o既後果......人腳一般，但有Marc Jacobs參演，Fashion迷可留意下。 郭敬明o既「小時代」同7月大作「超級機械人大戰」悍戰太平洋(Pacific Rim)就睇下影評先算啦......
Posted on: Fri, 21 Jun 2013 18:32:54 +0000
Trending Topics
Recently Viewed Topics
© 2015