BALITANG ABROAD Nagsoli ng ninakaw, pinagaan ang parusa (Aries Cano) Nagdesisyon ang isang korte sa United Arab Emirates (UAE) na magaan na parusa ang ipataw sa isang Filipina na inakusahang nagnakaw matapos umano nitong isoli ang pinuntiryang teeth whitening device sa Dubai. Sa ulat, iginawad sa Filipina defendant na nagtatrabaho bilang dental clinic administrator ang suspended imprisonment matapos itong umamin na isinauli niya ang teeth whitening device na nagkakahalagang Dh55,000. Sinasabing kinulimbat ng Pinay ang naturang device sa pinagtatrabahuhang klinika. Nang humarap sa hukuman, ikinumpisal ng 43-anyos na Pinay na inuwi nito sa kanyang tinitirahan at ginamit muna ang teeth whitening device bago binalik sa dental clinic. “I only borrowed the easy laser and returned it the same day,” depensa ng Pinay. Iginawad ni Presiding judge Ali Attiyah Sa’ad sa defendant ang parusang tatlong buwang suspended imprisonment nitong Hulyo 29. abante.ph/issue/aug0113/abroad02.htm
Posted on: Thu, 01 Aug 2013 02:00:01 +0000
Trending Topics
Recently Viewed Topics
© 2015