Chhandamna zawng mek tute harsatna leh an zawhna tlangpui chhanna ( Topical Then Thumna) THEN THUMNA CHHANDAMNA ZAWNG MEK TUTE HARSATNA LEH AN ZAWHNA TLANGPUI TE Sual hi enge a awmzia? > Mi zawng zawng - Mi zawng zawngin thil an tisual tawh vek a, Pathian ropuina an chang zo ta lo a ni;) (Rom 3:23) > Rin loh na - Sual thu-ah te thiam loh an chang ang, kei mi rin loh avang hian; (Johana 16:9) > Thiltha tih duh loh - Chutichuan, tupawh thil tha tih tur hriaa ti si lo chu a tan sual a ni. (Jakoba 4:17) > Fel lohna - Fel lohna zawng zawng hi sual a ni; thihna khawp ni lo sual pawh a awm bawk a ni. (I Johana 5:17) > Pathian thu awih loh na - He miah hian Pathian fate leh diabola fate a hriat a ni; tupawh felna ti lo chu Pathiana chhuak a ni lo, a unau hmanaih lova pawh chu Pathiana chhuak a ni hek lo. (I Johana 3:10) Ka sualna te chu a te tham em, engnge mangan na tur? > Sual in Pathian hnen ata min ti hrang - In khawlohnate chu nangni leh in Pathian kara tlain a tithen zawk che u benga a hriat duh lohna turin in sualnate chu a hmai chu a hliahsak bawk che u a ni. (Isaia 59:2) > LALPA chuan, "Mi suaksualte tna chuan muanna reng reng a awm lo," a ti a.( Isaia 48:22) > Thil ti sual chu sual bawih a ni - Tin, Isuan an hnenah, “Tih tak meuhvin, tih tak meuhvin ka hrilh a che u, tupawh thil tisual apiang, sual bawih a ni. (Johana 8:34 ) > Sual man chu thihna a ni - Sual man chu thihna a ni si a; Pathian thilthlawnpek erawh chu, kan Lalpa Krista Isua zarah chuan, chatuana nunna a ni. (Rom 6:23) > Sual vangin Pathian ropuina chang zo reng an awm lo - Mi zawng zawngin thil an tisual tawh vek a, Pathian ropuina an chang zo ta lo a ni;) (Rom 3:23) > Mi fel lo te tan Pathian Ram luh theih a ni l;o - A nih leh, mi fel lote chuan Pathian ram an luah lo vang tih in hre lo em ni le? Bumin awm suh u; inngaih hmangte emaw, milem betute emaw, uirete emaw, mi hurte emaw, mawngkawhurte emaw, (I Korinth 6:9) Ka sualna ka hre lo, nang aiin ka tha zawk. * I sawi dik a ni thei, mahse i sualna pakhat te pawh khan a tuar tir dawn tho che - > Ngai teh, khawlohnaa dinin ka awm a; Ka nun sualin mi pai a,( Sam 51:5) >Mahni ngaiha thianghlim inti chhuan an awm a; Nimahsela an bawlhhlawhna tlen fai an ni si lo. (Thufingte 30:12) > Tumah mifel tak reng an awm chuang lo - ‘Tumah mi fel tak reng an awm lo Pakhat mah an awm hauh lo; (Rom 3:10) > Tupawhin Dan zawm kim mah sela, kawng khata a tihsual si chuan a zaah chuan thiam loh changin a awm tawh a ni. (Jakoba 2:10) Keimah ngawt chuan ka sualna ka hneh thei lo - > Sim rawh - Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a, a chhang a. (Luka 13:5) > Kawng pahnih thlan tur i nei –- In hmaah nunna leh thihna, malsawmna leh anchhia ka dah tih tunah hian in chungchang thua hretu atan lei leh van ka ko a ni; chutichuan nunna chu thlang rawh u, in nun theih nan, nangni leh inthlahte nen; (Deuteronomy 30:19) - Mahni tisa lama thehtu chuan tisaa mi chhiatna a seng ang a; Thlarau lama thehtu erawh chuan Thlarauva mi chatuana nunna a seng dawn a ni. (Galatia 6:8) > Isuaah zalenna leh hnehna a awm - Chutichuan Fapain bawih a ban che u chuan in chhuak tak meuh ang.( Johana 8:36) - “Tin thutak in hria ang a, thutak chuan bawih a ban ang che u,” a ti a. (Johana 8:32) - Bawih ni lo turin Krista chuan min chhuahtir kha, chutichuan ding nghet ula, bawih nghawngkawlah chuan tang leh tawh suh u. (Galatia 5:1) - Mi tichaktuah chuan engkim ka ti thei a ni. (Philippi 4:13) - Chutichuan, amaha Pathian hnena lo kalte chu a tawpkhawk thlengin a chhandam thei bawk a ni, anmahni tawngtaisak turin chatuana a nun reng avangin. (Hebrai 7:25) > Isua thisenah hnehna a awm - Tin, Dan thu zawngin engkim thaw mai hi thisena tihthianghlimin a awm thin a, thisen chhuah lohvin ngaihdamna reng a awm lo. (Hebrai 9:22) - Nimahsela, Beram No thisen avang leh an hriattirna thu avangin ani chu an hneh a ni, thih ngam khawpin an nunna an ngainep bawk a. (Thu Puan 12:11) Ngaihdam tlak ka ni ve dawn em ni? - Pathian duhzawng inthawinate chu thlarau lungchhia hi a ni. Aw Pathian, thinlung lungchhia leh inchhir ngawih ngawih hi i hmusit lo vang. (Sam 51:17) - Misuaksual chuan a awm dan chu bansan sela, mi fel lo chuan a ngaihtuahnate chu bansan bawk rawh se: LALPA hnenah kir leh rawh se, tichuan anin a lo khawngaih ang; kan Pathian hnenah kir leh rawh se, anin a ngaidam nasa khawp dawn si a. (Isaia 55:7) - LALPA chuan, "Hawh teh u, i ngaihtuah tlang teh ang u! In sualte chu sen lar angin awm tawh mah sela, vur angin a var ang; sen duk angin sen tawh mah sela, beram hmul angin a awm ang. (Isaia 1:18) - Boralte zawnga chhandam turin Mihring Fapa hi a lo kal a ni reng a ni,” a ti a. (Luka 19:10) - Pain mi pek zawng zawng ka hnenah an lo kal vek ang; tupawh ka hnena lo kal chu ka hnawt chhuak tawp lo vang. (Johana 6:37) - Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e. (Johana 3:17) - “Krista Isua mi sualte chhandam turin khawvelah hian a lo kal,” tih hi a rinawmin a pawm tlak em em a ni; an zinga mi sual ber ka nih hi. (I Timothea 1:15) Pawnlama that hmel tak, chhungril bawlhhlawh tak te an awm si a ? - Nimahsela LALPA chuan Samuela hnenah, "A hmel lam emwa, a san lam emaw en suh; ani hi chu ka duh lo a ni; LALPA hchuan mihring en dan angin a en ve si lo va; mihring hchuan pawn lam lan dan an en thin a, LALPA erawh chuan thinlung lam a en zawk thin a ni," a ti a. (I Samuela 16:7) -Thil tha lo titute avangin intilungngai duh suh la. Fel lo taka tite chu awt hek suh. Sam 37:1 - Kei LALPA hi mi tin, an awm dan ang zel leh An thiltih rah ang zela pe tura Rilru en chhuaktu, thinlung fiahtu ka ni. (Jeremia 17:10) - “Lehkhaziaktu leh Pharisai vervekte u, in chung a pik e! Thlan hnawih var, pawn lam mawi taka lang, a chhung lam erawh chu mitthi ruhte leh bawlhhlawh tinrenga khat angte chu in ni asin. (Matthaia 23:27) - “Tin, in tawngtaiin, mi vervekte angin in ti tur a ni lo; miin an hmuh theihna turin, inkhawmna inahte, kawtthler peng takahte, ding chunga tawngtai an ngaina si thin a. Tih tak meuhvin ka hrilh a che u, an lawmman chu an hmu zo tawh. (Matthaia 6:5) - Tin, ani chuan an hnenah, “Isaia hian nangni mi vervekte thu hi a lo hril lawk dik zet mai.‘He miteho hian an kain mi chawimawi a, An thinlung erawh chuan mi hlat si a. (Marka 7:6) - Chutichuan kan zain Pathian hnenah mahni chanchin kan sawi theuh tur a ni.( Rom 14:12) - Alang maia Juda mi ni chu Juda mi tak a ni lo va; alanga tisa maia serhtan chu serhtan tak a ni bawk hek lo. Amaherawhchu alang mai ni lova Juda mi ni chu, Juda mi tak a ni; tin, serhtan tak chu, rilru lama tan a ni, lehkha thu maiah ni lovin, thlarauvah a ni; chu mi chuan mihring fak a hlawh lo va, Pathian fak a hlawh zawk a ni. (Rom 2:28-29) Khawvel thila intihhlimna hi a sual kher em ni? - Miin khawvel hi a pumin nei sela, intiboralin emaw intichhe si sela, a tan engnge sawt ang? (Luka 9:25) - Tisa dana in awm chuan in thi ngei tur a ni; amaherawhchu taksa thiltihte Thlarauva in tihhlum thin chuan in nung ang. (Rom 8:13) - Chutichuan, in ei pawhin, in in pawhin, in tih apiangah pawh, Pathian ropuina tur hlirin ti rawh u. (I Korinth 10:31) - A nih leh, in taksa chu, in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u. (I Korinth 6:19-20) - Bumin awm suh u; Pathian chu hmuhsit zia a ni lo ve; miin a theh apiang, chu mi vek chu a seng bawk dawn si a; (Galatia 6:7) - Tin, in tih apiang chu thusawiah emaw, thil tihah emaw ama zarah Pa Pathian hnena lawmthu hril chungin Lalpa Isua hmingin ti vek rawh u. (Kolossa 3:17) - Beiseina lawmawm – kan Pathian ropui tak Chhandamtu Isua Krista ropuina inlarna chu – nghakin, Pathian ngaihsak lohna leh khawvel chaknate bansanin, tun lai khawvelah hian insum leh fel tak leh Pathian ngaihsakin kan awm tur a ni tih min zirtir a. (Tita 2:12,13) - Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a. (Jakoba 1:12) - Khawvel hi hmangaih suh ula, khawvela thil awmte pawh hi hmangaih hek suh u. Mi tupawhin khawvel hi a hmangaih chuan Pa a hmangaihna amahah a awm lo. Khawvel hi a chaknate chawpin a boral mek a ni, Pathian duhzawng titu erawh chu kumkhuain a awm reng ang. (I Johana 2:15,17) Engtinnge duhthlanna dik ka siam ang ? = Nunna i thlang lo a nih chuan, thihna leh anchhia hi i thlan hranpa a ngai lo, a bawih ah i tang mek ani zawk. Chuvangin nunna hi thlang lo thei lo dinhmunah i ding zawk a ni. - In hmaah nunna leh thihna, malsawmna leh anchhia ka dah tih tunah hian in chungchang thua hretu atan lei leh van ka ko a ni; chutichuan nunna chu thlang rawh u, in nun theih nan, nangni leh inthlahte nen; (Deuteronomy 30:19 ) - Chutichuan mi pakhat avangin sual khawvelah a lut a, sual avangin thihna a lut bawk a, chutiang bawkin mi zawng zawngin thil an lo tihsual avangin thihnain mi zawng zawng a fan chhuak ta a. (Rom 5:12 )
Posted on: Mon, 24 Jun 2013 17:56:08 +0000
Trending Topics
Recently Viewed Topics
© 2015