E fakamalo atu ki te mamalu o koulua Tokelau i tenei itula o te afiafi ko he tama update tenei ki na vaega na tutupu i te aho nei. Muamua e tumau pea te alofa o te tatou Tamana i te Lagi ona ai ko te ola ma te malohi e haga tului pea e ia moki tatou tagata vaivai, kae maihe ai te lagi malu manaia te tau mo ki tatou i tenei aho. I te taeao nei aho Gafua 15 Iulai na kamata ai na takaloga a Tokelau i te kilikiti tena, na taunuku uma na kau ki te malae Hagato Petelo i te itula e 8, na tatala aloakia na tafaoga e te tamana Faifeau mai Atafu ko Iohua Famaoni, tuku ai te avanoa ki na kau takitahi ke fakatalofa i te taeao fou, na teka te polo i te 9 tata muamua ia Nukunonu e toka 60 te kau ta maua mai ai na kai e 302, malolo i te 12 ki te katiga o te aoali, toe teka te polo i te 12:30pm tata ia Fakaofo maua mai ai na kai e 258 kae 60 ia pe 40 toka 40 taulelea kae toka 20 ia fafine, na manumalo te kautafafao a Tuloto. E leamai ko Tuloto e TAU! e TOA, KAE TOKA. Iku ma te manuia na takaloga o te aho e heai he mea na tutupu. Na tapuni aloakia na tafaoga o te aho nei i te kupu mai te tamana Atafu kia Elia Mamoe. Kua takape na nuku ki na api mo na tapenapenaga mo na tauvaga hiva fatele i te po nei. Ke mau mai pea tau ahiahi mai ki te laupepa tenei mo na vaega tutupu i luga o Nukunonu Tokelau. Litia Maiava mo na tala fou NUKUNONU TOKELAU tautuaga a te TE MANA.
Posted on: Mon, 15 Jul 2013 03:53:04 +0000
Trending Topics
Recently Viewed Topics
© 2015