Freedom come aa ye. Roch the wind in the clear days dawin Blaws the cloods heilster-gowdie owre the bay But theres mair nor a roch wind blawin Thro the Great Glen o the warld the day Its a thocht that wad gar oor rottans Aa thae rogues that gang gallus fresh an gay Tak the road an seek ither loanins Wi thair ill-ploys tae sport an play Nae mair will our bonnie callants Merch tae war when oor braggarts crousely craw Nor wee weans frae pitheid an clachan Mourn the ships sailin doun the Broomielaw Broken faimlies in lands weve hairriet Will curse Scotlan the Brave nae mair, nae mair Black an white ane-til-ither mairriet Mak the vile barracks o thair maisters bare Sae come aa ye at hame wi freedom Never heed whit the houdies croak for Doom In yer hoose aa the bairns o Adam Will find breid, barley-bree an paintit room When Maclean meets wis friens in Springburn Aa thae roses an geans will turn tae blume An yon black boy frae yont Nyanga Dings the fell gallows o the burghers doun
Posted on: Thu, 24 Jul 2014 08:18:55 +0000
Trending Topics
Recently Viewed Topics
© 2015