Hiv ye heard the news aboot the Pool? The “Hutties” hiv been flattened. Nivver! Oh min, are ye sure it’s true? Fan on earth did ess happen? Nae sure fan, hinna been doon masel, Bit aye, ah ken it’s richt A lad put on a photie o’t on PP&P last nicht. So fit’s gan ti happen doon ‘ere noo? Fit’ll gang on ‘at bittie grun’ ? Nae sure ava fit the council hiv planned Bit the rumour mill’s begun. ‘ere’s wird o’ a campsite bit ah dinna think That ‘at’s the wye ti dee it, Na, push oot the boat, gang the extra mile Build a 5-star hotel, can’t ye see it? A 5-star hotel? Div ye think ‘at wid wirk? Michty aye fowk wid come fae a’ ower, Fin they rise in the mornin’, a dook in the sea, Big savin’s already – nae showers, They can ca’ it “The Huttie”, ti min’ us o’ the past, Or “Sandypots” since it’s so sannie, Bit the penthouse suite? Nae question at a’ It’ll be ca’d “The Danny”. An’ if the council say NO? Throw yer plan in the dump? Dinna worry, ah’m awa ti phone Donald Trump
Posted on: Mon, 24 Feb 2014 13:29:11 +0000
Trending Topics
Recently Viewed Topics
© 2015