KHAW NGE KA THAI VE TUR KHA Hlimten i len chuan lawm zel ta nge, han tih ngawt mai te chu a chauh thu ba rawh emai a, ka ti thin, Hmanah chuan hlimten kan leng hmun ve thin a nih kha, lenna tlang dang ka tuar zo lo ti tawk lo awm fo mahse, tun ah zawng chung mi te chu awt ngawih ngawih in kan awm a, khua hmun a leng si in mualza kar dan ah kan awm si maw, Hring nun hi a mak ka ti thin kan hlim lai ni ten mual an liam a, lungngaih ni a lo her chhuak fo thin, chu ni lo her chhuak lah chu kan hre lawk thei si lova, kan hmuak mek zel chu a nih si hi, Ni e, kan damlai hringnun ah hian ropuina hun hi vawi thum kan nei a, mahse mihring kan nih chhung a kan ropui ber ni ah hian kan lung ngai leh fo si a nih hi, mahse mihring kan la ni miau si a lawm, Mi tin te a hmei a pa hian he khawvel kan awm chhung chuan kan nunah bet tlat a awm a, phianphung a rualbanlo pawhin a an neih ve tho a ni si a, mahse a kawng erawh a in ang lo fo mai, Kan lo piang chhuak a, kan lo lian deuh deuh a, hringnun kawng kan tih fo, Hmangaihna kawng kan zawh tan a, a then ten nunna hial an lo chan tawhna a ni tih pawh hre reng mah ila, nunna chan ve lam kan ngaihtuah tawh ngai lo a, hmuh tha hmu ni awm fahranin kan kal nghat nghat a nih hi,, Ni e, chu kawng ngei chu kei pawh hian rawn zawh chho ve in harsatna tam tak ka lo paltlang ve tawh a ni tih pawh ka han chhut let leh hian ka hre chiang a, kan hmangaih tak te pawn min kal san a, min hmangaih tak tu te pawh kan kalsan ve fo chang pawh a tam na ngiang e, kan hmangaih tak ten min kal san a, kan rilru nat dan te pawh kan hre reng a, mahse chu ti chung chuan min lo hmangaih ve tu tak pawh kan kal san ve fo bawk a, kan hmangaih ten min kalsan lai a kan rilru nat dan ang tho a an nat na chu kan hre reng chung in kan hriat sak duh lo der a, kawngsir a hruiduk pal tak in kan pal mai mai a nih hi Hun leh ni a lo ral a, a reh ve mai dawn emaw kan tih lai in thinlung ah a lo lang thar leh fo va, a ruk a tap kerh kerh bak chu tih theih kan nei lo chung in kan pal zam lui a, mahse a dai thei chuang si lo Chu tiang chuan hringnun ka hmang chho ve a, nang ka tawn nan che khua zawng a lo her chhuak ve ta, nang ka tawn che khan kal zui chi zia zang ka ni ta lo a, i zun zam chuan ka tang lai ah min zem tlat tawh a vang in chu i hmangaihna hrui zam chu phelh tur in nang ka thlang che a nih kha Chu ta tang chuan hringnun kan chhiar chho ve a, hlimten tu dang kan ngai bik lo a nih kha, midang tan chuan mawi in hlu em em lo mah la, ka tan a i hlutna te, ka tan i mawina zawng zawng te kha ka tan chuan Varparh Arsi Chhandamtu lalna ram an sawi tluk a hlu leh mawi ini si a, miten i sak hmel ti mawi zual tu ber khuavang chhinchhiah lo tiin khuavang chhinchhiah nei lo mahse ka tan a mawina leh a hlut na a nep chuang si lova, Hmangaihna kawngah chuan ka tan nang ai a mawi an awm chuan lo va, hlim tak leh thla muang tak a ka tangnem i belh lai te, engtik lai maha min rin hlelh loh zia i sawi lai zawng zawng te kha ka mit thla leh ngaihtuahna ah hian tun mai a thil thleng ang mai in a chiang asin, Kumpui sul a lo vei a, hun leh ni te chu kan chelh din zawh rual loh in a her liam a, leng dang te chuan di run kai in siang an lawi a, kei zawng i zun ngai in ka tham vel a, ni leh thla tam vei in hun tam tak ral mahse i zun ngaih a bang thei mawlh si lo, Chu tiang chuan ka hun leh ni te ka hmang ral ve zel a, thenrual tha ten min her liam san a mual liam ve a an hnung zui ve mai tum a rilru ka siam chang pawh a tam thin, mahse i zun chuan ka kal liam mai tur chu min chelh ding leh si thin a, Lenrual dang ngai lo va kan len dun lai ni zawng te khan, ka thai tur chu nang ngei i ni a sin ka lo ti a, ka thian te zing ah pawh ka chhuang ve thin che a sin, mahse chu ka beiseina chu awmlai lungmawl lo hrang in i par vul lai chu thliak in thihna kut vawt tak chuan a hruai ta si che a maw, theih ni se dan ka va chak tak em, he thihna kut vawt hian enga ti nge nang kher a thlan che, kei mah tal hi min thlang tur a ni a sin, kan in kar thu te hi a hre lo em ni, Ni e, a hre lo, a hre mawlh lo, kan tiam thu te kha a hre mawlh lo a, ka chan tur pawh a dawn thiam hek lo, kan len rual te chuan e, tunah zawng an lungdumtu thai chu pawm in hlim ten riah run an rem a sin, Kei zawng maw, i zun ngai in ka la tham vel a, thil sawt tawh lo leh nun beidawn na thlen tu a nih zia hre reng chung in Ui mi chu lem ang der ta la hringmi zing ah lo kir leh rawh ti in leh KHAWNGE KA THAI VE TUR KHA ti in ka au a ka kur ka kur mai zawng a ni e.
Posted on: Sat, 16 Nov 2013 10:13:32 +0000
Trending Topics
Recently Viewed Topics
© 2015