Pavarur Mbikëqyrës për Shërbimin Civil të - TopicsExpress



          

Pavarur Mbikëqyrës për Shërbimin Civil të Kosovës Dokumenti i Aplikimit Kuvendi i Republikës së Kosovës shpall K O N K U R S Për zgjedhjen e 4 (katër ) anëtarëve të Këshillit të Pavarur Mbikëqyrës për Shërbimin Civil të Kosovës. Këshilli i Pavarur Mbikëqyrës për Shërbimin Civil të Kosovës ( Këshilli ) është organ i pavarur që i raporton Kuvendit të Republikës së Kosovës dhe i cili vendos për ankesat e nëpunësve, si dhe siguron respektimin e të gjitha dispozitave dhe parimeve që rregullojnë Shërbimin Civil në Republikën e Kosovës. Përbërja e Këshillit Këshilli përbëhet prej shtatë (7) anëtarëve që zgjedhen nga Kuvendi i Republikës së Kosovës. Prej tyre, së paku dy (2) anëtar zgjedhen nga komunitetet joshqiptare dhe së paku dy (2) anëtar duhet të jenë të gjinisë femërore . Funksionet e Këshillit : • shqyrton dhe merr vendime për ankesat e nëpunësve civilë, kundër vendimeve të organit të punësimit, në të gjitha institucionet e Shërbimit Civil, në përputhje me rregullat dhe parimet e parashtruara, në Ligjin për shërbim Civil të Republikës së Kosovës; • vendos nëse emërimet e nëpunësve civilë të nivelit drejtues, janë bërë në përputhje me rregullat dhe parimet e parashtruara në Ligjin për Shërbim Civil të Republikës së Kosovës; • mbikëqyrë zbatimin e rregullave dhe parimeve të legjislacionit për shërbimin civil. Kandidati për tu zgjedhur anëtar i Këshillit, duhet ti plotësojë këto kushte: • të jetë shtetas dhe banor i përhershëm i Republikës së Kosovës; • të jetë me integritet të lartë moral; • të ketë së paku diplomë të fakultetit juridik apo të administratës publike, që është e vlefshme sipas ligjit në fuqi; • të ketë së paku pesë (5) vjet përvojë pune në shërbimin civil; • të jetë njohës i mirë i legjislacionit në fuqi; • të mos jetë i dënuar për vepër penale të dënueshme mbi gjashtë (6) muaj. Mandati i anëtarëve të Këshillit • Anëtarët e Këshillit emërohen për mandat pesë (5) vjeçar, me mundësi rizgjedhjeje vetëm edhe për një mandat tjetër. • Anëtari i Këshillit nuk ka të drejtë, që gjatë mandatit të tij, të ushtrojë ndonjë funksion tjetër apo të marrë pjesë aktive në aktivitete politike. Aplikacionit duhet ti bashkëngjiten këto dokumente përcjellëse: • Dëshmia për përgatitjen shkollore dhe profesionale; • Letra motivuese; • Curriculum Vitae (CV - autobiografia); • Dëshmia se është shtetas i Republikës së Kosovës; • Dëshmia për përvojën e punës; • Dëshmia se nuk është i dënuar për vepër penale. PROCEDURA E KONKURIMIT Aplikacionet duhet të dërgohen jo më vonë se deri më 5 nëntor 2013, në orën 16:00. Aplikacionet dërgohen personalisht ose me postë në adresën: Ndërtesa e Kuvendit të Republikës së Kosovës, Prishtinë (Rr. Nëna Terezë pa nr., Drejtoria e Personelit, Zyra N-217); me fax: 038 /211-183. Aplikacionet mund të merren në këto vende: Forma e shtypur: në recepcionin e Ndërtesës së Kuvendit të Republikës së Kosovës, Prishtinë, rr. Nëna Terezë pa nr. ose Forma elektronike: faqja e internetit e Kuvendit të Republikës së Kosovës - assembly-kosova.org Informata të tjera plotësuese mund të merren çdo ditë pune deri në orën 16:00, në numrat e telefonit: 038/ 211-648 dhe +377 (0) 44 567 041. Aplikacioni duhet të dorëzohet së bashku me dokumentet e kërkuara. Përdorimi i aplikacionit të gabueshëm dhe të pakompletuar me të dhënat e kërkuara dhe me të dhëna të paraqitura me vonesë, konsiderohet i pavlefshëm.
Posted on: Wed, 30 Oct 2013 11:08:20 +0000

Trending Topics



Recently Viewed Topics




© 2015