Q: Glenbert bon tardi, un pregunta: Si bin medida e lo ta temporario of pa un periodo largo y ki consequencia e lo bay tin pa e economia di Aruba? Mi por a compronde cu den Aruba su begroting di e ultimo anjanan tabata tin deficit so( gasto> entrada). Con nos posicion como pais ta ne momento nan aki? Falta paar di luna of anjas prome nos drenta den un crisis? E lo ta interessante pa nos como pueblo sa kiko ta pasando y kiko Glenbert como parlamentario lo bay hasi pa defende nos pais di mas gasto. A: Mi tin deseo di mandabo e IMF rapport pa ora bo tin chance bo lese, e ta di vital importancia pa henter nos Pueblo tin conocimiento di e contenido di e rapport aki. Pero mientras tanto mi ta informabo lo siguiente: Mi no sa si bo ta corda e noticia unda cu par di luna atrás Gobierno di Aruba a presta mas di 400 miyon florin; tambe e noticia unda den campanja nan a informa nos cu nan a bolbe presta mas 100 miyon florin unda Setar mester a para garantía. Kiko e información aki ta indicabo, esta cu Gobierno di Aruba no tin cash pa cubri cu gastonan di tur luna. Kiernen Gobierno a traha tur anja den cora y no a baha su gastonan alcontrario nan a sigi gasta manera no tin problema manera IMF a raporta. Kiko esey ta bisabo pa conclui: ARUBA TA DEN CRISIS CABA. Mas grave di tur e sucedidonan aki ta cu dor du AVP a haya 13 asiento mi ta sinti cu nan no tin pensa di cambia nan maneho pa scapa Aruba financieramente. Por lo cual mi mester conclui cu e medidanan lo ta pa termino largo envista cu AVP no kier bai baha gasto mas bien nan ta sigi gasta manera nada un pasa. For di den Parlamento nos lo bai pone e preshon máximo pa AVP lanta for di nan sonjo-hipnosis cu nan ta aden. Mi ta convenci si cu nos presión den Parlamento no ta suficiente. Solamente acompanja di e rosea-preshon di nos Pueblo hunto nos ta logra pone nan recapacita of convoca elección adelanta pa nos Pueblo cu e berdad riba mesa y henter nos Pueblo bon informa di e berdad, nos Pueblo bolbe bai urna electoral pa dunanan veredicto y mandato nobo na e Partido cu realmente por defende nos Pueblo, cuida nos Patria, protege nos Patrimonionan Nacional, cu ta Movimiento Electoral di Pueblo. Cordial abrazos y danki pa bo pregunta mi Ruman. Glenbert
Posted on: Tue, 15 Oct 2013 20:55:38 +0000
Trending Topics
Recently Viewed Topics
© 2015