SHISHAVAA ONLINE TOMANYIIN AUGUST 22 BIBILO I ÔRON: DANIEL 6:16-18 MNYAM KPAA BUNDE UN Nahan tor hide ken iyou na i tor, a venda kwaghyan tugh mbura; i va a ityogholov sha ishigh nagh kpaa ga, mnyam kpaa bunde un. Ivur 18 Ngise wanye nomso u kpuar lu numben vea wanye kwase di kpa u kpuar. U nomso ne lu a bisikii, u kwase la di lu a atam a apel. Nahan ve rumun ayolave u musan akaa ne. Wannomso la maa za pande bisikii ne yer shi kpuar va na wankwase, kpa wankwase yô va a apel mba yange ve lu la cii va na wan nomso. Er i yem ken ya wankwase ti za yav kpa wan nomso yem je yav ga. Lu henen er alaghga tsô wankwase la kpa bume un pande apel mbara yer. Kwagh ne za un iyol gbem mnyam bunde un. Angbianev, mimi u a lu yô aluer u er kwagh a or u kpee yô fa we u yange mnyam iyol you. Orti yô nana yav sha ciu nan hii u ga ka we u hii nan ye kpa we u ngure we u yav kape ican ia nau je la. Ka nahan i doo u eren kwagh u mimi ye sha ciu ishima you ia lu ker wang. Dariu yem je yav ga sha ciu a er kwagh a Daniel sha msende u i sende un la. Ka er kpernan yange sôr kwagh la sha u dughun Daniel shin ihungwa ve yange fatyô yav ye. Ne mba nzughul a ior ne mba yangen mnyam iyol yene. U fa er or u u ngohol un tsa sha apera la or ti ka una nyôr a yav kpa we u lu memen ga kpa? Saa u sôr kwagh la. Er u lu vihin antereu kwase nahan u ngu yangen mnyam iyol you saa u de kwagh la, gayô kape mnyam maa bunden we je la.
Posted on: Thu, 22 Aug 2013 04:46:02 +0000
Trending Topics
Recently Viewed Topics
© 2015