Shakespeare a Word Play zulzui khan Hmeichhia te Khawvel ka tarlang tawh a. Tun tumah ve thung chuan Nulate Hmangaihna Khawvel chungchang hi kan hlui leh mai mai teh ang che u. Nulate laka hnehna chan tuma kan beih nasatzia leh tih hreh kan neih lohzia ka ngaihtuah thin a. Chu chu khuarel, leilung dana ni tur reng pawh a ni bawk. Mi zawng zawng tana dik ni tura siam a ni lo ang bawkin, mi zawng zawng tana a huap pawh a ni kher chuang lo thei bawk! Nulate hmangaihna khawvel chu Mipate Lemchan Dawhsan a ni, Nula dawrawm tak hmaah chuan ropuina nena inthuamin a inlan thin a,, Nula tladah lakah chuan Pawisak neilo kawr a inbel thin, Nula lungno lakah chuan Lungkuaina diar khimin a inlan thin a, Nula lungleng hmaah chuan Hlaphuah mi angin a inlan thin, Nula ancheh lakah chuan Dawhtheihna puansinin a inlan a, Nula dawhthei lakah erawh Beidawnna kawrfual batin a inlan thin, Nula awmawl nuamsa lakah chuan Hausakna lallukhum khumin a inlan a, Nula sakhawmi lakah chuan Puithiam kawrfual inbelin a inlan thin, Nula damlo lakah chuan Damdawi mum lian ang maia tha in a inlan thin a ni.
Posted on: Fri, 26 Sep 2014 06:18:44 +0000
Trending Topics
Recently Viewed Topics
© 2015