السلام عليكم لو سمحتم انا عايزه اخد رايكوا فى مشكلتى انا عندى 23 جامعيه اتخطبت لشخص مطلق سنه 30 سنه وعنده بنت عايشه مع مامتها مستواه المادى كويس جداااااااا جدا فوق المتوسط بكتير واعلى منى ماديا بكتير اتخطبت حوالىى 3 شهور وفسخت خطوبتى وبحن ليه وبحس انى نفسى ارجعله او يمكن ظلمته المهم انى حسيت انه بخيل ..عايزاكوا تاكدوا الشخص ده بعد اسبوعين من الخطوبه جه قالى انا مزنوق علشان رايح لبنتى وعايز اجيبلها حاجات حلوه .ززمعاكى فلوس زياده قلتله اه قالى هاتى خمسين قلتله اتفضل المهم انه قعد يلح تعالى اعزمك على حاجه فى اى كافتيريا ((يعزمنى بفلوسى )) المهم بعد الحاق وافقت وقعدنا والخمسين جنيه ادفعت وهو مروح بقوله انت معاك فلوس تروح قالى لاء المهم فتحتله المحفظه اخد 10 ج كمان ...وتعدى الايام وتفوت ويقولى انتى عايزه منى 60 ج وميردهمش يعنى كده كلام ...فى مره كنت مروحه قالى بلاش الباص انا هوقفلك تاكسى وقبل ما يوقف التاكسى بيقولى انا هدفع للتاكسى 10 وانتى عايزه منى 60 يبقالك 50 ..انا ضحكت من خيبتى وقولتله اوكى ...مره تانيه كنت بشترى من الصيدليه حاجه المهم بقوله استنانى برا ((مبحبش اغرمه)) لقيته دخل وانا بطلع فلوس من شنطتى راح قالى عيب انتى معاكى رااااااااجل وراح دافع 15 جنيه واحنا طالعين من الصيدليه بيقولى دفعتلك 15 وانتى كنتى عايزه منى 50 يبقالك 35 ويقولى انا مش هديهملك كده فايدك ..ولحد ما فسخنا الخطوبه مردهمش النقطه التانيه ..انه عايش مع جدته لوحدهم فهى ملهاش فى تنويع الاكل وكده بانا كنت بحب انوع واكرمه جدا لما بيجى عندنا ...لقيته ساق فيها وكل يوم يقولى هتعمليلى ايه بقى المره الجايه وانا من كسوفى اقوله انت نفسك فى ايه يطلب بميه باللحمه الضانى انا عايز حمام وكان بيطلع عين امى فى عزماته وابقى عامله كذا صنف يقولى طب ماتعمليلى مش عارفه سلطه ايه وكمان ايه وكمان وكمان ...ابتديت احس انه بيستقطعنى فى مره ف رمضان بقوله تعالى بعد الفطار علشان يبقى حد موجود فالبيت يقولى اده يعنى مش هفطر ؟؟ خلاص اعمليلى حلو كتير بقى ما انا مش هفطر وانتى اللى قولتى ..انا عايز كذا وكذا وكذا...المره دى اول ما دخل من الباب وقعد كنت حاطه حاجات مقدمهاله بدلما اقوم واقعد اول ما دخل بيقولى عايز قهوه فقمت اعملها وقلتله طيب كل كذا لحد ما اعمل القهوه قالى ماشى انا اصلا جاى علشان آكل انهارده !!!!!!واليوم ده ال4 ساعات اللى جه فيهم مقعتدش من طلباته عايزميه عايز قهوه طيب فين الرز بلبن ..بعد ما نزل حسيت انى قرفانه منه ...وخدوا بقى كل يوم عايز يجى قال ايه وحشته مع انى ولا وحشاه ولا نيله مبيكلمنيش فالتليفون كتير اصلا مع انه مش شغال وقاعد فالبيت ..مره فى مره بقى يقولى هاتى طبق رز بلبن لفلان ((ابن خال))ولد صغير اديله يروح البيت يقولى انا اكلت طبقى فلان ..حسيت باستقطاع ودناوه غريبه ..بيتهم بيت عز يا جماعه ماشاء الله ..بقيت اقول يمكن علشان محدش بيطبخ عندهم عندهم شغالات يمكن ويمكن نبقى هنركب مواصلات يقولى معاكى فكه ؟؟ ياخد 2 جنيه نركب تاكسى يقولى هاتى لحد ما افك طيب 15ج ويفك وميرجعهمش هو مش كل مره بيحصل كده مرات كتير كان بيدفع بس هو على اد ما يقدر كان بيقتصد ههههه الخروجات بقى تانى يوم خطوبه خرجنى فى مكان كده والمينيو جايه فيها حلويات ومشروبات راح قالى احنا مش عايزين ناكل تشربى ايه راح طالب قهوه وانا طلبت لمون...وقاعد بيشرب معايا قعدنا شويه ومشينا مره تانيه ودانى مكان برضو طلب قهوه وطلبت ايس كريم فضل يبصلى قولتله كل معايا قالى ما انا مستنيكى تقولى حاجه ومفيش دم بهزار كده راح قعد ياكل معايا اكل نصه تقريبا الحساب جه بيقعد يحسب الفاتوره ورا الراجل ..يطلب لنفسه كذا طلب وانا عايزه اقول لاء يروح ساكت دول الخروجات اللى عليها القيمه فى ال3 شهور معاه الباقى بقى تمشيه ولا بيفكر حتى يجيبلى قرطاس لب مره طلبت ترمس جابلى واحدوقعد ياكل معايا ...فشخور بس يقولى عايزين نروح مش عارفه فين وفين ولا بيروح فى حته مره كنا رايحين لزياره لقريبه فقالى انا هجيب واحد ايس كريم كبيراكله انا وانتى علشان انا بقلل سكريات قلتله ماشى وجبنا معلقه فى التانيه لقيته خلصه واكله كله لوحده مع انه كان جايب زياره ب90 مثلا وايس الكريم ب5 مش مبلغ حركاته كانت غريبه وانا كنت بعديها بقول يمكن معهوش علشان قاعد من الشغل بس هو كان مدلع نفسه يعنى ومبيحرمش نفسه من حاجه بعد ما يسيبنى يروح يشترى حاجات حلوه ومش عارف ايه و غير كده اهله مبسوطين وبيطلب منهم ...انا عايزاكوا تحكموا فى موضوع البخل ده انا كنت بفوت وبقول علشان مش شغال بس ده واحد غنى اصلا واخر مرتب ليه كان 3200 جنيه وهو ساب الشغل قبل ما يخطبنى بشهرين يعنى كان معاه حوالى 7 شهور مرتبه لنفسه ودايما كان بيبقى معاه فلوس فى جيبه .. وظهرتلى مشكله تانيه انه بيحن لمراته وانا بيشرب حشــ رحت ظارفاه كلمتبن ومن هنا لهنا قالى انه مكانش بيدى لمراته مصروف فى ايديها شخصى يعنى وعرفت ان تقريبا ابوها اللى كان بيصرف عليها مصاريفها بس خطيبى اللى كان بيصرف على البيت بصراحه انا ضغطى على وهزئته وقلتله انت كداب وكدبت عليا ومقولتليش انك حريص كده ولا انكر ولا حاجه نسيت اقولكوا ان امه وابوه اللى بيدفعوا نفقة بنته الصغيره ومش بحسه مدايق يعنى بقوله بيقولى ما انا مش شغال رحت قلتله ما انت كنت شغال ومع ذلك مراتك كانت معتمده على ابوها انا اسفه انا اختصرت على اد ما قدرت لو سمحتوا انا كده ظالماه فى حاجه والله العظيم لو كان طلب عنيا ما كنت اتاخرت ولا مره نكدت عليه ولا زعلته وهو بيحن لمراته كنت بقوله معلش ربنا بيجيب الخير وانا ربنا يقدرنى واعوضك فى حد يعمل مع حد كده...هو قالى انتى يتزعل عليكى انا مش هلاقى زيك ..ردوا عليا انا ظلمته لان ضميرى مانبنى
Posted on: Mon, 07 Oct 2013 23:06:44 +0000
Trending Topics
Recently Viewed Topics
© 2015