ခုဏ က ဒါရိုက်တာ လူမင်း ရဲ့ " အို ပယ် " ဆိုတဲ့ ဇတ်ကားလေး ကြည့်ပြီး တော်တော်လေး ခံစားလိုက် ရတယ် ။ အို ပြီး အပယ် ခံရတဲ့ အဘိုးအဘွားတွေရဲ့ ဘဝ ကို စာနာမိပါတယ်။ တကယ်လို့ ကျွန်တော်တို့ တ နေ့ ဒီလို အို သွားတဲ့ အခါ အနား မှာ ဘယ်သူမှ မရှိကြတဲ့ အခါ ...အို တဲ့လူ တွေကို ပယ်မဲ့အစား ပျိုတဲ့လူ တွေက ဆယ်ကြရမှာပါ။ အပယ်ခံ အဖိုးဖွားများအတွက် "ငါအိုသွားသော်" ငါအိုသွားသော်အခါ ငါဟာ အရင်ကငါမဟုတ်တော့ဘူး။ ငါ့ကို နားလည်ပေးပါ။ စိတ်ရှည်ရှည်ထား ဆက်ဆံပေးပါ။ ချည့်နဲ့နဲ့လက်တွေနဲ့ ထမင်းဟင်းတွေ အင်္ကျီပေါ်ဖိတ်စင်သွားတဲ့အခါ အင်္ကျီ၊လုံချည်ဗိုသီဗတ်သီဖြစ်နေတဲ့အခါ ငါကိုမရွံပါနဲ့။ ငယ်ငယ်တုံးက ငါသုတ်သင်ပေးခဲ့တာတွေကို ကျေးဇူးပြုပြီးသတိရပေးပါ။ အပ်ကြောင်းထပ်မကပြောဘူးခဲ့တဲ့စကားတွေ ပြန်ပြောမိတဲ့အခါ စကားမဖြတ်ဘဲ ကျေးဇူးပြုပြီးနားထောင်ပေးပါ။ ငယ်ငယ်တုန်းက အိပ်ရာဝင်တိုင်း တစ်ထောင့်တစ်ညပုံပြင်တွေ၊ ငါးရာ့ငါးဆယ်နိပါတ်တော်တွေ၊ ဇာတ်ကြီးဆယ်ဘွဲ့တွေ စတဲ့ပုံပြင်တွေ မရိုးအောင်ပြောရင်း ငါချော့သိပ်ခဲ့တာတွေကို သတိရပေးပါ။ မလှုပ်ရှားနိုင်လို့ ရေချိုးဖို့ အကူအညီလိုတဲ့အခါငါ့ကိုမငြိုငြင်ပါနဲ့။ ငယ်ငယ်တုန်းက ချော့တစ်လှည့်ခြောက်တစ်လှည့်ရေချိုးပေးခဲ့ဖူးတဲ့ပုံရိပ်လေးကို မြင်ယောင်ပေးပါ။ ခေတ်သစ်နည်းပညာသစ်တွေကို မသိနားမလည်ခဲ့ရင် မလှောင်ပါနဲ့။ ငယ်ငယ်တုံးက ဘာကြောင့်ဆိုတဲ့ မေးခွန်းတိုင်းကို စိတ်ရှည်စွာ ငါပြန်ဖြေခဲ့တာကို သတိရပေးပါ။ စိတ်သွားတိုင်းကိုယ်မပါ နွမ်းလျပြီးလမ်းမလျှောက်နိုင်တဲ့အခါခွန်အားပါတဲ့လက်တစ်စုံနဲ့ ငါ့ကို ကူတဲ့ပေးကြပါ။ လမ်းလျှောက်သင်စအရွယ်တုန်းက တစ်လှမ်းချင်းလမ်းလျှောက်လေ့ကျင့်ပေးခဲ့တာတွေကို သတိရပေးပါ။ တစ်နေ့ထက်တစ်နေ့အိုစာသွားတဲ့ ငါ့ကိုကြည့်ပြီးဝမ်းမနည်းပါနှင့် နားလည်ပေးပါ။အားပေးပါ။ အရင်တုန်းက လူ့ဘ၀တက်လမ်းအတွက် ငါလမ်းညွန်ခဲ့သလို အခုအချိန်မှာ ငါ့ဘ၀နောက်ဆုံးအချိန်အတွက်အဖော်ပြုပေးပါ။ ချစ်ခြင်းမေတ္တာနဲ့ အေးမြမှုတွေကို ငါပြုံးပြုံးလေးလက်ခံမှာပါ။ အဲဒီအပြုံးတွေ ထဲမှာ မဆုံးတဲ့ ငါမေတ္တာတွေ တွေ့ရမှာပါ။ ( ဒီကဗျာ ဘယ်သူရေးတာ ဆိုတာ မသိပါဘူး credit to original poet)
Posted on: Mon, 22 Jul 2013 17:16:06 +0000
Trending Topics
Recently Viewed Topics
© 2015