#2628 "我8月24-26日入左某soc 係北潭涌嘅 o-camp 出左camp之後我果dorm既組爸媽同組mate都陸陸續續中左手足口病... 事後睇whatsapp group先知, 原來o-day果陣已經有人中左招 班搞手一直冇話比我地班freshman知, 淨係私底下叫中左招果個人唔好去o-camp 究竟你地班搞手有冇常識, 知唔知其實手足口病係有潛伏期架!? 喺你叫果個人唔好去o-camp之前, 佢一早已經喺o-day傳播哂d病菌出去啦!!!! (o-day 完左果晚我地仲要去左打邊爐) 叫佢唔好去o-camp, 你覺得真係有用阻止病菌散播? 當時班搞手係咪應該有責任要話比freshman知, 然後比我地選擇去定唔去呀? 喺campsite入面大家對足三日兩夜, 又訓得唔夠, 好難唔中招... 我明白作為搞手, 可能驚公開左之後會引起不安, 令到好少人去個o-camp, 功虧一簣 但係呢個concern真係好自私... 用大家既健康黎較飛 由當初一個人有事, 爆發到依家超過20人有事, 其他house都有人中招 我到依家仲驚緊會中招 因為班人唔識得自我隔離 中左手足口病仲RE-U, 仲同人講冇事既一齊去打邊爐啦 廣告都有教啦, 有病就要睇醫生, 要留喺屋企休息, 點解""大學生""可以咁反智... 拜託你地唔好害人啦!!!!! 仲有, 有手足口病爆發過既society, 唔該比d責任感, 公開話比我地知發生咩事ok? o-camp 唔係玩完就算, 拍下pat pat 唔出聲就當冇事發生過 呢個係責任既問題, 因為好多人仲係蒙在鼓裡 p.s. 我真心希望8月26號打後, 去過北潭涌camp site既人會平安冇事"
Posted on: Thu, 05 Sep 2013 11:11:51 +0000
Trending Topics
Recently Viewed Topics
© 2015