Agra lamah Mizoram ban-elh chakte May 21 atanga 25, 2014 chhungin Agra, Uttar Pradesh-ah National Arm Wrestling Championship vawi 38-na neih a ni dawn a, Mizoram aiawh tur players 26 te chuan naktuk (Pathianni) hian Aizawl chhuahsanin Agra an pan dawn. He championship-ah hian senior leh junior level-ahte inelna neih a ni dawn a, kum dang aia result tha hawn tumin Mizoram Arm Wrestling Association chuan a team te hun engemawchen Ramhlun Sports Complex-ah training a neihpui a ni. Mizoram Arm Wrestling Association president Lalremruata chuan senior level hi kan tinzawn ber a ni a, chetthat har mahse kumin hian medal tam zawk kan beisei a, hma kan sawn leh zual beiseiin national championship hmachhawn tur kumin hian kum dang zawng aiin kan tir hnem a, experience tha tak an rawn hawn kan beisei a ni a ti.
Posted on: Sat, 17 May 2014 06:01:27 +0000
Trending Topics
Recently Viewed Topics
© 2015