Beng mai sik lova Hnar sika ka ngaihtuah hnuiin tun tum inthlanpui chu Congress hian sawrkarna chang leh se kan ramin kan thatpui ka ring ber.Political Party dang lo sawrkar se,project eng eng emaw tih lai mek emaw tih tur chiangsa tam tak te hi chhunzawm lovin tih pamtul ani anga,project thar eng eng emaw mahni leh party mi leh sa vulh nan an duang thar kual leh mai mai ang tih hi a chiang tlat.Kha leh chen/hei leh chen kan ram political party kal dan phung ani tlata,thawk leh khata han thlak mai theih thil anih hmel rih thut loh.Party dang lo sawrkar se,hna kal lai mek chhunzawm chu sawrkar kalta promote naah an ngai thin si,chumi mai bakah kan lo retheih rei pui ve tawh ti emaw chhan dang vang emawa,mahni inhai vur duh an pung hluai dawna,party mi leh sa tihlungawi nan leh vulh nan Sum rawn haw tamna tur Project thar duan maia,project kal tha lai mek pawh tihthuanawp mai kha an tih tur chiangsa ani tlat.Congress party tan lam nilovin,hmuhloh luih talh tum loh chuan a central zawng pawhin Congress party hian mipui mimir hma an ngai hle ani tih a hmuh ve theih heng zirna,hriselna,nitin chakkhai/khawsak phung etc etc..mipui mimirin kan banphak theuh theih nana hma an lak nasat zia ah te hian.Hniamlai han nei thin mah ila Social,Economy,Warfare ahte hian khawvel tukverhah kan uan theih phah nasa hle.Democracy ram kan nih angin kan ram leh hnam than nan Mipui leh Political party a pawimawh lawrlaka.Sawrkarna chang mek political party hi term khat lek mipuiin pek zel loh hi tun kan dinhmunah chuan kan ram than nan a pawimawh hmasa hle ani,term khat lek chhung hi chuan engmah ramhnuk khawih tham,kan tu leh fate tan thlenga chhawr tur han thawhzawhna hman chi anilova ni.Kan Zoram tan eng party pawh lo sawrkar se/thin se,an term khatnaa kan ram leh hnam tan an thil tihdan,hnathawh dan a diklo uchuak filawr hlawm hlak anih loh chuan,ze nghetlo pu mi ang zia,thil ning zung zung,thlak zung zung,theihnghilh zung zung etc zia ang nilova hmalam thlir zel chunga dawhtheihna nen eng political party pawh hi term hnih thum tal hnathawk theia thlan lal hi kan zoram hmasawnna tur pakhat ani.
Posted on: Thu, 21 Nov 2013 15:14:42 +0000
Trending Topics
Recently Viewed Topics
© 2015