CHELSEA CHAKLO. RED CARD PATHUM. ZANINAH UNITED LEH LIVERPOOL. SPYRS LEH ATSENAL Chelsea chuan champion an tumna kawngah harsatna lian tak an tawk ta a, Aston Villa lakah tlawm in Chelsea players pahnih bakah Jose Mourinho chu hnawhchhuah a ni. Aston Villa 1-0 Chelsea Delph 82’ Red Card : Willian, Ramires, Mourinho (Chelsea) Line up : Aston Villa: Guzan, Bacuna, Vlaar, Baker, Bennett, Westwood, Delph, El Ahmadi, Weimann, Benteke, Agbonlahor. Subs: Steer, Sylla, Holt, Clark, Albrighton, Lowton, Robinson. Chelsea: Cech, Ivanovic, Cahill, Terry, Azpilicueta, Ramires, Matic, Willian, Oscar, Hazard, Torres. Subs: Schwarzer, Kalas, Mikel, Lampard, Schurrle, Salah, Ba. Jose Mourinho hian mak tak maiin Villa Park ah hnehna ala chang miah lova, nizan inkhel ah a record chhunawmloh tak hi chhunzawm in Delph-a goal thun an chakloh pui ta a ni. Inkhel tan tirh lamah Chelsea hian game thunun zawk viau mahse counter attack lamah erawh Aston Villa an hlauhawm let hle. First half ah hian khawilam team mah mah in clear chance ti a han sawi tur an nei lem lova, Oscar-a leh Torres-a ten goal sir ah an shot bak chu sawi vak tur an nei lova, Aston Villa pawh in Benteke-a volley goal loh bak sawi tur an nei biklo. Second half pawh first half ang bawkin game a hmuhnawm lem loh a, mahse hun tawp dawn lamah erawh a boruak a sang chho mep mep khawp mai. Minute 20 vel ala awm tih in yellow card hmu tawh Willan-a chu yellow card pahnihna referee chuan hmuh in hnawhchhuah a ni a, Delph-a a pawh thluk vangin Willian hi yellow card hmuh niin hnawhchhuah a ni a, referee thutlukna hian sawisel pawh a hlawh hle. Hun tawp nan min 8 chiah a awm tawh tih ah mual neitu Aston Villa hian an tamna chhawr tangkai in substitute Albrighton-a thawhrah sengin Delph chuan mawi tak maiin Aston Villa hma a hruai pui ta. Tam zawk Aston Villa hian goal thun belh in na takin Chelsea hi an nawr a, goal pawh an thun belh teuh thei hle. Chelsea lungngaihna belhchhah turin hun tawp dawnah Ramires-a chuan El Ahmadi ngal ah a tum avangin red card pek a ni leh bawk a, Jose Mourinho thinrim pawh field chhungah rawn kal in referee a an khum vak avangin hnawhchhuah a ni zui bawk. Hun a tawp a, Jose Mourinho-a record chhuanawmloh tak chu tih chhiat ni lovin a awm ta zel a, Mourinho hian vawikhatmah Vill Park ah hian a pawl te hnehna ala chan pui lova, City in hnehna an chan avangin game 3 a khel hnem zawk Chelsea hmahruaina chu point 6 chiah a ni ta a ni.
Posted on: Sun, 16 Mar 2014 07:03:42 +0000