Chavang Golseh Silver Jubilee leh Lentual honna TN Haokip in nei Lamka, Oct. 28: The 25th Chavang Golseh leh Late Jamsei Lhungdim min ah kibawl lentual hawnna Molnom ah a um a, Jubilee suangphu honna tuzingkal dak 9:30 in Silver Jubilee suangphu hawna Deputy Commissioner, Churachandpur Lunminthang Haokip, IAS in anei a, Pastor Thenkhojang Haokip in latna a nei hi. Zia zaw zingkal dak 10:30 in Late Jamsei min ah kibawl lentual chu mathei tading in Saikot MLA TN Haokip in honna a nei a, Pastor Lal Daniel in latna a nei hi. Zia hun ah MLA in a thugenna achun kituak tak ah chenghkhawmte ma’n nuamsa ahiu a, zia gual mite lak ah hun mat nuam hi’nle agen hi. Zia gual ah ala thitate min ah lentual kibawl chu a bial sung a ding ah a 6 na hita hi’nle a gen a, chuleh Mr. Thangbem, chief of Molnom in a pa minvua ah lentual bawldaw ding ngaituana a nei chu kipakpi ahi danle agen hi. Chun, Molnom MDC Khaipao Haokip in a thugenna achun a um ngailo lentual thak matthei ding ah bawldaw ah a um kipakpi ahidan a gen a, I gam a ding ah thil thupi tak hi’nle agen a, a kipakpi suklatna’n Jamsei lentual ah chawl buk bawlna ding ah Langva Bundle 5 pe ding ahidan gen hi. Zia hun achun Deputy Commissioner, Churachandpur Lunminthang Haokip, IAS chu functional president in apang a, Chavang Golseh ahi tawh kitawn ah tunitak in Molnom Community hall ah Golseh Nite amang ui. Dr. Lallianthang in Pak Zing Tang Ka kiti album hong Lamka, Oct. 28: Pak Zing Tang Ka kiti Gospel Music Video Album Nk. Kim Joycee Vaiphei in a sak, Grey Skyline Production chu tuni nitaklam dak dak 2:00 in Mini Auditorium, Dorcas Hall, New Lamka ah honna Dr. Lallianthang Asst. Professor Manipur University in a nei a, Rev. ST Khupa in latna a nei hi. Zia hun ah album hongtu khuallian in a thugenna achun Vaiphei pau ah Gospel album thak bawldaw leh nei thei ah um chu taksa leh thagau lam ah changkangna thak hi’n agen hi. Zia hun ah khuallian ding ah chial ah um chu P. Vaiphei, IAS himaleh lemchanlona a um ziak ah a thasang ah Dr. Lallianthang Asst. Professor, MU chu a sawl hi’nle a kigen hi. DC mapuina Town Beautification, Market Closure Timing leh Achievers’ Award genkhawm Lamka, Oct. 28: Deputy Commissioner, Churachandpur Lunminthang Haokip, IAS mapuina’n tunitak dak 2:00 in Town Beautification, Market Closure Timing leh Achievers’ Award toh kisai ah BRGF hall ah meeting a um a, zia hun ah ADCC ah Executive Member, Tribes Council, Philanthropic Organization, Students’ Organization, Women Organization leh NGO leader hunkhawp a pang ui. Zia hun achun Town Beautification toh kisai ah bangti panlak ding leh khoitak mun poimaw ahem ti etkai poimaw ding in a gen a, chuleh bazaar kihon ding sung a genkhawm nau achun khenkhat in nitak dak 8:00 tiang bek hon ding in ngaidan nei maleu security toh kisia leh street light poimaw ding ahi ziak ah security toh kisai ah leh DLO meeting hun phat leh DC in a puaklut ding in a koi ui. Zia ban achun Eimi International Achievers Award toh kisai ah Committee phudaw ding in lemsakna a nei ua, zia chun DC/CCPur Chairman hiding ahia, member dangte chu Tribe Council, Philanthropic Organization, Students Organization, NGO leh MHJU apat palai lakkhawm hiding in a gen ua, zia chu kintak ah siamdaw ding in a gen ui. Security meeting nei District & Session Court Churachandpur honna October 29 leh um ding ahia, zia toh kisia ah security te panlak ding dan toh kisia ah tunitak dak 4:30 in SP/CCPur office, Tuibuang ah Security meeting a um a, zia chun Police leh BSF apat officer te a pang ui. KFC in concert bawl ding Khawvaiphei Film Company in November 1, 2014 leh Lingsiphai ah Charity Dinner cum Musical Concert bawlding ahiu a, zia hun achun ngainatu leh tawmngai te pang ding in KFC Chairman in chialna a bawl hi. 3rd Division League hun chawn Churachandpur District Sports Association guangalna’n Lamka Public Ground ah III Division League, 2014 chu October 29, 2014 leh kipan ding ti himaleh khawphatlo ziak in a hun chawn ah um hi’n a kigen a, zia III Division league chu SDO Churachandpur S. Thienlaljoy Gangte in honna a nei ding in a kigen hi. Kum 25 tin lawm D. Phailian ah um Royal Academy kiphudaw nung kum 25 tinna Silver Jubilee tuni’n a lawm ua, zia chun Royal Academy manager Kamkhanthang Ngaihte in Jubilee monument leh tower honna a nei a, Upa suanno in latna a nei hi. Zia hun achun telchuam mi 25 te’n Jubilee dakpi khetna a nei ui.
Posted on: Wed, 29 Oct 2014 13:13:12 +0000
Trending Topics
Recently Viewed Topics
© 2015