Günün qoroskopu: 14.09.2013 Qoç - günün ilk yarısını maksimal dərəcədə məhsuldar keçirin. Çox işlər görə bilərsiniz. İşgüzar aktivliyinizi azaltmayın, tənbəlliyə və ətalətə məğlub olmayın. Ciddi planların reallaşmasını təxirə salmayın. Səylərinizi əsirgəməyin, təşəbbüskar olun, qarşınıza qoyduğunuz məqsədə çatmaq üçün var gücünüzlə çalışın. İşdə ətalətli olsanız, rəhbərlik buna barmaqarası baxa bilər. Amma bədxah və rəqibləriniz zəifləməyinizdən mütləq şəkildə yararlanacaqlar. Axı onların uğur qazanmaq imkanları var. Günün ikinci yarısında şəxsi münasibətlərinizdə yaranmış situasiyanı dəyərləndirməyə çətinlik çəkməyin. Yaranmış problemlərdə özünüzdən savayı hamını suçlamayın. Məhz bu səbəbdən çətinlikləri dəf etmək müşkül işə çevrilə bilər. Buğa - iş yerində və yaşam arealında qayda yaradın. Çoxdan bəri təxirə saldığınız işləri başa vurun. Son vaxtlar sizi əndişədə saxlayan, nigaran qoyan suallara cavab tapın. İşdə vəzifə səlahiyyətlərini normal icra edin, aktiv fəaliyyət görüntüsü yaratmayın. Karyerist olmayın, işgüzar məziyyətlərinizi nümayiş etdirin. Nüfuzlu şəxslərin dəstəyinə nail olsanız, karyera müstəvisində irəliləyə bilərsiniz. Əks cins mənsubu ilə ünsiyyət, birgə fəaliyyət üçün əlverişli zamandır. Uşaqlara xüsusi diqqət ayırın, qayğıkeş olun. Əkizlər - çətin situasiya formalaşsa da, səhih davranış xəttini seçin və bu minvalla bir çox problemləri həll edin. Yaxınlarınıza dəstək verin. İntuisiyanız kəskin olduğundan mürəkkəb durumda naçar qalmayacaq, doğru qərar verəcəksiniz. Bilik və təcrübələr dadınıza çatacaq. Ağıllı məsləhətlərə qulaq asın. Bu minvalla həmkarlarınızın rəğbət və sayğısını qazana bilərsiniz. Günün ikinci yarısının emosional fonu stabil deyil. Əhvalınız sürətlə dəyişir, yanınızdakı insanlar bunun səbəblərini anlamırlar. Şəxsi münasibətlərdəki dəyişikliklər sizi spontan addımlara sövq etməməlidir. Xərçəng - sənədlərlə iş, hesabatların hazırlanması, sənədləşdirmə üçün əlverişli gündür. Əməyin təşkili, peşəkar fəaliyyət müstəvisindəki problemlərin həlli ilə bağlı yeni ideyalar yaranır. İşdə kadr dəyişiklikləri olacaq. Dövlət qurumları ilə təmaslar üçün əlverişli gündür. İcazə, lisenziya və ya arayışların alınmasında problemlər yaranmayacaq. Soyuqqanl və səbrli olun. Əks cins mənsubu ilə ünsiyyətdə emosiyalara qapılmayın. Ciddi romantik münasibət başlaya bilər. Şir - günün ilk yarısında tərəfdaş, iş yoldaşı və ya şəriklə ciddi fikir ayrılıqları ixtilaf ola bilər. Anlaşılmazlıqların böyüməsinə, münasibətlərin kəsilməsinə imkan verməyin. Aktual məsələlərin həllində həmfikir və müttəfiqlərinizə güvənə bilərsiniz. Günün ikinci yarısında problemlər yaranacaq. Maliyyə durumu əlverişli deyil. Planlaşdırılmamış xərclərə yol verməyin, pulu qənaətlə sərf edin. Şəxsi münasibətlərdə müəyyən çətinliklər var. Yaxınlarınızı sevindirmək istəyirsiniz, amma bunu necə edəcəyinizi bilmirsiniz. Təxəyyülünüz susur. Bu səbəbdən də görüş soyuq keçir. Ailə üzvləri ilə münasibətlər sərindir. Qız - qətiyyətli olun, məqsədyönlü çalışın. Əzm və inadlı fəaliyyət başqalarının məğlubiyyətə uğradıqları sahədə irəliləyişinizəsəbəb ola bilər. Yaxın ətrafınızdakı insanlar sizin kimi hərəkət etməyə çalışacaqlar. Yeni müttəfiqlər və həmfikirlər qazanacaqsınız. Ən cəsarətli ideyalarınız belə, dəstəklənə bilər. Əməyinizin bəhrəsini tezliklə görəcəyinizi, işinizin mükafatlandırılacağını düşünməyin. İndi əsas məsələ gələcək irəliləyişlər üçün etibarlı zəmin yaratmaqdır. Günün ikinci yarısı perspektiv planların müzakirəsi üçün əlverişlidir. Peşəkar fəaliyyət və şəxsi münasibətlər müstəvisində yeniliklər olacaq. Sizi sevindirə biləcək qəfil təkliflər ala bilərsiniz. Tərəzi - daha fəal çalışmaq, birgə layihələrdə iştirak üçün yaxşı gündür. Çətin işlərə başlayarkən tərəddüd etməyin. Cəsarət və təkid sizə uğur vəd edir. İşgüzar olun, yeni layihə ilə bağlı uzunmüddətli müzakirələrə qatılmayın. Tərəfdaş, şərik və ya işdəki rəhbərliyin rəğbətini qazana bilərsiniz. Eksperimentlər üçün əlverişli gündür. Günün ikinci yarısında ən gözlənilməz, cəsur qərarlarınız belə, anlayışla qarşılanacaq. Sövdələşmə və anlaşmalar üçün uğurlu zamandır. Konkret planlar ehtimal etdiyiniz vaxtdan da tez gəlir verəcək. Alış-veriş, o cümlədən spontan alışlar pis nəticə verməyəcək. Şəxsi problemlərinizi müzakirə etməyə dəyməz. Ən kiçik məsələlərə görə münaqişələr yarana bilər. Əqrəb - işlərinizdə böyük, əhəmiyyətli uğurlar əldə etmək çətindir. Yolunuzda intensiv şəkildə sədlər və tələlər yaradırlar. Ruhdan düşməyin, bədxahları sevindirməyin. İşgüzar danışıqlar uğurla başa çatacaq. Potensial tərəfdaşlarla asanlıqla dil tapacaqsınız. Yeni faydalı əməkdaşlıq başlanacaq. Günün ikinci yarısı kommersiya, media, inşaat sahələrində çalışan şəxslər üçün uğurludur. Şəxsi münasibətlərdə sınaq dönəmidi. Emosiyalara uymayın, hisslərin tələsinə düşməyin. Axşam saatlarında rahat gəzinti, sakit və xoş söhbət üçün vaxt tapın. Təbiət qoynunda dincəlin. Oxatan - peşəkar fəaliyyət müstəvisində çox ciddi problemlər vəd edən çətin gündür. Hadisələr sürətlə inkişaf edir. Davranış planını düşünmək, hərəkətləri götür-qoy etmək üçün vaxt qalmır. Emosiyaların təsiri altında sonradan peşmançılıq hissi yaradacaq səhvlər etməyin. Müstəqil hərəkət edin. İndiyədək sizə dəfələrlə dəstək və kömək vəd edən müttəfiqlər hazırda öz problemlərinin həlli ilə məşğuldur. Münaqişələr adi günlərlə müqayisədə daha tez və sürəklidir. Həmkarlar, dostlar və qohumlarla mübahisə etməyin. Kiçik xoşagəlməz hadisə, məişət texnikasının sıradan çıxması və ya nəqliyyat vasitəsində nasazlıq ola bilər. Oğlaq - gün asan və rəvan olmasa da, bədbinliyə qapılmayın. İşlərdə irəliləyişə nail olmaq çətindir, amma mümkündür. Qətiyyətli, fəndgir olun. Müşkül məsələ ilə qarşılaşsanız, etibar etdiyiniz insana üz tutun. Əsəb gərginliyindən qurtulun, əks təqdirdə başağrısı və səhhətdə problemlər olacaq. Özünüzü qoruyun, əlavə işlər və ağır zəhmətə qatlaşmayın. Əvvəl hazırladığınız plandan sapmalar sizi qıcıqlandırır. Sakitləşin, soyuqqanlı olun, dərindən nəfəs alın və bilin ki, hirslənməklə yalnız məqsədə aparan yolu uzadırsınız. Romantik görüş sərin olacaq. Dolça - sakit və rahat gündür. İstənilən işə başlaya bilərsiniz. Mürəkkəb işləri asanlıqla bitirərək çətin suallara tezliklə cavab tapa bilərsiniz. Yaxın ətrafınızdakı insanlarda paxıllıq və həsəd hissləri oyatmamaq üçün təvazökar olun. Qarşınıza qoyduğunuz məqsədə doğru hərəkətdə fiqurativ görüntülər yaratmayın. Günün ikinci yarısı işgüzar fəaliyyətdə və şəxsi münasibətlərdə təşəbbüslər üçün əlverişlidir. İdeyalarınızı bölüşün. Onların bəziləri dəstək ala bilər. Yaxınlarınızdan biri sizə əla məsləhət verəcək və o məsləhətdən faydalansanız, önəmli işdə xoşagəlməz yanlışlıqdan qurtula bilərsiniz. Balıqlar - dəf edə bilməyəcəyiniz maneə yoxdur. Lakin şövq, emosiya və qətiyyətiniz məntiq çərçivələrindən kənara çıxmasın. Aktiv hərəkətlərə başlamaq üçün əlverişli şəraiti gözləmək əvəzinə çılğın qərarlar qəbul etməyin. Bağlı qapıları təkrar döyməyin. Həmin qapılar gec-tez açılacaq, amma həmin vaxt siz tam qüvvədən düşmüş vəziyyətdə olduğundan əldə etdiyiniz qələbəyə sevinməyə bilərsiniz. Diqqət və qayğınızı yaxınlarınızdanəsirgəməyin. İndi onlar sizdən dəstək, yardım, səmimiyyət və şəfqət gözləyirlər.
Posted on: Fri, 13 Sep 2013 19:29:34 +0000
Trending Topics
Recently Viewed Topics
© 2015