Hkung ga let, Kunming nlaw amyu sha dakasu jawng karan, Miwa ga, Laika sharin hkawlik (laiza) hte seng nna general information hpe lawu na hte maren ka dat ai. Additional informations in hpe attachment file (3) hte bang shagun dat ya ai. 1. Kunming nlaw amyu Dakasu jawng garan, Miwa ga, Laika sharin hkawlik (laiza) ndau shabra lai ka rai na, dai kaw jawng lung ladaw duration ni requirement ni lawm na re. 2 gaw, jawng hte seng ai labau rai na re. 3. gaw Jawng shawk form re. Kunming nlaw a myu sha Dakasu jawng (garan) hpe laiza kaw hpaw ning htan tawn da ai lam Jing hpaw wun pawng myu sha mung chying sha ni yawng chye lu na matu KIO Gin jaw hpa ji dap kawn ndau sha bra dat ai lam. Ndai Kunming n law Amyu sha Dakkasu Jawng garan ( Laiza ) hpe Wunpawng Mungdan Shanglawt Asuya Uphkang Gaiwang rai nga ai, Ginjaw Ginra Ginwang Ginjaw kata Laksan Laiza Muklum kaw 2007 – 2008 ( Hpaji ladaw ) kaw nna, hpaw da lu sai. Daining 2013 – 2014 ( Hpaji ladaw ) hte seng ai lam · Jawng lung ladaw ( Duration ) 25th August 2013 kaw nna, jawngma ning nan hkap la sai. 1st September 2013 – 31st January 2014 ( 1st semester ) 2014 February jawng dat ten. 1st March 2014 - 31st July 2014 ( 2nd semester ) · Sharin sara Kunming n law Amyu sha Dakkasu kaw nna sara galaw na ahkang lu ai sara ni. · Sharin ginhpan ni Laiza kaw 2 ning sharin na. 1st year kaw Miwa ga, laika- Four skills. Listening, speaking, reading, writing. 2nd year kaw Miwa ga, laika kung kyang hkra matut sharin na. 2nd year ngut sai ni Kunming n law Amyu Sha Dakkasu de matut lung mai sai. Passport tinang nang galaw shajin da na. Kunming de lu lung hkra, Kunming Dakkasu ni lit la ya na. Yak hkak nna, Kunming de n lu matut lung ai ni a matu, Laiza kaw laning mi lawu de na ginhpan ni matut sharin ya na. Gashadawn:- - English - Computer - Mungkan, mungsang masa ( Political Science ) - Hpaga lam hpaji ( Business Management ) · Sharin ya na, ginhpan laika buk ni ( Sharin matsun, sharin malawm ni ) yawng, ya jang Kunming n law Amyu Sha Dakkasu kaw sharin lang nga ai laika ni re. · Sanpoi hpe Kunming n law Amyu Dakkasu kaw nna san na. · Jawng yu lakmat, Kunming Dakkasu kaw nna shagrau ya na. ( Mungkan kaw nna masat masa galaw ai lakmat re. ) · Jawng lung na jawngma hkum nan, Miwa ga, laika sharin la na myit lawm sharawng awng ai wa, jan rai ra ai. ( Marai langai ngai shadut, shagwi nna lung ai n rai na. ) · Garum ya na ( Sponsor ) lu ai wa rai ra na. · Madat mara, shakut shaja, rit kawp tara hkan lu ai wa, lai kyang kaja ai wa, jan rai ra na. · Hkamja lam nga ra na. Kap bra wa lu ai ana n lu ai wa, jan rai ra na. · Jawng shang gumhpraw, mying bang ai hte kalang ta bang ra na. · Jawng shang – Laning mi RMB. ¥. 5000.00 ( Yuan. hkying manga ) · Jawng yup, jawng sha ( Boarder ) nga na ni, shata mi RMB. ¥. 350.00 ( Yuan. masum tsa manga shi ) shata 10 = 3500.00 ( Yuan. hkying masum manga tsa ) · Laili laika hte kaji kajaw tinang lit la na. · Myen Mung Sumtsan Dakkasu ( Distance ) lung nga ai ni hpe mung, hkap la ai. ( Sanpoi wa htai na ahkang jaw na. ) · Hpaji madang yawm dik tsang 10 ( Myen jawng, K.I.O jawng ) awng ra na. Janmau lu ai ni hpe mung hkap la ai. · Jawng lung mayu ai kadai raitim asak masat ai lam n nga ai. Jawng shang hpyi shawn hkrang hpyi la nna ka bang, jahpring hpyi shawn mai ai. Shi ga kaw bang mayu ai lam gaw: Ndai hpe shi ga kaw bang mayu ai lam gaw mung kan shara shagu kaw chyam bra taw nga ai anhte jing hpaw wunpawng myu sha ni yawng chye lu na matu, Mi wa ga, lai ka myit lawm ai ni wa lung lu na matu hte tinang nlu lung tim tinang bu ga de nga ai kanau kasha ni, ram ma manaw manang ni hpe lam madun karum kahtau la hkat lu na matu ma yaw shada let ndau mayu ai hku re. Gin jaw hpa ji dap hte tim ading tawk san htai kalaw galaw ai hku na rai tim mung mai ai. Shing nrai ngai hte interview tim mai ai. A hkyak ai gaw ndai shi ga hpe jawng hpaw ten ni wa sai majaw lawan dik ai hku ramma manaw manang ni hte nuwa mung chying sha ni kaw du na matu a hkyak ai. Ngai na lam: Ngai gaw outreach yu ti Gin jaw hpaji dap a malai ramma manaw manang ni hte Nuwa ni hpang de ndai miwa jawng hte seng nna ning mu ja hpaw ai hte lung mayu ai jawng ma ni hpe hkan tam jahpan la taw nga ai ap nawng ( volunteer) 5 ramma Langai myi re. Atsa ni yu nna atsam bang ya marit. Myu sha lam yan hta ramma manaw manang ni a matu naw jawm shakut ndau karum la marit ngu ndai hte wa myi chye ju dum ai hte ga shaw dat nngai law. Karai Kasang tut bau sin ya nga u ga. La htaw Seng HKawn
Posted on: Thu, 18 Jul 2013 10:05:22 +0000
Trending Topics
Recently Viewed Topics
© 2015