IATENJA KI SUNNATE. ----------------------------------------------- huzur sallalalhu alayhi wasallam ne farmaya jisne fitne fasad k dour me meri ek sunnat ko zinda kiya uske liye 100 shahido ka sawab he. ( mishkat sharif.) 1. aap hazarat sallallahu alayhi wasallam baitul khala me dakhil hote to baya qadam pehle andar rakhte or jab bahir nikalte to daaya qadam bahir rakhte .( tirmizi ) 2.jab baitul khala me jate to ye dua padhte. allahumma inni a-u-zubik minal khubusi val khabaish. (ya allah ! teri panah chahta hu ,khabis jinnato se mard ho ya aurat.) 3.jab aap sallallahu alayhi wasallam bahir aate to ye dua padhte . gufranak alhamdulillahillazi azhaba annilhaza v aafani ( sab tarife allah hi k liye he jisne muz se taklif dene wali chizo ko durr kiya or muze chain diya ) ( zadul maad ,tirmizi ,ibne majah) 4.jab aap sallallahu alayhi wasallam kudrati hajat k liye bethte to jab tak aap zameen se bilkul kareeb na ho jate apna satar na kholte. 5.aap sallallahu alayhi wasallam peshab karna chahte to naram zamen ki talash karte agar aap ko naram zameen na milti to lakdi ya kisi or chiz se sakht zameen ko khodkar naram kar lete .fir peshab karne bethte. ( zadul maaad) 6.habib ibne salih radiyallahu taala anhu se rivayat he k huzur sallallahu alayhi wasallam jab hajat ki jagah me dakhil hote to apna juta pahen lete or apna sir dhank lete the . ( ibne saaad ) 7.kabhi aap pani se istenja farmate. kabhi dhele se ya kabhi dono ka istemal karte. dhelo ki tadad tak hoti, kam se kam teen hoti aap istenja karne me baya haath istemal karte jab aap pani se istenja farmate to uske baad zameen par hath ragadkar dhote. ( zadul maad) 8.peshab karne k liye ukdu bethte to raano k darmiyan kaafi fasla chodte hajat ku pura karne k liye ret ya mitti ke dhele ya pattharo ki aad ko bahot pasand farmate. ( ibne saad) 9.jab aap hajat puri karne k liye bethte to kibla ki taraf munh na karte or na pith karte. (zadul maaad) rasulallahu sallallahu alayhi wasallam jab istenja ko jate the to aap paani se taharat hasil karte the. fir apne haath ko mitti par malte the. ( mitti na ho to sabun se dhoye bimariyo se bachne ki yah saisi maslihat 1400 saal pehle aap sallallahu alayhi wasallam ne hame batlai jo gairo ko aaj samjme aai he .) fir dusre bartan se vuzu farmate the. ( sunane abi davud )( usva-e rasule akram sallallahu alayhi wasallam 1/181,182)
Posted on: Sun, 20 Oct 2013 12:04:38 +0000