IGSSS leh KCA guanggalna awareness program Lamka, Sept. 8: Indo Global Social Service Society leh Kuki Chief Association guanggalna’n tuzingka dak 11:00 in Tuibuong Community hall ah Orientation cum Consultation on inclusion of Women in Village Administration tawh kisai awareness program a mang ua, zia hun achun K. Haopu Gangte, General Secretary, KSDC in Manipur Village Development Council tawh kisai a zilsak a, Kim Gangte in Village Administration ah numei pansak ding tawh kisai a zilsak hi. Thau kihawm; a dawi tam ziak ah bei pai Lamka, Sept. 8: Tulai ah tamtak a ding ah poimaw ma ma ah kilang gari thau chu UNC in National Highway ah indefinite bandh abawl ziakun Churachandpur district pang ah Manipur state sung zosia ah thau a vang ma ma a, ahin, zanitak in Hmar veng ah Suakhnun & Sons Oil pump a ding Petrol 12000 litres a tung a, zia chu tuni’n a hawm ui. Zia ban achun tuni’n New Lamka Oil Pump ale tuni’n Petrol 8000 litres hawm in a um a, zia chu thau haksatna hapta khat vel ahi tak ziakin bei ngal hi’n a kigen hi. District sung thau haksatna toh kisai ah May 6, 2014 ah Deputy Commissioner, Churachandpur thusuak pansan ah District Supply Officer in Oil pump ah thau lakthei dingdan ala sua a, zia chu heavy Truck/Bus te’n khat vei thu ah Diesel 40 litres, LV tractor & LV four wheeler te’n khatvei thu ah 20 litres, 3 wheeler te’n 10 litres, 2 wheeler te’n 10 litres chiat hiding ti ahi. Ahinla, tuni thau kihawmte chu DSO thupiak dungzui ah hawm ahilo ziakin mi khat in tam taktak a lak ziak ua beipai hi’n a kigen hi. Paupu Lenlai – 2 honna um ding Lamka, Sept. 8: Zotal Film Company in a bawl ‘Paupu Lenlai – 2’ kiti Thailand film a ledaw uh chu September 12, 2014 sun dak 12:00 leh Zogal Hall, Zoveng ah honna um ding ahia, zia chun khuallian Henry, Chairman ADC Senapati pang ding ahi. Chun, John Relang, Chairnam ADC Ukhrul , Langkhanpau Guite, ADCC leh Thangjang Haokip, President KIC te chu guest of honour, functional president leh chief host ah pang ding ahiu. SYO, New Lamka unit in Raising day cum election nei Lamka, Sept. 8: Simte Youth Organization, New Lamka unit guanggalna’n tuni’n Simte Inn, Simveng ah SYO 4th Raising Day lawpna leh kum 2014-17 kikal vaipdaw ding telna anei ua, zia hun achun khuallian ah Gouzamang , EM/ADCC chu pang ding ti himaleh a um theilo ziakin a zi Nenem a pang hi. Zia hun ah a thugenna achun last election ah a bialsung ah school khat bek tundaw ding a tup leh ngim ala gen tuhin V. Munhoih ah government residential school khat umta hi’n agen a, zia chun nu leh pa haksa tak ah khawsate dawn jangkhai ding hi’n agen a, cha leh nau te government school te ah kaisak leu hin kawng bangkim jangkhai chuam ding ahi dan agen hi. Chun, Simte Youth Organization kiti Philanthropic organization khat ahi ziakin tawmngai zia ah panlak ding ahi dan a gen hi. Chun, Simte Inn in a poimaw toilet khat BRGF fund ah bawl ding ahi dan a gen a, zia chu proposal bangkim felta hi’n agen hi. Zia programme achun T. Goukhomang, Ex-president, SYO Ghtrs leh B. Dongzalian Simte, President, STC Ghtrs te’n tilkhona thule a gen ui. Shaktiman tuaksia; driver pang ah mi 2 thi Lamka, Sept. 8: Churachandpur Police Station apat km 200 vel ah gamla Tipaimukh Sub-Divison huapsung Pherjawl gam ah tuni nitaklam in gamlak ah beam pua ah kuan Shaktiman registration number MN-02/7024 in tuasiat a tuak a, zia tuasiatna achun gari neitu hikawm ah a hektu Mr. Hangmuanmung (22) h/o Nenem of Gouchinkhup Veng leh a thing neitu Mrs. Suangmoi w/o Lalditsang of Shermun, Tipaimukh Sub-Division chu amun ah thi ngal uh hi’n a kigen hi. A kigendan in zia tuasiatna chu a lei chaklo ziak ah kitawltha ahia, a sung ah chuang mi 3 te chu kisukha maleu a khawksia umlo hi’nle a kigen hi. Zia tuasiatna mun chu Zomi Youth Association (ZYA) Ghqtrs leh Thangkhal Youth Organisation (TYO) ah puitu te’n del hi unle a kigen hi. Chairman leh Vice Chairman banah MDC 11 te Lamka tung Lamka, Sept. 8: Manipur ah District Council 6 ah MDC te Power devolution toh kisai leh Sixth Schedule toh kisai ah August 2014 hapta nunung pen ah Delhi ah chia chu tuni’n Chairman ADCC, Vice Chairman ADCC leh MDC 11 te Lamka tungta hi un a kigen hi. A kigendan achun ADCC Chairman Langkhanpau Guite chu zani zingkal ah Lamka tung ahita, tuni’n ADCC ah Vice Chairman Demmang Haokip mapuina’n MDC 11 te Lamka tung ahiu. Amau chu tuni’n office a kai ngal ui. Police te’n firing pan Lamka, Sept. 8: Police te’n kum sin leh a bawl sek uh (annual classification firing) chu tuni’n STC/BSF ah a kipan a, zia chun VDF, Police Constable leh officer tiang in a pang ua, September 19, 2014 tiang sunzawm ding un a kigen hi. Kipakpina nei Lamka, Sept. 8: Upa Dr. L.S. Gangte in tunai cha ah Hony. Doctor of Ministry a mu kipakpina tuzingkal dak 11:30 in ama chenna inn Chiengkonpang ah programmed a mang ua, zia hun achun Rev. Nekkholam, Chairman, Mission Board, ESC in pauchappiakna a nei hi. Directors of Education(S) apat official 3 in entha Director of Education(S) apat official 3 tuzingkal dak 11:00 in Lamka a phau a, amau chun Education department nuai ah rationalization dan ah School chuamchuam ah Primary teacher tamtak chawn ah um chungchang ah thil umdan entha hi un a kigen hi. Amau chu Dicky, Joint Director, Education(S), Brojen OSD/MGEL leh Rupa OSD/MGEL ahiu a, amau chu amau chun teacher chawn ah a umna Bijang Loubuk Jr. High School, Rengkai High School, Vimala Raina High School, Phungkhothang Govt High School, Churachandpur High School, Lanva Model School, Vungzagen High School leh Tuibuang Jr. High School a phau a, amau chun teacher um zat leh student umzat a tepte banun ekbuk leh zunbuk dinmun le enkawm hi un a kigen hi. Accident ziak ah mi 3 hospital tung Lamka, Sept. 8: Zafana (70) s/o (L) Vankung of Salem Veng zanitak dak 6:00 vel Biak inn kai ding ah chialai Lailam Leibul ah Bike ah tai te’n a phukhau a, a changlam keng leh a luchang a liam ziakin hospital ah etkol in a um hi. Liansang (18) s/o T. Lunkim of Molnom chu zanitak dak 7:30 vel ah bike ah tailai Tolbung leh Tollen kikal ah a kipuk a, a changlam khup leh a changlam ban a liam ziakin hospital ah etkol in a um hi. Lunsat (42) h/o Ngaineilhing of Sijang chu tusun dak 12:00 vel ah Lanva nak ah suanglakna quarry ah sungla lai chu a panchakna suang chu a chip ziakin feet 30 vel ah sang in a ketha, zia chun suang in a veilam khup a sekhak banah a kawng le a takhak ziakin hospital ah etkol in a um hi. DC in Bihar zuan Lamka, Sept. 8: Deputy Commissioner, Churachandpur PK Jha, IAS chu a khuau Bihar state zuan in Lamka a nusia a, ama umlo sung in Pherjawl ADC in mawpaw ding in a kigen hi. Sunna Elder Chinzavung (61) f/o Chinsonthang of Zion Veng, New Lamka chu zunthum natna ziak in tuzingkal in a thi, tuni’n New Lamka thanmual ah vuiliam ahi.
Posted on: Tue, 09 Sep 2014 10:10:01 +0000
Trending Topics
© 2015