INDIA CARTOONIST ROPUI MUAL A LIAM India rama cartoonist ngainat rawn hlawh ber RK Laxman (kum 94 mi, novelist hmingthang RK Narayan-a nau) chuan mual a liam ta. Times of India chanchinbu phek hmaia “You Said It” huang ziaktu, mi naran “common man”, hero lo tak, anti-hero ni zawk mah dinchhuaktu hi India ram hian a la mamawh vei nena maw!. Thangchhuahkawr ni awm tak kamis tial ruk mai ha a, dhoti veng a, mak ti âwm fahrana a beksam tawn tawn a hnung zawnga kawh phei fur mai nena, Gandhi-a tarmit vuah a, ngawi renga, a chhehvela thil thleng chi hrang hrang thlir thintu. Hlemhletna, intaina, innghirnghona, hleih neihna, mi hausa leh mi rethei inkar zau lutukte a hmunhmaa hmu a, engmah sawi chhuak ve si lo va kum 60 vel chhiartute chawk hlimtu a han reh vang vang mai tur chu a khawharthlak dawn mang e. Ka lawm em avang hian TOI-a a chang changa lo hmuh mai chu ka duh khawp lo va, a cartoon tha zual an dah khawmna lehkhabu “You Said It” tih pawh volumes engemaw zat ka lei nghe nghe a. Khatih laia la lar lem lo, kan Mizo cartoonist chhuanvawr ni zui ta, tuna journalist-a inlet leh ta Zodin Sanga pawh hi bu khat chu ka present nghe nghe-in ka hria. Thank you, sir, for all the great big smiles and gentle humour you have bestowed upon this war-torn, corruption ridden land! RK Laxman. Draw In Peace! -Mafaa Mafaa Hauhnar
Posted on: Tue, 27 Jan 2015 01:34:11 +0000
Trending Topics
Recently Viewed Topics
© 2015