Isua’n MLTP Act hi engtin nge a ngaih ang? Tun hunah hian Isua hi la awm ve ta se, “Zu khapn burna dan hi tha I ti ve em, kan la khap bur zel dawn em?” ti ta ila, “Nangni mi vervek te u zu khap bur turin ka tilo che u a, zu vanga buaina leh harsatna tawk te, zu bawiha tang mek te chhan chhuak turin leh tanpui ngaite tanpui turin ka ti mai zawk che u a ni. Zu awm lohna ramah thlamuang leh hahdam taka rawng bawl turin ka Kohhran ho hi ka din lo che u a, Zu leh sual tinreng awmna khawvelah chhel taka ka rawngbawl tur zawkin Kohhran ho hi ka Ko Hrang mai zawk che u a ni. Zu in ngaipawimawh tluk zet hian sual tinreng bul eirukna sual te pawh hi ngaipawimawh ve u la, MLTP Act hmang leh tura thahnemngai taka in trawngtai rual ang khan Eiruk dona Lokayukta dan tha tak in neih theih nan zan khat tal te chu ram pumhuap special tawngtai rual te han rawt ve ta ula, Press Release te hial siamin poaster te pawh tar ve ta chuaih chuaih bawk ula.. hetianga sual in ang reng do ngai theuh theuh do ngam bik leh biklo nei niawm fahrana in lang hi a fair lova ka duh lo ni. Kei pawh he khawvela ta zu leh sualna zawng zawng la bo turin ka rawn kal lo va, zu leh sual laka in lo fihlima, chhandam in nih ve theih nan ka rawn kal zawk a ni. Nangni ka Kohhran ho te pawh ka hnungzuitu dik tak in nih chuan va kal ta ula zu khap burna dan siam tur ni lovin zu hmun sa hmuna cheng te hnenah ka hmangaihna thu hi va hrilh rawh u, zu ngawl vei ten an lo sim a ka lam an lo hawi ve theih nan leh zu in a la tih buai ve loh naupang duhawm tak tak te zu lakah an lo fihlim zel theih nan tawngtai sak rawh u, an rilru hmin si lo va, an zu no dawm lai tih luihna hmanga in paih sak a nih chuan in awm chhung chauh in an sim ang a in awm loh hunah zu no an dawm leh tho vang, chuvangin ka hmangaih thu chauh lo chuan eng Act mah hian zu hi a ti rem thei tak tak chuanglo tih hria u la, Biakin tha leh nalh tak tak sak nan sum in seng hreh lo ang bawk khan heng zu bawiha tang te chhan chhuah nan hian sum sen hreh lo bawk ta u la, in tawngtai in MLTP Act hmag leh tur ngawr ngawr a dil lovin khawvel changkang zel ah engtikah emaw chuan MLTP Act hi an la hlip dawn tho tho a vang leh khawvel tawp thleng pawh in zu hi awm dawn tho a vangin zu zalen hunah pawh engting nge ka beram te ka ven him ang a, zu leh ruihhlo lakah kan lo fihlim theih ang tih lam hawi zawng in dil zawk ta ula. Tichuan MLTP Act rinchhan a zu hnawhbo tum ai chuan Kei in Lalpa Pathian rinchhana zu hnawh bo in tum chuan in hlawh tling zawk ngei ang” a tih ka ring.. Bible chuan “in dil a, in dil dik loh avangin in hmu lo” min ti, hei vang te pawh hi a nia nge, zu khap bur tur ngawr ngawrin kan dil a, Zu khap burna ram ni si, zu tamberna, zu vanga state pawna nula tlangval nei mualpho ngun ber kan lo nih!! kan thalai ten zu hi kan kap vang chauhva an in lo ah kan ngai a nih chuan kan khap loh hunah leh zu khap lohna hmunah chuan an in dawn tihna a ni. “Sawrkar hian lirnghing hi a tha lo em mai nunna a suat hnem si, chuvangchuan khap bur teng” ti ta se, khap theih thil a nih miau loh a vangin a nging hunah chuan a nghing dawn Tho, chu zawk ai chuna a nghin hunah kan tawrh nasat lutuk loh nan tun a tanga lo in ven mai hi a tha zawk. thil tih theih loh tih tum ai chuan tih theih tih tum mai hi a fin thlak zawk. Zu hi an khap reng thei dawnlo tih pawh hi Isua a lo kal leh dawn tih tluka chiang a ni a. awm tawha leh awm meka lo la awm zel tur Zu hi Prohibition ngawr ngawr ai chuan Prevention lam hi mutmawh hnarmawhah nei zawk ila kan hlawkpui zawk lo maw?
Posted on: Wed, 09 Jul 2014 22:57:34 +0000
Trending Topics
Recently Viewed Topics
© 2015