Koe ongoongo kihe aho ni!!! DR. Stiveni Halapua – Konisitutone fili Minisita moe fakanofo moe fakamalolo’I – Mon/Feb. 24th, 2014 ‘Oku tau lolotonga lele eni ‘ihe ‘uluaki lakanga ‘oe pule’anga fo’ou na’a tau loto ke tau liliu mai kiaii ‘ihe founga fili moe fakalele fakatemokalati hotau fonua ni. Neongo ‘oku ‘iai ‘ae ngaahi liliu kuo hoko ki he konisitutone ka ‘oku meimei ke tatau ‘ae ngaahi me’a lahi ‘o hoko tatau ‘I Tonga ni moe ngaahi fonua ‘I tu’apule’angaa pea ‘oku mahino leva ke mahino kia tekitautoluu ‘ae ngaahi fakaikiiki ‘ihe kupu ‘oe konisitutonee. Mahino pe foki koe teuaki ‘oe fili hono 2 ‘ihe founga temokalati ma’a Tonga ‘e fakahoko he ta’u ni pea te tau toe fou ai pe he hala tatau ‘oe fili ha palemia pea fili ‘ehe palemia ‘ene kau minisitaa. Mahino pe foki kuo momoi mai ‘ehe ‘ene ‘Afio ‘ae mafaii ke fakalele ‘ehe pule’angaa ‘ae ngaahi fatongia na’e angamaheni ‘aki ‘a ‘ene ‘Afio neongo ‘oku tau fehu’ia foki pe koeha ‘oku fili ai mo fakanofo pea fakamaloloo’I ‘ehe Palemia ‘ene kau minisita kae kei ‘ave pe ke aofangatuku mei he ‘ene ‘Afio. Na’e fai hono fehu’I eni ki he kia Toketaa Sitiveni Halapua. PLAY STEVEN # 1 Hange koe fakamatala ‘a Toketa Sitiveni Halapuaa, koe founga angamaheni pe eni ‘I Tonga ni moe ngaahi fonua kominiuelii. Kae fefe nai ‘ae lelei moe kovi ‘oe fetongitongii? PLAY Halapua # 2 ‘Oku ta pe mo laka ‘ae taimi pea teu moe ngaahi kemipenii ki he teuaki ‘oe filii kau ai foki ha ni’ihi kuo kamata ‘enau fakasiosio ke kumi ha fa’ahi fakapolitikale ken au kau kiaii. Na’e pehe ‘e Dr. Halapua kuo kamata moe teuteu ‘enau paati – ‘Otu motu anga’ofa pea kuo ‘iai moha kakai kuo nau fakaha ‘enau loto kenau kau angee. PLAY HALAPUA # 3 Ko Toketaa Sitiveni Halapuaa, koe fakafofonga falealea ‘o Tongatapu fika 3. Na’e pehe ‘e Dr. Halapuaa, ‘oku ‘ata pe foki ‘ihe konisitutone ‘ae paati kiha taha kene hu ‘o hoko koe memipaa. Koe faka’eke’eke makehe ‘o Halapua ‘e ‘oatu he taimi 5 efiafi ‘oe ‘aho ni…………….ENDS Child Cancer – March Monday Feb. 24th, 2014 ‘Oku ‘iloa ‘ae mahina ko Ma’asi ‘ihe ta’u kotoa koe taimi ia ‘oku tokaekina mo manatua ai ‘akinautolu ‘ae fnau he tapa kotoa ‘oe kolope kuo uesia ‘enau mo’ui ‘ehe mahaki kanisaa. Kuo kamata hono fokotu’utu’u ‘ehe kautaha ki he fanau faingata’a’ia kanisaa ‘I Tonga ni ‘ae ngaahi polokalama ke fakalele lolotonga ‘ae mahina ko Ma’asii. Na’e pehe ‘ehe palesiteni ‘oe kautahaa – ‘Eveline Ha’angana - Koe ngaahi polokalamaa ‘oku fokotu’utu’u pe ia ‘o fakatatau ki he misiona moe visone ‘ae kautaha. PLAY ‘EVALINI # 1 Na’e pehe ‘e ‘Evaline Ha’anganaa, Koe fuofua polokalama ki he mahina kaha’uu koe lue ki he mo’ui lelei pea ‘e fakahoko ia ki he vahe Hihifo ‘ihe ta’u ni. PLAY ‘EVALINI HA’ANGANA # 2 ‘Oku fiefia foki ‘ae kautaha ni he kuo ‘osi fokotu’u moe senitaa ‘oe fanau faingata’a’aia ‘I Fanga pea mo ‘enau fakamalo ki he ngaahi tokoni kotoa pe ‘oku foaki ‘ehe kakai ‘o e fonuaa ke tokonia si’I fanau faingata’a’aia ‘I Tonga ni………………….ENDS Scholarships – OE/TCC Monday Feb. 24th, 2014 ‘Oku hounga’ia foki ‘a e potungaue ako ‘ae pule’angaa ‘ihe tokoni kuo fai ‘ehe ngaahi kautaha fakapisinisi ‘I Tonga ni hange koe kautaha fetu’utaki ‘a Tonga moe kautaha koloa Office Equipment ki hono tokonia ‘oe ako ‘ihe taimi kotoa pe. Na’e foaki atu foki ‘I he Falaite kuo ‘osii ‘ehe ongo kautaha ni ‘a e ngaahi sikolasipi ako ta’etotongi ‘e 20 ki he fanauako ‘e took 20 ‘I Tongatapu ni mo Vava’u. Na’e me’a foki ai ‘ae ‘Eiki Minisita Akoo – Toketaa ‘Ana Taufe’ulungaki . PLAY DR. ‘Ana ……….just for first 7 seconds then fade under for translation Koe ongo kautaha koeni koe ongo hoa ngaue maheni ‘oe akoo ‘ihe ngaahi ta’u lahi. Kuo na tokoni’I ‘ae ako ‘ihe ngaahi ‘elia kehekee pea ‘oku mau fakamalo lotohounga atu he tokoni kuo fai. Fkmalo ki he kautaha OE ‘ihe tokoni kuo fai ki he fanauako ‘a Ha’apiaii ‘ihe ngaahi naunau ako ta’etotongi kuo fakafolau kiai kae ‘uma’aa ‘ae misini fotokopi. Na’e toki foki mai ‘ae talekita akoo pea ne talanoa mai ‘ae fieifa ‘ihe fofonga ‘oe fanauu ‘ihe ‘enau lave ‘I ho’omou ‘ofaa…..Fade out Dr ‘Ana. Na’e fakamalo foki ‘ae Minisita akoo ki he tokoni kuo fai ‘ehe kautaha fetu’utaki ‘a Tonga – TCc ‘a hono holoki peseta ‘e 50 ‘ae totongi ‘initanetii ki he ngaahi ako’angaa. Na’ane faka’amu kapau ‘e ‘iai moha tokoni ke toe holo ange he peseta ‘e 50 ‘a Ha’apai pe koha faingamalie initanetii ta’etotongi he ta’u fakaako ‘oeta’u ni. Na’e fakamalo ‘ae ‘Eiki Minisita akoo ki he kau ma’u sikolasipi pea kenau ngaue ‘aonga ‘aki ‘ae ‘ofa kuo fai ange ‘ehe ongo kautaha fakapisinisi koenii pea ke a’usia ‘ae taumu’a ‘oe tokoni kuo fai ke a’usia ha kaha’u lelei ma’ae fonuaa………………………ENDS LDS Missionary – Mamonga Monday Feb. 24th, 2014 ‘Oku mahu’inga ke fai hono fakatolonga ‘oe ‘ulungaanga fakafonuaa moe taufatungamotu’a ‘oe fonua ni tautautefito ke kamta mei he tanuamaki mo ako’I ki he fanau akoo moe to’utupuu. Koe me’a mahu’inga eni na’e fakamalo’ia’i ‘ehe ‘Eiki Palemiaa – Nopele Tu’ivakano lolotonga ‘ae kaotanga faiva fakatonga ‘ae to’utupu ‘oe siasi Mamonga na’e fakahoko ki he fale mamata sipoti ‘I ‘Atelee ‘ihe efiafi tokonaki ‘oe uike kuo ‘osii, 22 ‘o Fepuelii. Koe katoanga ni foki ko hono talitali ‘oe ‘a’ahi mai mei ‘Amelika ‘ae taha ‘oe kau taki ‘oe Siasii ko Elder Anderson. Koe fakaafe fakalangilangii ‘ae ‘Eiki Palemia – Nopele Tu’ivakano PLAY TU’IVAKANO # 1 Na’e fakahoko atu ai pe ‘ehe ‘Eiki Palemia ‘ene fakamalo ki he kaingalotu he ngaahi ‘ofa kuo foaki ma’ae kainga fainta’a’aia ‘ihe vahefonua Ha’apai. PLAY TU’IVAKANO # 2 Na’e a’u ki he fanau to’utupu ‘e toko 3-afe tupu nai ne nau kau atu ki he ngaahi faiva fakatonga na’e fakahoko lolotonga ‘ae ouau faiva fakafonua ‘ae to’utupuu ‘ihe efiafi Tokonaki…………………………..ENDS Bruno Banani Monday Feb. 24th, 2014 ‘Oku fakahalaki ‘e ‘Ahongalu mei he komiti sipoti ‘olimipiki he taimi momoko pe Winter Olympics ‘a Tonga ni ‘a e ngaahi tukuaki’I ‘o pehe tokua na’e ‘iai ‘ae founga kakaa na’e fai ‘e Tonga ni ‘o fakafofonga’I ai ‘ehe talavou Tonga ko Bruno Banani ‘a Tonga. Koe hingoa Bruno Banani koe kautaha vala pea ‘oku ‘ikai ngofua ‘ihe lao ‘oe sipotii’olimipiki ke kau ki he sipoti ha taha ‘oku ne fakafofonga’I ha kautaha vala. Na’e pehe ‘e ‘Ahongalu Fusimalohi, koe hingoa totonu ‘o Bruno Banani ko Fuahea Semi koe Talavou mei ‘Eua ka na’e toki liliu pe hono hingoa kimui ki he Bruno Banani pea folau ai ki Siamane ‘o kamata ai ‘ene teuteu ki he sipoti Luge. PLAY NGALU # 1 Na’e pehe ‘e ‘Ahongalu Fusimalohi, ‘oku fai hono siofi ha toko taha pe 2 ke kamata hano teu’I atu ‘ihe mala’e tatau pe hange pe koe founga koia na’e kamata ‘aki hono fili’I ‘o Fuahea Semii ‘one a’usia ‘e ola lelei ma’a Tonga ‘ihe sipoti na’e toki ‘osii. PLAY NGALU # 2 Kaikehe koe tafa’aki mahu’inga enii ‘ihe taimi tatau ‘oku mahu’inga foki ke mahino ‘ae hala fononga na’e fou mai ai ‘ae talavou ni he na’e fou he ngaahi me’a kotoa na’e fakalaoo ‘o a’usia ‘ae faingamalie koia ‘ihe ngaahi ‘aho nii. PLAY NGALU # 3 ‘Oku toutou folau tu’o taha mai pe ki Tonga ni he ta’u kotoa ‘I Tisema ‘a Fuahea Semi ka kuo ‘iloa ia ko Bruno Banani pea ‘oku ‘iai moe faka’amu na’a lava ke folau mai ha taimi vaveni pe lolotonga ‘oku kei manakoa hono hingoaa he kalasi sipoti koeni. Koe kakato pe ia ‘etau ongoongo ki he houa ni………………………ends
Posted on: Sun, 23 Feb 2014 20:27:16 +0000
Trending Topics
Recently Viewed Topics
© 2015