Kung inyong paga tugutan mga ka kakosa sa templo, Ipaambit ko unta ning ta-as nakong kasinatian kadtong nag tungha pako sa yosip, na aghat lang ko na ipadangat kini k sadya man gud d’ring dapita. Mao ni akong na sugilanon nga nag ULOhan ug “SUI GENERIS” Sugdan usa nato atong 1st sem, 3rd year irregular, student ko ato sa college of technology, naka undang ko ug 2 years tungod sa mga kakulian na dili kalikayan. Isunod lang nato ang introduction ani k mananghid pako sa hingtungdan. Pasalamat ko kay naa koy mga nakaila sa school atong pagbalik nako ug tungha na nag inspired nako na mopadayon sa BIT, mga irreg pod cla kasagaran mga shiftie pero mga “street smart”, ug pariha mig mga hilig ug permenti mi mag group study. mag alak sa likod, yosi ug sugal tambayan nga pina secret, basketball, soundtrip o di kaya manan-aw ug DVD kanang “indie films”- (salida na duha ray bida ug ang soundtrack don’t touch my birdie). Pasenxa namo sa among mga bisyo ha, dili paman gud uso ang facebook ug dota kaniadto, dili pa sikat android ang mga cellphones para maka candy crush, ug wala papoy cyber s*x... Pero maski naa koy mga extracurricular activities, ug medyo radical ug drastic ang akong panglantaw that time, “simply amazing” ‘ko sa klase kay maningkamot man jud kog review, para mapasar ang mga removal exam. – weeh! Pag naa koy vacant time gawas sa pagbuhat sa mga assignments ug mga projects. Mag tambay pud ko’s hagdanan lobby, samtang mag basa ug libro ni Sun Tzu, din sabayan pod ug tan-aw2 sa mangaging mga salad na studyante. Usa ka adlaw niana samtang nagbasa kog libro na “transgressive fiction” ang tema, sa lobby (dili paman gud sikat ang 50shades ato). Naa koy nakit an na girl na murag lahi rajud sa tanang nangagi, kanang nag heart2 jud dayon akong mga tantalizing eyes ug nag palpitate akong reproductive organ, na love at first sight ata ko sa iya ug wala ko kablo kung side effect raba to sa libro na akong gibasa.. Simply lang ang iyang dating, dili aryaton, mapahiyomon ug hamogaway iyang panagway (sa akong panan-aw matandi nko sya sa usa ka bida sa Korean na salida). – Princess hours! Din ako! Hitsuraan lang gamay, dili pud ko “cosmetically delayed”, kay kung imo kong tutokan geng malangan jud ka. aw ambungan man daw ko , –matud pa sa akong mama, pero lago lang jud daw ko manamit, kanang “GRUNGE” mamorma ba. Obligasyon man nako nag lago-lago o magniyagit kaniadto, para mailhan dayon na taga USEP jud ko. Sukad atong una nako siya nakita, mag apong nako na mulabay sya sa CT din mag ninja moves dayon ko, ug pina stealth sundan nako sya padulong man sya sa SAEC o pagawas gate. – Acheche! Sa usa ka kan anan sa looban sa lacson extention. (Paki google earth nalang). Did2 jud mi naga kaon ug paniudto, kauban sa mga tropa na mga varsity sa inom ug scholar sa mahjong. Sa wala damhang na kahigayunan si aydul na murag half Koreana, half novela ang hitsura, did2 nikaon atong panahona ug sya lang usa sa iyang lamisa. Dili man jud ko agresibo pag in ato na setting kung dili ko tipsy, pro ambot nahibulong ko ato na time, nasaniban guro ko ato sa spirito ni Andres Bonifacio (atapang a tao...), nag order kog pina turbo din nidoul ko sa iyang lamisa, nag ask puede maki share.. Ok rapod sa iya. Nag pa kahoy2 rako, kaon rajud kog ako, pro cge’g sud-ong akong naka sharingan na mga mata sa iyang matahom ug maanyag na hitsura. Paghuman namog kaon, g pangutana nako iyang ngalan maski kablo nako, nisulti sya sa iyang name, (ang iya name pang espanyol ang tuno, din pang haciendera ang dating) sabay pananghid na mag uli n xa sa iyang bhauz -with a smile. Syempre Perting lipaya nako ato k sure ko kaila nami, maski wla niya g pangutana kung unsa akong ngalan. – feeling happy Samtang nag yosi mi gawas sa kan-anan among g topic si aydul na 3rdyear B.S. economics. Pagdayig ang nadawat nako gikan sa akong mga supportive na mga higala atong panahona sa akong gibuhat, kabalo man sila na ibog jud au ko sa mistisa, gitambagan dayon ko nila’g pina papa jack. Ana pa cla “suntok sa buwan” daw akong gpangandoy, ug musugal jud daw cla na dili jud daw ko maka dama’ atong bayhana. Plus dugangan pajud ug makagana na storya sa usa ka amigo na dating statistician na si “kuan” gani daw wala daw kapasar ato na siento porcento pormalon daw mamorma, ako pa kaha? Sa akong pagkabalo si “kuan” maski wala ko kaila sa iya, nag basi lang ko sa ilang mga analysist kay ( neat daw din naga apil2 ug mr.2x sa ilang college din tall, dark, and vasectomies daw ). Din ako daw maski ug prince charming lang sa classroom ika unom pajud ug mag binotohay na sa walo ka gi nominate.pastilan! Sa akong kalagot ug kapungot, pag uli nako nipalagdas ko sa usa barber shop, ug gipagupitan nako akong pina kurt cobbain na buhok ngadto sa pina K-pop. – Eww! Sa may basketbolan doul sa ilang college nay lingkoranan dha sauna nga kahoy, nakita nako xag usab, gidooul napod nako sya ug gi storya2, sabay pangau sa iyang number. Kay pa uli naman sya, din kami nahuman napod ug dula, sabay mi pagawas sa skul. Habang naga lakaw g jamming dayon ni angkol ang ekonomista, ug sige sya’g katawa k naa daw koy “sense” ug naa daw koy “humor” kaestorya (siempre jam rapod to niya). Sukad ato nagkasuod mi pag maau, naga txt2 mi, unsahay sabay pud mi mangaon gawas o magmerienda sa coop, mag tambay sa oval mag gitara ko ug siyay tig kanta2 o laroy-laroy sa campus kung nay activity. Usa ka higayon niana, nasugoan ko sa akong walay pasenyang kasing-kasing na ipasibya na akong ga orus-orus na pagbati sa iyaha, k basi’ daw naa ko tyansa nga maka chamba. Naka tyempo ko, gipangutana nako sya ug pina abtik, kung puede ba makig relasyon with feelings, Din pina abtik pod sya ni tubag na huna-hunaon padaw niya with affection. So si master nga leader sa sindikato wla lang pud nangulit ug nagdali, nagpaabot rapod kung kanus a sya mahuman ug huna2. – hoping against hope! Usa ka takna niana, human sa final exam week sa yosip ug sa mga removal exam nako, ni txt siya kung puede magkita daw mi, kay taraw tangay kaau ko sa iya, ngutana dayon ko kung asa ug kanus a, so nagkita mi sa may palma ila bokbok, nag storyahanay samtang nag tagay, gipangumusta nako ang akong gipadayag na pagbati sa iya kung unsa nay kamatikaran. Daghan mig nahisgutan nga sadya ug makalingaw, ug sa dihang ang mamanap varsity pod diay ug napasubo ko, naglami jud among 1st date ug nangalorong jud mi, nakahurot mig hapit usa ka kahon na yakult, sa laktod nga pagka istorya, nisulte siya na dili man daw ko lisod higugmaon, “in vino veritas”, musugot sya makig relasyon sako, pro suwayan lang sa daw namu ug 1month kung unsay dangatan. Yahoo! managtrato nami. Paghuman namo sa palma, gihatod nako sya sa ila bhauz sa bagsak, nag baktas lang mi maskig nagsampiray na, ug taga eskinang maagihan mag puli-pili mig suka. Pag abot namo sa gate sa ila bhauz, g ingnan dayon ko niyag “lakaw, uli na k hubog naka” lakaw pod ko, din sa ika disinoybi nakong tikang iyaha kong gtawag ug gpabalik, g gakos ko niya, g hagkan sa ngabil, nibalos pod ko pero dili pina torrid ha k lagi medyo awkward pa k sugod pa baya, ug sa unang higayon nadunggan nako sa iya na ni sulti ug “I love you” na pina lambing sa akoa. Mao to sa akong kalipay ni uli ko nga nag ambak2, pag abot sa unahan nagsinoka napod ko, pero okey ra, epecto ra cguro to kay daog ko sa among pustahanay sa akong mga higalang mga dean’s lister. (permi gnapatawag sa dean’s office tungod kay buluyagon). – epic fail! Nahuman na ang 1st sem, nag uli na xa sa ilang bukid, permi mi mag txt2 halos kada adlaw jud. Nagsabot mi na sabay rami pa enroll, mag pa late enroll lang mi kay 48years kaau ang enrollment process sa USEP atong panahona. Domingo sa hapon before mag start na ang klase, pasidulong na siya sa dakbayan, excited au ko k magkita namig balik human sa pila ka simana wla gakita, gisundo nako xa sa DCOTT, pag abot namo sa iyang bhauz mingaw kaau ug murag sya ray nibalik atong adlawa. Samtang nanihapon mi sa iyang gpoy-an, Tabi kaau mi sa mga nahitabo ug gipangbuhat atong sembreak, wla namo nabantayan na lalom na diay ang kagabhion. dhang mopauli na ko, nibundak bitaw na ang ulan ug pina bunok ug dugay jud ni tu-ang, mao tong nihanyag sya’g “dri nalang tulog” k kablo naka sa obrero magbaha dayon maski magtaligsik lang. nakuratan man ko ug nakugang sa akong nadungog, nakahangad kog ahat ug nakasulti “wag mo akong ipahintulot sa tukso”. Nisulod mi sa iyang kuarto ug nagpadayon sa among tabi ug tinapoyay ug para mupahuway k mag pa enroll pa ra ba mi pagka ugma, akoa siyang gsulayan na hagkan sa waet ug ang koreanang hilaw ni nibalos ug nipiyong man, wala nadugay akoa siyang gipahigda sabay palong sa suga, sa nanghigda nami nipiyong nalang pod ko, sabay yamyam ug pina hinay “matuman ang imong pagbout”. Sa pila ka minutong ginitikay din dala na ciguro sa gitawag nilag “concupiscence” g ask nako xa ug puede mo“experience” k murag makigbisog na ang aktibista, g hinay hinay nakog paksit ang walay mga labot ug gihagkan nga walay laktaw para makasulod sa gingharian sa langit, nagkamoritsing jud ko ug nahitabo jud ang dili angay mahitabo, gisaw-an namu ang walay susama nga himaya, gisigurado jud nako na dili siya mapingis k basig sukmatan ko paghuman. (Dili man to namo 1st nabuhat, pro 1st time namo kami ang riding in tandem with rebansin ug disiyon). –kemfit! Pila ka day’s nalang hapit among 1st monthsary ug ma end of contract na. Akoa syang gsudyaan kung unsa iyang plano, So naglaraw sya e extend daw namo ug another month k nakauyon lagi, din nasundan another month pjud, din another month nasad, hangtod wala namo namatikdan na mag 1year nami. (Pati ang experience xempre extended pod). Medyo seryoso nami sa among relasyon k mag tuig lagi. “Paradigm shift” kaau ang tanan, kanang pag vacant time nko ang akong BOSS ang akong kauban ug ang akong bisyo atong panahona kay ang magpaulipon sa gugma. Malipayon kaayo mi susama sa uban typical mi na manag-trato, sabay mag simba, kaon did2, laag dre, hatag gift, tan aw sine, lulinghayaw, etc..” Annus mirabilis” kayo to para sa ako. Maski usual ug normal lang jud sya pariha sa kadaghanan. Gi paila-ila nako niya sa iyang family, xa gidala pod nako sa among family reunion ug daghan namig mag common ug mutual friends. Milagro cguro jud ang nahitabo na niuyon sya na lugwayan namo among sem break love affair. Milagro rpud akong nahunahunaang “adjective” para ihulagway ang akong talagsaong nasinatian na murag walay kinutubang kalipay. – Alak2 pud pag may time! Naabot najud ang time na mo graduate nako with honor (atik lang), ug natinood ang tawag niya sa akoa “your honor” na, lipay sya at the same time, nagool pod sya k dili sya maka graduate, k imbis man gud grades ang ihatag sa iya sa iyang adviser sa thesis, tigaan naman noon syag rejection slip. So nag work dayon Ko, din sya nagpadayon sa iyang thesis.. Abreng klasi nasad ug ambot naunsa to, na did2 nako mag uli human nakog work pag Monday- Friday sa iyang bhauz din saturday ug sunday mag-uli sya sa bukid, uli pod ko sa amoa. Nag tunga namig sa rent, share2 nami halos tanan, naa mi “division of labor” sa mga buluhaton sa iyang bhauz, basta mura mig naa sa among kaugalingong paraiso. 2 years nami ug going strong among relationship. Naa end ang 1st sem >> fastforward.>> (bag-ong tuig). Doul napod ang march, pressured na kaau xa k murag wala pjud nilambo ang iyang gihaguang thesis, din ako outside davao city pjud ko ma assign sa work pagkalast week January. Sad to say wala gihapon xa naka graduate ato na S.Y., mura sya’g nawad an ug gana sa tanang butang ug wala pjud ko sa ing kiliran para damayan ug amomahon siya, k tagsa nalang mi mag kta, twice a month nalang k LDR lagi ug wala na sya naanad na wala ko permi sa iyang tapad. Naga txt noun mi ug naga tawagay sa kanunay. Abring klasi nasad ug thesis nalang iyang gpa enroll ug plano na sya mag work pod para matuman among mga gpangandoy. Isa sa among common friend (CF) na lalaki iyang sabay niya unsahay atong mga panahona. Nisalig pod ko k CF na, mag uban cla k lagi maayo man iyang pakisama sa akoa. Din ana pa c GF na si CF naa daw KABABATA (KBBTA) na lalaki na nakagusto daw sa iya, in fairness nisulti xa sakoa tanan nilang mga laag ug mga lakaw. So kampanti rako, wala nalang pod ko nag sukit2 k lagi nisalig man ko niya.—Almost but not quite! Hangtod naabot ang usa ka txt aw mga txt gikan sa mga ”concern citizens”, na nagataho kung nagbulag naba daw mi GF… ana ko nganu in ana inyo pangutana? Ana cla basta laag2 pod ug Davao pag may time ka, para ako nadaw mismo ang makasuta kung paunsa ko gilimbungan ni GF ug sa’kong gisaligang CF. Nangatol jud ang alimpulo sa akong tingkoy atong higayona. Gpang kontak nako akong ang mga matinabangong mga aLipures para ipa surveillance ang akong mahigumaong didang, ug ang akong amigong mas Hudas pang eskaryote. Usa ka adlaw niana nag teleport ko padavao, na wala ko nagpabalo sa iya/ila, nagKita mi sa akong mga apostoles sa usa ka imnanan doul sa USEP, Nag story telling dayon sila sa ilang nasayran samtang ako nag dula ug mental calisthenics. G txt nako si GF ug asa sya, ana lang sya nag net xa para sa iyang thesis daw. Din si CF txt pod nako ug asa sya, g replayan ko’g, sa hauz radaw nila. – Unya di ka malain ana? Naa info nga nasagap, nga naa daw cla sa gawas bhauz sa kababata ni CF nag shot daw sila ug sweet daw kaau sila GF ug ang KBBTA ni CF, mura jud daw ug dugos nga napan-os... so kami pod nagpadayon sa pag tumar sa agua de pataranta ug medyo naka dyes letros na, gilangkuban ang mga ka tribu samtang nag hulat ug factual accuracy na report gikan sa mga kauban sa kulto na murag mga C.I.A. Confirm najud na naa did2, so attack mode na ang mga katipuniro k naka heater nagud. Pina art of war jud ang dating k gamitan jud ug strategic and planning. Yun oh, “In flagrante delicto” Agad2 nag strong ko ug na super science ug kalit gbuno nako ug “loaf bread” cla ug si CF ang naigo, pina fast and furious pod dayon nga niasdang ang mga disipulo na namigwas sa ilang tapok. Royal rumble, pag human sa round 12, to the rescue dayon ang mga peace maker na mga mutual friends, k naa may war xempre naa jud nay peace talks. So nag storya mi ni GF, nangugat ko na nisukmat sa iya’g, anyare? Traydoray lang? With pamalikas na pina rap! Wala jud xa nitingog ug nihilak lang xa sabay gakos sa akoa. Pagka taod2 niana xa assignment lang sa ni atong bangi ha k naka inom ko ug dili ko manimaw sa iya, so nag uli mi sa iyang bhauz ug wala mi nag storya about sa nahitabo, kundi sa among mga nindot na kasinatian atong nanglabayng kahigayonan. Pro sukad ato nag A.W.O.L ko sa work, kay gina hunting ug gina SNIPE ni asiong salonga si erning totpik ug ang iyang kbbta.Natarantar cla ug nagkabuang sila’g tambling2, tungod sa akong pagbangotan literal na gitamnan nako silag kawayan. – Creative Anger! Naabot ang time na mag brain storming ming GF balig 24hours para mag klarohay sa usa ka lod*ing house sa aplaya nga nay statwa. Sa hapit 1,000 days sa among panag uban wala jud mi nag away o nag lalis lang man maski sa gamayng butang, didto nako na isip na lisod jud diay mag solve ug quadratic equation kung wala ka kaagi ug algebra. Nagsugod among diskosyon, nag sugyot sya na mag padayon mi kung pasagdan na nako cla. (Si CF ug ang iyang kbbta k ni aksyon nadaw sila’g kabalaka). Ana pod ko na cge magpadayon ta pro dili namo magkita nila. Dili sya motamod kay lagi “friendzone” cla so naa clay katungod na magkita ug d daw ko mouyon sa iyang gusto mo baryable jud daw ang tawagan ug magbulag jud daw mi.. Niulbo akong kaspa ug akong blood pressure nisaka ngadto sa 180 over acting millimeter of mercury sa iyang gisulti. Wala jud mi nagkasinabot, nagbansiwag ug nagkalantrakas na among mga gusto, sa katapusan nag plea xag guilty ug nangayo sya’g sorry sa iyang nabuhat, naghilak sya na nagpakilooy ug nanghangyo kung puede magbulag sa mi k G.G.I. njud daw sya. Nisugot nalang pod ko na mag bulag mi maski sakit sa akong pus-on. (Nindot kaau akong pamati atong higayona, kay sa among huling el bimbo g buhos jud namo tanan k lagi wala nay ugma para sa amoang duha, kanang walay pahuwaYAY na ginaksanay ug hinilaKAY). Seriously! Bitaw nisugot ko na magbulag mi dili tungod k wala nakoy gugma sa iya maski nabuhat to niya, kundi love kaau nako xa mao gitagaan nako xag kagawasan, gi calculate nako ang risk sa makadaghang higayon, sa mga posibling mahitabo ug ang posibling mahayan, pero nahuna hunaan nako na kung kalipay man niya akong kasakit, so be it. Di baling mag antos ko ug mosakripisyo makita lang nako na malipayon ang taong akong gihiguma. Kay ang tinood na pahiguma, sumala pa sa balaang kasulatan kay mapailubon ug mapuangoron… – unang mga taga corinto, kapitolo trese, Bersokulo kuatro hangtod siete. Sukad ato hangtod karon wala nami nagkita ug wala nami communication ni XGF ug ni CF. Taod2 pod ayha ko naka move-on, mga 2 minutes ciguro. Ang limtan sya diha2 dayon, dili jud sayon ug dili ma laktod, kay sa kasing2 sakit ug mohilab jud kini, Kanang niagi jud ug grabe ka wadwad ang akong life, ug tanang bisyo na akong gibiyaan, gipangbalikan nako inubanan sa suporta sa mga amigo nakong mga geologist, hapit najud naabot sa punto na mag suicide ko, kanang lami najud gani mag adto ug bangkerohan, mag videoke, din mokanta ug “my way” na pina sid vicious. Tungod pod ata sa ka desperado hapit pod ko nag pa tattoo sa dughan, ug “villa abrille land grabber”. Kanang Nawad-an jud lagi kog interest sa tanang butang ato na time ug selective participation na ang drama sa peg ug akong gusto kanang mag cge lang ug planking2. Sempre proud kaau akong parents sa akoa atong panahona, kulang nalang ipa D.D.S ko nila k lagi d na mapuslan k nadaot sa gugmang nasobraan. – Ang sad ng life ko! “KUNG NAGA LAOM TA SA PANAGHINIGUGMAAY NA WALAY KAHUMANAN, MURA RATAG NAGPALUPAD UG TABANOG SAMTANG GABUNOK ANG ULAN”. Lisod mag amping ug usa ka relasyon na mulungtad ug dugay kung usa lang ka tao ang maningkamot para malugwayn kani. Sakit man ug pait pamalandungon, ang akong mangilngig nga nahiaguman atong among panagbulag, pero wala koy katungod mag reklamo kay sa uban ug sa iya mismo nakapanakit man gud pod ko – so patas ra. Tama rapod cguro to na nahitabo para masayran nako, kung unsa pa akong makat onan, daghan pakog dapat makat onan. Ug paunsa tagaan ug importansya ang importanteng butang samtang naa pa kani sa imoha. Dili pud dapat bisyohon o magpaulipon sa gugma. Sa karon, naalim na ang samad sa akong kasing2 pero hing ulat jud kini, Hapsay na akong paminsar ug bastanti napod akong pamati. Sa kasamtangan single gihapon ko ug “ANG DATING PAG-IBIG, ALA-ALA NALANG”. Unta ang atong mga pangandoy atong matagaan ug katumanan! Ang nagparaya, Bal Ang Hoy P. S. – Pasenya namo k taas jud kaau akong walay klarong paghulagway na sugilanon na murag S.O.N.A. Daghan pajud ug grammatical errors din ang mga punch line na corny kaayo na wala pajud nagkadimao kay pamataka ra, dili man gud ko hanas mag sulat ug story or unsa bay ha-om na tawag ani?, – “Death treats” noon kaantigo ko mo gama’ ana, so sa mag comment ug dili maau o nay violent reaction about ani, kabalo naka ug unsay ipadangat nako sa imo . Bitaw ang pina ka importante akong napambit akong nasinatian sa paagi na akong nasayran. Paxenxa njud mo unta masabtan ko ninyo, dili man gud ko writer o story teller, usa lang man gud ko, ka ordinaryong mekaniko. P.S.S. – SALAMAT SA TANAN, sa nigahin ug panahon ug naabot d’ring dapita, salamat sa inyo na nag atos ug basa ani (unta ipadayon ninyo ang pagsuporta sa atong pinalanggang tulunghaan). Salamat pod sa mga mo like ani, Salamat sab sa mga taong e copy paste ang link ani para ipabasa sa ilang mga friends na eshare pod sa iyang laing mga friends. Kamong tanan karong intramurals makadawat mog regalo (prayers) gikan kanako. Sa wala ni tiwas ug basa ani sure ko wala mo kaabot dre, salamat pod inyo, unta ma broken hearted mo. – Joke lang bitaw dili baya lalim na. Salamat pod kay CF maski nabuhat to nimo, gpasaylo na ta ka. Salamat sa akong mga tinood na amigo na wala jud ko nila gbiyaan, kay lagi ako daw nag hatag ug insparasyon sa ilaha. Labaw sa tanan kay XGF “bulahan ka sa babaeng tanan” wala man nilungtad atong panag uban ug dugay, salamat ghapon tungod sa imo nakat-on ko na mahigugma sa walay pagduha duha, maskig nasakitan ko sa katapusan. Kung asa man ka karon, unta naa ka sa maayong pagkabutang ug unta malipayon ka sama atong una takang nakita, kay sa anang paagiha malagmit matagaan nimog hustisya ang nidagayday kung mga luha. ALUMNUS/ALUMNA
Posted on: Fri, 16 Aug 2013 08:25:07 +0000
Trending Topics
Recently Viewed Topics
© 2015