LEHKHA THAWN Ka hmangaih, Lei hunbi-te Dam leh lung muang tak a i hman ngei ka beisei... I tan chauh ti a, Dam chhung a tiam a, run hmun lendun zai kan rel khan e, ka ring ngai lo kar lam hla tur hi... Mahse, Khuanu ruat reng a lo ni e... Am te a Sakruang buan ang pawm a... An sawi Hmangaihna Lui mawi tak chu dai dun in... Vul an kan duh hmangaihna Par chu ; A kuh mum Par chhuah tir in Thinlung chhung chhuak Hmangaihna Tui in kan chawm a... Leng ten an thliah mai hlau vin Eden huan Vengtu khan daih ai pawh a hriam ; Chatuan Lungpui ai pawh a paltlang har Rinawmna Kulh in kan hung a... Mahse, Chung Mu vanlai te reng kan dawn tel silo... An ni chuan min thliah sak ta si a... Sakawlh leh Ral hma a zam ngai lo, Thian chhan thih ngam Zomi Pasaltha meuh pawh I ngai reng hian Nau ang nuar in Senlai nau ang ka tah tak hi... Kir thei chang suh i Nun hlui mual liam hnu... Mahse, kan kar hmangaihna erawh i dinthar leh ang hmiang... Lung ti lengtu Buannel ram dai... Lengte thinlai ti hnim a Nau ang an tahna; mi Ngeng Pasaltha meuh pawndawl zo lova Chhing mittui a sen na hmun han fan a, thinlai Zo Chhum ang a zing tur ai pawh in nang ngaih Lunglen a zual chuang zawk e... A D Tualvungin a Hlimthla Zawlpala hnung chu Zui ve in Thenlohna Ram ah siang lawi tur in Piallei ah Lei taksaa zalh a... Duham leh Nunrawng Phuntriha leng chuan Kar ah Remlohna len tir tum in a hring lam taksa a zalh ve ta bawk a... Hmangaihna kawng rual rem lo tak an zawh a... An iang hian maw ka D Lenna Hringmi khua kan chhuah san hunah chuan duh ten Puan ang in pawm leh ila... Karah Dawt thu keng Palai in min zem tawh em lovang a... Hmangaihna Par kan tlan dun leh dawn nia... *LUNGLOHTUI dawt a Pialral Lamtluangka zawh hun ah pawh Nang ngai a*LUNGLENG hian tah lai bang thei chuang hian ka in ring lo...**HAWILOPAR tawn a Pialral kawngka ka thlen hun ah pawh i Sakhmel hmuhchak in I tuanna mual lam ka la rawn**HAWI leh ngei ang... Nang ngai a Suihlung leng hi min dawn ve ang chemaw..??? A tawp ber na a tan chuan maw ka Chhingmit Lalnu..... Lei Ram Lengten tual kan chaina Vangkhu an kan kar lam; lei a siam lei vek a kir leh tur lei taksa dam chhung atan ral tawh mahse, kir leh tawh lo tur Rauthla te Lenna Ramah tal Chhingmit kawngka hawng leh tawh lo tur a Kan khar hunah lengdun leh in; Lungduh kal ta te hma ah tiamthu kam chhuak, sut tawh loh tur ngei chukan chham dun leh dawn nia... HMANGAIH, HMANGAIHNA, HMANGAIH LEHHMANGAIH TEN KAN VUL TIR LEH DAWN NIA... Hmangaihtua K. VANLALVENA ( F.j. Mavena Khiangte )
Posted on: Tue, 12 Nov 2013 13:45:41 +0000
Trending Topics
Recently Viewed Topics
© 2015