NGAIHDAMNAK RAPTLAK THUANTHU ROLING Sumdawng kual tlawng, pa tawk zet a si. An nu khal mimawi, mizei le pianmawi nonal ttha a si. Fa pathum an nei ih nung thei hmang thei an si. An nu cu a mawi sinsin. Anpa kual a tlawng sungah nuamcen in, tlangval pakhat thawn an tlan. Anpa cun an nu hawl in a sukso ah a tawi. Phone nak ding a theinak hmun hmuah a ko. Malaysia,Thailand, India ram dang tiang in. Kawlram sungah a um ti a thei. A lungawi tuk. An umnak a thei ngah hnucun a mah rori a feh ih kirsal dingin a sawm. A nu in a duh lo lawlaw. Ka thih hman ah ka thalrau khal na hnen a tlung lo ding ti ttawngkam cu a tlunpi thei tawk a si. Can a liam. An pa cun an nu tlung sal dingah thlacam abang lo. A duh thu, a ngai thu le a lungleng thu khal sim a ning dah lo. Netabikah an nu cu a sir aw ih an pa hnen ah a kir sal. Anpa cun puai a tuah ih sunglawi zet in a hmuak. Hi ti rori thu le hla na theih thluh si. Ziangah saw na hruai sal? an ti. Hni siamsi tein nan thei hrih lomi thil a phen ah a um a ti san men. Ngaihdamnak rapthlak tuanthu roling a si. kuitawk ihsin ra mi a si? Duhdawtnak cun sual a khuh thluh thei (1kor 13:4-7). Bawipa in, Ra uhla kan ruat tlang hnik pei. Nan sualnak cu sen-eu bangin sen hmansehla, vur bangin ka lo thiangfai ter ding; sendup bangin dup hmansehla tuuhmul bangin ka lo vaar ter ding (Isaiah1:18) in ti. Amah in kan sualnak hmuahhmuah in ngaithiam (Sam 103:3). Khrih thisen thawngin thiamcoter kan si zo (Rom 5:9). Fa kan si ruangah Pathian in a minung hrangih a retciami thlawsuah a cotu ding kan si; cule Pathian in Khrih hrangih a retciami khal Khrih thawn kan co tlang ding. Ziangah tile Khrih tuarnak a tuar vetu kan si ahcun a sunlawinak khal kan ṭawm ve ding a si (Rom 8:17)
Posted on: Mon, 20 Oct 2014 18:17:51 +0000
Trending Topics
Recently Viewed Topics
© 2015