Oras ki um relason ta termina, bu ta fica ta djobe pa tras, Bu ta odja tudo como se fosse um filme, sima ki personagens foi otos, tudo à camara lenta, ta tenta descubri na ki momento kuzas começa ta corri mal. Mesmo sabendo ma único soluson é termina, lembranças de momentos felizes ta teima na parci na bu mente. Kel sorriso ki nhós troca. Kés bejos apaixonados, Kel cumplicidade ki nhós tinha, Kés jura de amor eterno. Kés declarasons ki ta fica ta ecoou na ovido, “bó é nha cara metade”; “nta amau” Kés confidências ki nhós partilha. Tudo kés momentos de paixon, xeio de química, ki tudo sentido foi explorado até apoteose, ta teima na desfila na bus lembranças, nhós dois na meio de lençol, nu física e espiritualmente ta revela pa cumpanhero sem medo, sem receios xeio de ternura, paixon, desejo amizade, amor. Nhós braços ta envolve cumpanhero, lábios ta suga e ta explora cada poros de cumpanhero. Tacto, audison, vison, olfacto, paladar tudo ta funciona ao máximo,ta splora e ta dexa splora. Tudo kés encontros de amor ki nhós teve ta insisti na bem na bus memórias ta mostrau tudo ki nhós vive sima ki pa flau “lembra modi ki bu foi feliz”, sima ki bu corason ka sabi disso, sima ki bu eu ka sabi disso, sima ki bu tevi um amnésia e bu sta desperta na kel momento. Bu corason ta doeu, ta xpreme bu alma ku sódadi, sima ki pa flau “ka bu desiste, dal mas um chanci, inda nhós tem tchéu pa vive” Bu razon ta flau si tudo era perfeito si, pamode ki gossi nsta coloca possibilidade de termina, mas bu corason é teimoso, é ta finka pé, é ta labi labi na Tchon, é ka ta obiu e oras ki bu da conta djeh toma desison pa bó! Por isso ki ta flado ma corason tem razons ki propi razon ka conchi! Krétchéu
Posted on: Thu, 18 Jul 2013 20:21:50 +0000
Trending Topics
Recently Viewed Topics
© 2015