RONALDO AIIN £87 MILLION LAIIN MESSI HI A HLU ZAWK International Centre for Sports Studies (CIES) in an chhut danah chuan Lionel Messi a hlutna a sang ber a, amah hnaih bertu Cristiano Ronaldo aiin £87m laiin Messi hi a hlu zawk a ni. Tum 4 lai Ballon dOr chawimawina lo dawng tawh tu Messi hi World Cup hnuhnung ber ah khan a che tha hle a, Argentina Final thlenpui in tournament a player tha ber a thlan a ni bawk a nih kha. Messi hian tunlai hian chanchin a ngah hle a, Chelsea nen a sawizawm mek niin CIER in an chhut danah kum 2018 thleng Barcelona a contract hmanzawh tur nei Messi hi £220m vel lai a hlutna a ni a,Chelsea hian Messi hi an lei dawn a nih pawh in a tlember ah £200m vel lai chu an sen ngaih hmel hle a ni. Player hlutzawng hi kawng hrang hrang in an chhut a,club a contract an neih dan a zir te, a chet that leh thatloh ah te, a kum a zir te leh kawng hrang hrang atan in chhutna an nei. Khawvela player tha ber a thlan ni mek leh Ballon dOr dawng leh tur a rinkai ber Ronaldo hi £133m vel a hlutna ni a chhut a ni a, Chelsea forward Hazard chu pathumna ah awm in £99m vel niin a hlutna chhut a ni bawk. Palina ah Chelsea striker Diego Costa chu awm in a hlutna hi 84m vel ni a chhut a ni a, Man Utd atang a a free a an lak luh Paul Pogba chu panga na ah awm in £72m vel lai in a hlutna hi chhut a ni bawk ani.
Posted on: Thu, 08 Jan 2015 13:07:36 +0000
Trending Topics
Recently Viewed Topics
© 2015