THE DEAD SEA SCROLLS ******************* Dead Sea kam a Qumran puk a kum 2000 chuang zet a upa savun a lehkha ziak an hmuhchhuah chuan Kristian sakhua thurin leh lo innghahna thin te,Vatican a Pope rorelna te leh thunhma Kristian sakhaw lehkha ziak lo awm hmasa te nen lam a sawi nghing lawih ta mai le. Hetiang taka thuziak pawimawh hi enge a nih, tutenge a ziak tu,engtik hun lai vel a ziah nge tih leh khawi hmunah nge, engtinge an hmuhchhuah chiah tih hi tuntum atan chuanilo thet hawng dawn teh ang- 1947 khan beram vengtu naupang pakhat a beram te zawng a vak vel chuan Dead Sea kam a Israel ho ram awp chin West Bank a Qumran an tih khaw hmun hluiah chuan puk 11 lai mai a hmuchhuak a. Heng pukah te hian khawvela ro thil hlu ber pawl a ngaih a hmuchhuak ang tih he beram pu hian a hre bik reng reng lo a. Puk chhungah te chuan hlum bel tha taka in chhin chhungah hian papyrus an tih lehkha a ziak savuna tha taka infun thuziak in zial chu tam tak a lo awm teuh mai a. Heng lehkha ziak The Dead Sea Scrolls an tih tak ho hi 1948 khan khawvela lehkha ziak hlui hmuhchhuah tawh a hlu ber ah puan a ni ta. Kristian sakhaw lo pian chhuahna ah pawh thlir dan thar a rawn kai hawng ta tlat mai. Heng lehkha ziak an hmuhchhuah te hi avaiin 800 bawr vel a ni a.A then chu savun a ziak te, papyrus a ziak te leh dar phek a ziak te an ni nual hlawm a. Tamtak chu a darh deuh niaih nuaih tawh laiin thenkhat chu a la tha hlawm hle mai a. Heng thuziak te hi Hebrai tawng te, Aramiac tawng te leh Greek tawng te a ziak an ni hlawm a. Hmun thum a then a hmun khat chu Thuthlung hlui lam a ni a. Kum zabi BC 2 na leh kum zabi AD 1 na inkar bawr vel a ziah te an ni hlawm a. Bible ziak lo awm hmasa te aiin kum 1000 dawn te a upa te an ni a. Tin, thenkhat te chu Thuthlung hlui lam, Bible atana hman tel lemloh te an ni nual bawk a. Mithiam te chuan tute nge a ziaktu te ti chu an chui zui nghal ta char char mai a. Hemi an hmuhchhuahna Qumran vel hi tunhma hun a mihring lo khawsak hrep tawhna hmun leh helaia lo cheng tawh ho te hi Juda pawl pakhat Essenes an ti ho te an ni tih Roman Historian Pilny the Elder(AD 23-79) thu ziak atang te, tin, Jewish historian Greek tawnga ziak thin Philon of Alexandria(BC 20-AD 45) thuziak atang te leh Flavius Josephus(AD 73-100) thuziak atang te in an hrethei ta a. Mak ve angreng deuh mai chu Qumran khaw hmun hlui archeologist hovina an laih chhuah hian hetiang thuziak hi engmah hmuhchhuah an neilo a, chuvangin heng Dead Sea Scrolls ho puk a an hmuhchhuah hian Qumran vel a mi cheng ho chuan engemaw hlauhawm a awm an hlauh avangin heng pukah hian an thukru ta niin an ring a ni. Qumran velah hian Essenes ho hi kun zabi BC8 na lai bawr vel khan an khawsa niin an ngai a. Essenes ho hi sakhuana thil a inkulh hrang,inrelbawlna hranpa nei leh dan leh hrai duh khirh zet mai an ni a. An pawl a lut tur hian dan khirh tak tak zawm tur an nei teuh mai a, tin, he hmun a awm tur hian an chhung leh khat te an tuithlar thak te a ngai bawk a ni. An nitin nun hman dan hi an rel fel thlap a, tawngtai hun, inkhawm hun te, an nei fel thlap tin anmahni hi sakhuana avanga in serh thianghlim an ni a, khawvel tawp hun tur te hi an buaipui em em a. Tin, Mosia dan bu te hi an ngai pawimawh em em mai a, tin, baptisma kan tih ang chi inbualna thianghlim te pawh an nei ve vek a ni. BC 67 leh 63 inkar khan beih an tawk a, an hotupa ber Teacher of Justice an tih chu Damuscus ah hnawhchhuah a ni ta a. Mahse BC63 na hma deuh hian an hotupa hi a thi a, hetih hun lai vel bawr hian heng Dead Sea Scrolls te hi an thukru ta anih an ring. Mithiam te chuan Kristian sakhaw rindan leh kalphung hi Essenes ho rindanah hian a innghat nasa hleah an ngai a. Lal Isua leh Baptistu Johana te pawh hi Essenes ho zinga mi niin an ngai bawk. An zirtirna leh kalphung pawh hi a inang deuh chiah a, hei vang hian Kristian sakhaw tobul tak hi Essenes ho anga sawi pawh a awm reng a ni. Essenes ho hi Qumran velah hian AD 68 thleng vel khan an awm ni a ngaih ani bawk. Dead Sea Scrolls a thu inziak te avang hian Kristian sakhua innghahna hi a mi nawpui ina kan lo hriat dan nen hian a inanloh em avangin Vatican lam te pawh an buai deuh map map hman a. A thu ziak tam tak tla darh han remkhawm atang thu lo lang te pawh hi Vatican lam hian an thup reng thin nghe nghe a ni. He Dead Sea Scrolls atanga lang chiang deuh mai chu Kristianna kan tih kalphung hi Lal Isua hun hma lam pawh khan Kristian tih hmingpu lovin a lo awm tlat tawh mai tih hi a ni. Tin, kan sawi fo tawh thin angin mi tamtakin an ngaihdan a Bible ah hian engkim awm anga an ngaih hi a awm lemlova, kan Bible in a tum ber chu chatuan nunna kawng min kawhhmuh a chu chatuan nunna a min hruailuh chu a ni a. Kan Pathian hian keini mihring ten hrechiang se min tih hi chu Bible atang kher lo pawh hian a duh chuan min hriat fiah tir mai thin a ni tih hi he Dead Sea Scrolls an hmuhchhuah atang hian a lang chiang hle in ka hria a ni. *Source: Last Mysteries Of The World/Almanac Of The Uncanny **Image: Google Image- Dead Sea Scrolls a thu inziak.
Posted on: Tue, 03 Jun 2014 06:29:45 +0000
Trending Topics
Recently Viewed Topics
© 2015